blogue deguillin

Aquí tedes unha síntese do que se pretende impartir ao longo do curso e como se vai a valorar.

Aquí tedes un resumo do que se vai a dar no curso e como se vai valorar

No documento que se xunta tedes o resumo do esencial da programación deste departamento para a FÍSICA e QUÍMICA de 4ºESO no curso 2024-25

No documento que se xunta tedes o resumo do esencial da programación deste departamento para a QUÍMICA de 2º de Bacharelato no curso 2024-25

No documento que se xunta tedes o resumo do esencial da programación deste departamento para a FÍSICA de 2º de Bacharelato no curso 2024-25

No documento que se xunta tedes o resumo do esencial da programación deste departamento para 1º de Bacharelato no curso 2024-25

O pasado luns 13 de Maio rematamos o curso escolar en 2ºBAC e como colofón visitamos co alumnado de ciencias deste nivel as instalacións dunha das empresas "referente" da comarca. A Actividade industrial de Forestal del Atlántico é tan variada que consideramos necesario amosarlle ao noso alumnado o potencial que posúe e que está máis preto do que parece. Desde a fabricación de novolacas, o acabado de taboleiros prensados e sobre todo o prometedor proxecto de fabricación de metanol verde, para o cal xa conta coa licencia correspondente e para o que xa están reconvertindo as instalacións...Este proxecto está subvencionado pola Unión Europea e esperáse que en poucos anos use o dióxido de carbono liberado na planta de coxeneración de gas e o hidróxeno producido na electrolise de auga, para obter o metanol, materia prima de moitos procesos de síntese industrial. En definitiva, unha empresa que permitirá dar emprego a máis de 100 persoas, e que será unha das locomotoras que tire da economía da zona.

Tdoo isto nos foi explicado coa amabilidade de sempre por parte de persoal cualificado da empresa, á cal lle agradecemos a súa predisposición para publicitar a súa actividade e aproximar un pouco máis o mundo laboral a un alumnado que está a piques de entrar nel.

O que xa non acompañou moito foi a meteoroloxía, pero iso xa é outra historia ;-)

Esta mañá puidemos levar ao alumnado que cursa Física ou Química de 2ºBAC á Facultade de ciencias da Universidade de A Coruña. A idea era asistir a unha conferencia de Javier García Martínez. Seguramente non o coñezades, pero resulta que é o primeiro hispano falante (xa non só español) que preside a institución máis importante de Química no mundo, a IUPAC (International and Unique, advancing Pure and Applied Chemistry).

Un auténtico privilexio ao que acudíamos coa mosca detrás da orella por se a cousa acabase no típico "peñazo" de conferencia na que se emprega unha linguaxe fóra de lugar que descoloca ao alumnado e lle fai perder o interese...e non sei se é porque Javier preside unha organización na que a linguaxe é o eixo arredor do cal xira todo, ou se é polas súas habilidades innatas...pero temos que dicir que foi unha marabilla. Poucas veces se di tanto e tan ben. Grazas Javier por comunicar, por provocar a reflexión, por convidar ao diálogo, por amosar un punto de vista moi práctico e real do mundo da química, do pasado, do presente e do futuro. Se a isto lle engadimos que por encima é unha persoa moi humilde e próxima, pois qué máis se pode pedir. Ata nos asinou unha táboa periódica personalizada para o instituto...

O dito, un privilexio asistir esta mañá a un evento tan significativo. De paso o alumnado coñeceu un pouco as intalacións dunha facultade que para algún/algunha ata pode converterse na súa propia os próximos 4 anos ;-)

Aquí vos deixo un recordo visual...

Este es el extracto con lo más importante de la programación didáctica del departamento: los contenidos y la manera de evaluarlos.

Este es el extracto con lo más importante de la programación didáctica del departamento: los contenidos y la manera de evaluarlos.

Este es el extracto con lo más importante de la programación didáctica del departamento: los contenidos y la manera de evaluarlos.

Este es el extracto con lo más importante de la programación didáctica del departamento: los contenidos y la manera de evaluarlos.

Convocamos este curso o 2º certame de fotografía científica para ver o grao en que o alumnado de 3ºESO era quen de conectar a ciencia co mundo que nos rodea. E abofé que saíron cousas interesantes. No arquivo que se xunta podedes ver a colección completa mais xa podemos avanzar que os dous gañadores da 2ª edición foron IKER FERNÁNDEZ por ALEHOP...QUÉDANME 6. pola súa capacidade de plasmar cunha nitidez sorprendente un momento moi difícil de captar.

e CARLOTA FERNÁNDEZ por FUXAN OS VENTOS, por ofrecernos un misterio no que se mesturan maxia e ciencia a partes iguais amosando dun modo moi fermoso o baile de faíscas nunha posible noite de San Xoan.

Noraboa aos premiados e grazas a todos por participar amosando puntos de vista curiosos e sorprendentes deste mundo tan diverso que temos. 

