IES Chano Piñeiro

Dentro do Proxecto Ríos que estamos a desenvolver no IES Chano Piñeiro, e tendo en conta a problemática que temos toda a sociedade coa cantidade de lixo que xeramos e que, nos casos nos que non se deposita correctamente nos contedores apropiados acaba contaminando as augas, o pasado martes 17 de xaneiro, un educador de SOGAMA desprazouse ao noso centro para impartir tres sesións (abarcando todo o alumnado da ESO e 1º BACH) focalizadas na correcta separación e recollida selectiva dos residuos municipais, dando ao alumnado a oportunidade de consultar as súas dúbidas ao respecto.

O xoves 6 de outubro, os alumnos e alumnas de 1º de ESO tivemos unha saída á área recreativa do Cotelo (Forcarei), dentro do Proxecto Ríos. Acompañáronnos os profesores de Bioloxía e Xeoloxía e Matemáticas e os técnicos ambientais do proxecto.

Xoves 8 setembro, tal como está establecido no calendario escolar, comeza o curso en Educación Secundaria e Bacharelato, que no noso centro será no seu horario habitual a partir das 8:45 h., co remate das aulas ás 14:15 h.

Haberá servizo de comedor e transporte tamén con normalidade. Farase o reparto de libros a aqueles que lle corresponde polo Fondo Solidario.  Lembrando que se ben se derrogaron a maioría das medidas preventivas do COVID, aínda é de cumprimento as normas xerais establecidas para o transporte público que obriga ao uso da máscara nos autobuses.