blogue deadmin

 Este ano contamos no instituto cun proxecto centrado no Camiño de Santiago que ademais de buscar un achegamento cultural tamén propón un fomento de estilos de vida saudables a través de camiñadas, carreiras e saídas en bicicleta. 

EN QUE CONSISTE? Lanzaranse 3 retos progresivos ao longo do curso baseados na consecución de distancias marcadas onde alumnos/as, profesores/as e familiares poderán tentar alcanzar estas metas, competindo a maiores por subiren ao pódium de cada reto. 1º RETO Desde o 19 de decembro até o 19 de febreiro. Deberemos alcanzar unha distancia de 50km percorridos. 2º RETO Desde o 20 de febreiro até o 10 de abril. Deberemos alcanzar unha distancia de 50km percorridos. 3º RETO Desde o 11 de abril até o 18 de xuño. Deberemos alcanzar unha distancia de 70km percorridos. Cómpre salientarmos que aínda que lográsemos alcanzar a distancia do reto antes da súa finalización, sempre podemos tentar aumentar a nosa quilometraxe e competir por ser os máis activos do IES Mugardos. Estes 3 retos virán acompañados de información cultural achega do Camiño Inglés. Deste xeito descubriremos lugares descoñecidos a visitar durante este proceso.  + INFORMACIÓN:         Consulta a documentación e comeza o reto!!!

Campaña de recollida de alimentos non percedeiros

DATAS: do 5 ao 19 de decembro

LUGAR: mesas situadas na entrada do IES de Mugardos

Estes son os resultados das eleccións ao Consello Escolar celebradas este martes, 29 de novembro.

Poderanse presentar reclamacións por un prazo de quince días  perante o Xefe Territorial da Consellería de Educación.

A gañadora do Concurso de microrrelatos foi Iria Vázquez Gutiérrez de 2 Bach A.

Os mércores (2.º recreo) na BIBLIOTECA

Ao longo da mañá do martes, 8 de novembro, o pavillón do instituto acolleu o primeiro campionato de remo-ergómetro organizado polo Club do Mar para todos os centros educativos do concello de Mugardos. O alumnado participou por niveis educativos, desde terceiro de primaria ata cuarto de secundaria.

Asemade, estanse a disputar durante os recreos as probas dos Xogos Olímpicos.

Este ano é terrorífico: temos monstros nas catedrais, cabazas peregrinas, cemiterios de peregrinos e a visita da Santa Compaña 

	Monstros nas catedrais                                         O Camiño de Santiago conta con innumerables construccións románicas nas que escultura e pintura cumprían dúas funcións: decorar e instruir. Nun mundo cheo de analfabetos a imaxe cumpre un rol básico: é o xeito de transmitir as ensinanzas da Igrexa, indicando aos fieis cal é o camiño a seguir para acadar a salvación. Aos visitantes de igrexas e catedrais lembrábaselles con imaxes máis ou menos terroríficas a volta de Cristo á Terra e o xuizo que fará a vivos e mortos, os castigos reservados aos pecadores e os horrores do inferno
	Cabazas peregrinas  As gañadoras do concurso foron Nuria D. e Mishelle C. Presentaron unhas cabazas que chegaron a Compostela despois de facer o camiño inglés máis dificultoso que ninguén poida imaxinar. Un camiño cheo de desgrazas e desventuras que deixaron a súa pegada nestas pobres cabazas.
	Cemiterios de peregrinos Na Idade Media o Camiño de Santiago era moi perigoso e moitos peregrinos morreron antes de chegar a Compostela. O alumnado de 3 ESO analiza eses perigos e sitúa no mapa antigos cemiterios nos que moitos peregrinos descansan para siempre.

O grupo Zënzar ofreceu un concerto no IES de Mugardos o día 7 de outubro no marco da celebración do Día do orgullo Neofalante que se conmemora o 1 de outubro.

Curso 2022-2023

• Número 18 (Xuño, 2023)
• Número 17 (Maio, 2023)
• Número 16 (Abril, 2023)
• Número 15 (Marzo, 2023)
• Número 14 (Febreiro 2023)
• Número 13 (Xaneiro, 2023)
• Número 12 (Decembro, 2022)
• Número 11 (Novembro, 2022)
• Número 10 (Outubro, 2022)
• Número 9 (Setembro, 2022) 

 Curso 2021-2022

• Número 1 (Novembro, 2021)
• Número 2 (Decembro, 2021)
• Número 3 (Xaneiro, 2022)
• Número 4 (Febreiro, 2022)
• Número 5 (Marzo, 2022)
• Número 6 (Abril, 2022)
• Número 7 (Maio, 2022)
• Número 8 (Xuño, 2022)

NOTA: Non afecta a 1.º e 2.º ESO.