Acabamos de publicar a nosa táboa periódica anual coa rapazada de 3ºESO.

Non se trata dunha táboa periódica "al uso". Convidámosvos a visitar o enlace no noso blog do club de ciencias se queres somerxerte nunha historia distinta, elaborada coa excusa dos símbolos químicos que marcan a nosa existencia, só que neste caso preferimos centranos na dimensión menos material desa existencia.

Fai clic aquí

https://mugarciencias.blogspot.com/2023/03/isto-vai-de-palabras.html

Non preguntes, déixate levar e a ver qué opinas do resultado de 36 cabeciñas pensando, bueno 34, non 32...bueno non sei...uns cuantos ;-)

Como podedes comprobar xa só no aspecto xeral da táboa

Non todo o mundo comprendeu a mensaxe pero quedémonos co bo, porque sen dúbida foi unha magnífica válvula de escape que permitiu explorar lugares descoñecidos e puntos de vista sorprendentes.

Para mostra, un par de botóns

O club de ciencias comezou esta semana unha actividade no laboratorio de química. Trátase da transformación de aceite usado en combustible.

Poderemos seguir o proceso guiado polo profesor Guillín no blog MUGARCIENCIAS.

Xa celebramos a tradicional xornada de química na cociña en 3ºESO. Trátase, coma sempre, de elaborar un biscoito en grupos de 4 ou 5 persoas desde o principio ao final. Por prinicpio entendemos receita, ingredientes, compra dos mesmos ou polo menos elaboración dun orzamento para rematar a tarefa con día grande, que consiste en levar a cabo o mesmo nas intalacións do instituto. Este ano 202-23 tocou o xoves 24 de novembro e como resultado saíron 8 biscoitos de diferentes tipos. En xeral a participación foi boa, o comportamento modélico e os produtos de bo sabor. Iso valoráronos tanto alumnado de 3ºESO coma profesorado do centro. Houbo dous biscoitos que sobresaíron sobre o resto pero dado que a rúbrica de valoración da tarefa incluía máis items que ese, a puntuación total foi media-alta en CASE todos os grupos.

A reportaxe fotográfica completa, co soporte literario desta historia na que nos embarcamos todos os anos, podédela atopar no arquivo anexo. Como o obxectivo de ver as fotos e convidar á reflexión, poñedevos cómodos e botádelle unha ollada...son só 5 minutiños e seguramente sacaredes algunha conclusión.

Grazas desde o departamento de Física e Química a todos os que, dunha maneira ou outras, estivestes implicados no asunto.

No seguinte documento atoparedes o esencial sobre os contidos a impartir en FeQ de 2ºESO e o xeito de avalialos e cualificalos. Lembrade que este ano seguimos coa LOMCE en 2ºESO. 

No seguinte documento atoparedes o esencial sobre os contidos a impartir na materia de QUÍMICA de 2ºBAC e o xeito de avalialos e cualificalos. Lembrade que este ano seguimos coa LOMCE en 2ºBAC. 

No seguinte documento atoparedes o esencial sobre os contidos a impartir na materia de FÍSICA de 2ºBAC e o xeito de avalialos e cualificalos. Lembrade que este ano seguimos coa LOMCE en 2ºBAC. 

No seguinte documento atoparedes o esencial sobre os contidos a impartir en 1ºBAC e o xeito de avalialos e cualificalos. Lembrade que este ano entra a LOMLOE en 1ºBAC. 

No seguinte documento atoparedes o esencial sobre os contidos a impartir na FeQ de 4ºESO e o xeito de avalialos e cualificalos. Lembrade que este ano seguimos coa LOMCE en 4ºESO. 

No seguinte documento atoparedes o esencial sobre os contidos a impartir na FeQ de 3ºESO e o xeito de avalialos e cualificalos. Lembrade que este ano entra a LOMLOE en 3ºESO. 

¿Quen dixo que a ciencia carece de sentimentos? aqui está a rapazada de 3ºESO para amosar o contrario...co gallo da táboa periódica que lles ten que empezar a resultar familiar propuxemos unha idea un pouco tola: ¿Por qué non resumimos o que foi o ano escolar no IES Mugardos aproveitando os símbolos químicos dos 118 elementos coñecidos? Pois alá se puxeron a combinar fotos, palabras e frases coas que quixesen retratar momentos ou sensacións importantes para eles durante este curso...e a verdade, quedou cuquiña.

