Para saber citar as referencias bibliográficas e outras fontes de información que utilicedes, podedes consultar o recurso de Pilar Ponte que tedes enriba deste texto. Ora ben, inda que concordo con case todo o que nel se aconsella, penso que o nome propio da persoa autora debe poñerse completo e non só coa inicial, pois así podemos saber o xénero da persoa autora e citala ben se facemos unha referencia a ela noutro contexto que non sexa unha listaxe.