O responsable do terminal de GNL de Mugardos e do gasoducto de Reganosa, Jesús Losada, impartiu esta mañá a lección inaugural do curso 2022-2023 para o alumnado de bacharelato. Na súa exposición esbozou as liñas de traballo da empresa e as oportunidades de traballo e negocio a nivel mundial no sector enerxético. Entre elas as enerxías renovables como o proxecto en marcha da compañía para a produción de hidróxeno verde. 

Para todo iso, salientou a importancia da formación e o estudo para competir no mundo laboral co valor engadido de calquera capacitación, desde a aprendizaxe de linguas ata experiencias persoais. Sen esquecerse da necesidade de manter responsablemente os valores éticos e compromiso social.

Agradecemos a Jesús Losada e mais á empresa que fixo posible a súa presenza no instituto coa que damos por inaugurado un novo curso.

O alumnado de 1.º e 2.º ESO percorreu a vila a tarde do martes para repartir polos comercios e locais os carteis da campaña Entérate Mugardos. Trátase dunha campaña de conciencianciación e sensibilización en materia de igualdade e violencia de xénero impulsada polo Concello e na que participaron todos os centros educativos.

O alumnado de 2.º ESO, acompañado dos profesores Mikel Pasabant e José Luis Mayobre,  gozou este luns dunha intensa xornada de no Aquapark de Cerceda.

No sorteo do xamón ibérico celebrado no primeiro recreo do venres, 3 de xuño, resultou agraciado número 0783
adquirido pola familia Romero Castro de Mugardos. A gozar do magnífico pernil e o alumando de 4.º e 1.º bacharelato conseguiron
deste xeito un bo finanzamento para a excursión de fin de curso que emprenderán o vindeiro luns. Grazas á ANPA pola colaboración.

O IES de Mugardos en colaboración coa ANPA O Castro acolle o programa Corresponsables da Federación Galega de Tenis. Trátase de clases de tenis completamente de balde (monitores e materiais) para os nenos e nenas menores de 16 anos. O período de actividade realizarase segundo a elección preliminar das familias entre as entidades suscritas ao programa e meses e horarios dispoñibles. No noso caso comezará no vindeiro mes de xullo polas mañás e continuará polas tardes o primeiro trimestre do vindeiro curso (tardes). O formulario de inscrición permite gran flexibilidade de elección entre horarios e meses.

 - Menores de 16 anos.

- Grupos reducidos (entre 4 e 8) formados segundo a idade e logo o nivel.

 LUGAR:

Pavillón e pista deportiva do instituto

 HORARIO:

Xullo, en días e quendas de mañá a elixir os días

Setembro, outubro e novembro: de luns a xoves en quendas de tarde a elixir os días

 INSCRICIÓN

Establécese un prazo de inscrición centralizado a través da FGTenis. Na súa páxina web está dispoñible todo o catálogo de actividades e entidades que as acollen.

 Fomulario de inscrición do IES de Mugardos

https://docs.google.com/forms/d/e/1FAIpQLScGY8Xv_xrz9UgXYwjLyXhS5dNpt1yHTYpdRkvznjs64Bv3MA/viewform

 Ademais, tamén poderíamos ter esta actividade gratuíta en varios clubs de tenis da zona, sobre todo para o mes de agosto:

• ANPA O Pazo de Franza

• Club de Tenis de Redes

• Escola de Tenis Justo Al Revés (Fene)

• Club de Campo de Ferrol

A tarde do venres, 20 de maio, celebramos o acto de despedida da flamante promoción de bacharelato 2020-2022. Foi un acto emotivo para o alumnado que deixa unha fonda pegada no instituto. Parabéns ao novos bachareis que enfrontan unha nova etapa nas súas vidas. Grazas ao profesorado que os acompañou en toda a súa traxectoria escolar. Moi agredecidos ao Casino Mugardés que nos cedeu as súas instalación para compartirmos o acto cos familiares a achegados. Para todas as familias, o noso recoñecemento por confiarnos unha parte importante da educación dos seus fillos e fillas.