Moi ben por todos...agora só queda esperar a que se publique o sentimento numero 119...perdón elemento ;-)

Ás veces non somos realmente conscientes do que temos ao noso arredor e desde o punto de vista industrial é un pouco o que pasa en Mugardos. Forestal del Atlántico é unha empresa punteira dentro de Galicia e que despunta a nivel nacional. Podemos entrar no debate que sempre levan aparelladas este tipo de cousas e analizar os pros e as contras medioambientais, estéticas ou adxectivos varios. Pero o que é innegable e a cantidade que procesos físicos e químicos que se desenvolven nas súas instalacións e que están sometidos constantemente a un estricto sistema de control interno e externo para non saír nos xornáis por outros motivos que non sexan, por exemplo, por ser afortunada receptora dun proxecto a nivel europeo para financiar a produción de metanol por vías ecolóxicas (o chamado metanol verde), proxecto moi esperanzador de cara ao futuro. Se a isto lle engadimos que dispón dunha planta de coxeración de enerxía, dun laboratorio moi ben dotado para análise químico-físico, dunha parte dedicada á producción de colas moi importante na industria do taboleiro, outra que produce novolacas de uso en sanitarios (a empresa Roca é o principal destinatario), industria do automóbil...etc, que recepciona nas súas intalacións envíos marítimos como os de disolucións de sosa ao 50% da empresa Ercros e outros varios que se presten a empregar os seus pantaláns...non podíamos deixar de facer unha visita e comprobalo in situ.

Esta mañá, baixo a atencion exquisita de José Manuel Pena Salido, director do departamento de Seguridade, Medio Ambiente e Calidade e varios dos seus compañeiros ao longo de todas as instalacións, o alumnado de ciencias de 2º BAC do IES de Mugardos puido comprobar persoalmente todo o anteriormente mencionado. Parabéns a todos os responsables polas explicacións e o trato proporcionado e ao alumanado polo comportamento exemplar. 

A partir de agora cando se fale de Forestal del Atlántico na súa presenza xa poden opinar con propiedade e fundamento, que diso se trataba.

Parabéns a todos os participantes no I certame de fotografía científica no IES de Mugardos porque ao final a calidade do material presentado foi moi salientable. No arquivo que se achega atoparades o veredicto máis polo miúdo e tamén varias imaxes que cómpre salientar aínda que non puidesen conseguir o premio, pero que dun xeito ou outro lograron o obxectivo principal na fotografía, que é transmitir.

Non obstante aquí tedes os gañadores:

Alejandro Cartelle pola hipnotizante captura da irreversibilidade a través dun proceso de combustión, digno da mellores portadas do suplemento dominical.

E Sandra Romero polo traballo fotográfico feito nunha magnífica colección de instantáneas, entre as que salientamos este perigoso e perfecto traxe de xeo feito a medida para unha inocente planta:

Desta volta entre o departamento de Física e Química e o de Plástica puxemos ao alumnado de 3ºESO a buscar coas súas cámaras un novo punto de vista sobre o que acontace ao noso arredor. A ciencia, a través das súas manifestacións cotiás, envolve todas as nosas accións e ás veces somos quen de captalas e inmortalizalas. Deixamos que sexades vos os que valoredes se acadaron este obxectivo ou non. Eu coido que sí. As dúas mellores fotografías terán un pequeno agasallo como recoñecemento á súa perspicacia científica ou calidade técnica. No arquivo que se xunta podedes velas todas en detalle.

Este Luns 24 de Xaneiro conmemoramos no centro o Día Internacional da Educación. Todo o alumnado puido asistir a unha proxección especial feita polo centro co obxectivo de reflexionar sobre o papel que xoga a educación no mundo actual. Non en todos puidemos prender esa faísca que acendese a luz da razón porque aínda tendemos a pensar que a educación é algo que sucede dentro das catro paredes do instituto...

Pero moitos seguro que se decataron que educar é poder vivir mellor, educar é saír da pobreza, educar é esperanza, futuro, igualdade, harmonía...

Xogamos coas palabras e as palabras trouxeron ideas, unhas esperadas, outras non tanto. Haberá que seguir educando, porque como rezaba un dos carteis protagonistas da proxección A EDUCACIÓN É UNHA ARMA DE CONSTRUCIÓN MASIVA...con sorte todas as armas fosen así

Grazas aos protagonistas do filme pola súa colaboración altruista e ao resto dos alumnos/as e profesorado pola súa colaboración nas quendas de proxección. Todo saiu perfecto ;-)

Ao mellor mañá mesmo xa non lembramos a desproporcionada diferencia de oportunidades de educación no mundo...mentras tanto quedámonos coas palabras que saíron onte do noso alumnado...ecos dos seus pensamentos...ás veces contraditorios...e que agora descansan no noso palabreiro, listas para ser postas en práctica.

A continuación poderás atopar a miniprogramación didáctica elaborada polo departamento para a materia de CAAP de 4ºESO coas achegas provocadas pola publicación inminente da orde de avaliación na ESO e BAC que xa está en vigor para este curso 2021-22.

A continuación poderás atopar a miniprogramación didáctica elaborada polo departamento para a materia de física e química de 4ºESO coas achegas provocadas pola publicación inminente da orde de avaliación na ESO e BAC que xa está en vigor para este curso 2021-22.

A continuación poderás atopar a miniprogramación didáctica elaborada polo departamento para a materia de física e química de 4ºESO coas achegas provocadas pola publicación inminente da orde de avaliación na ESO e BAC que xa está en vigor para este curso 2021-22.