ESO

Continuamos co programa "Recreos Saudables" que lembramos é unha iniciativa Trátase dunha iniciativa patrocinada pola ANPA O Castro e o Concello de Mugardos que ofrece aos usuarios da cafetaría escolar unha alimentación controlada. Por exemplo, dá visibilidade ao consumo de froita e productos lácteos.

O "menú" e prezos para este mes de xaneiro é a seguinte:

Estes son os resultados das eleccións ao Consello Escolar celebradas este martes, 29 de novembro.

Poderanse presentar reclamacións por un prazo de quince días  perante o Delegado Provincial da Consellería de Educación e Ordenación Universitaria

125 participantes!!!  O campionato xigante segue a súa marcha. Xa se completou a primeira volta e estamos na repesca.  Os recreos teñen moito ambiente e hai traballo dabondo para organizar todo, menos mal que chegaron os reforzos solicitados:  xa está aquí Polina! 

Polina e Polín, iguais pero distintos como ten que ser!

O alumnado de 3º ESO asistiu esta mañá ao obradoiro de fotografía social impartido por Federico Carnoto. Abordáronse asuntos relacionados co fotoxornalismo e a fotografía documental. Por exemplo, o respecto polas persoas fotografadas e o visionado de traballos deste autor en Nicaragual e e na ruta dos refuxiados sirios. Ao longo da actividade quedou claro que a fotografía e a imaxe pode ser unha potente ferramenta do cambio social.

O obradoiro está patrocinado polo Fondo Galego de Cooperación e Solidariedade a través da acción do Concello de Mugardos.

Felipe Carnotto: web

Esta semana comezaron dúas actividades importantes para dinamizar os recreos. Por unha banda, o Plan Deportivo de Centro cos torneos deportivos que arrincaron co Fútbol Sala. E por outra, o programa Recreos Saudables. Trátase dunha iniciativa patrocinada pola ANPA O Castro e o Concello de Mugardos que ofrece aos usuarios da cafetaría escolar unha alimentación controlada. Por exemplo, dá visibilidade ao consumo de froita e productos lácteos. Comezamos cuns dez alumnos/as apuntados e esperamos aumentar o número de familias interesadas nas próximas semanas.

Grazas ao Club do Mar de Mugardos, todo o alumando de 3.º e 4.º ESO asistiu esta mañá a unha sesión de iniciación ao remo. O tempo axudou e foi unha experiencia moi gratificante tanto para os que xa practican este deporte coma para os que saíron por primeira vez ao mar.

A tarde do pasado 14 de abril, o grupo de 3.º ESO-A participou na actividade "Matemáticas na Raia", concurso de resolución de problemas organizado por asociacións de profesores de matemáticas de Galicia e Portugal. A característica principal desta actividade consiste no fomento do traballo colaborativo, pois os equipos son grupos - clase completos.