Skip to Content

INFORMACIÓN FIN DO TRIMESTRE

Lun, 21/12/2020 - 11:02 — anxo

Segundo o establecido na orde do 25 de xuño de 2020 pola que se aproba o calendario escolar para o curso 2020/2021, mañá martes 22 de decembro será o último día lectivo do primeiro trimestre.

Informamos que haberá horario normal (mañá e tarde) co servizo habitual de comedor e de transporte.

Os boletíns de cualificacións seránlle entregados ao alumnado ao longo da mañá. Ademais, ditas cualificacións serán publicadas a través de ABALAR MÓBIL en torno ás 15:00 horas. 

Lembrar que as clases reanudaranse o vindeiro venres 8 de xaneiro.

 

Se durante o Nadal houbera calquera novidade debido ás circustancias particulares que estamos a vivir pola pandemia da COVID19, seralles notificada tanto a través desta páxina web como da aplicación ABALAR MÓBIL.

 

A que altura está o ceo?

Xov, 03/12/2020 - 18:42 — anxo

Hoxe recibimos a visita do Catedrático de Electromagnetismo no Departamento de Física Aplicada da USC, Jorge Mira para impartirlle ao alumnado de bacharelato a conferencia que leva por título A qué altura está o ceo?

Esta actividade forma parte do I Ciclo de Conferencia Aída Fernández Ríos organizadas pola Real Academia Galega de Ciencia e a Deputación de Pontevedra.

  

  

CONMEMORACIÓN VIRTUAL 25 DE NOVEMBRO

Mér, 25/11/2020 - 17:15 — anxo

Por senon tiveches a oportunidade de asistir en directo á Conmemoración Virtual do 25 de Novembro: Paremos as violencias machistas, preme na imaxe para vela en diferido.

 

 

PREME NA IMAXE PARA VER O VÍDEO

Parabéns ao profesorado e alumnado que participou na actividade.

Proba superada!

Plan de continxencia actualizado con horarios espello

Lun, 16/11/2020 - 10:00 — Anónimo

En aplicación da Resolución da Secretaría Xeral de Educación e Formación Profesional pola que se ditan instrucións para a elaboración de horarios nos centros docentes para o desenvolvemento de ensino a distancia en períodos de peche de aulas ou centros como consecuencia da pandemia da COVID-19, publícase a actualización do Plan de Continxencia no que se inclúen os horarios espello que se seguirían no caso de peche dunha aula ou do centro educativo.

a)  PLAN DE CONTINXENCIA (Actualización do 9 de Novembro)

b)  HORARIOS ESPELLO

 

Lembrade que podedes acceder a toda a documentación relativa á adaptación á situación COVID premendo no acceso situado na barra lateral dereita da páxina web. 

DISTRIBUCIÓN DE MÁSCARAS ENTRE O ALUMNADO DA ESO

Dom, 15/11/2020 - 17:49 — Anónimo

Publicada a orde do 6 de novembro de 2020 pola que se regulan os criterios e os procedementos de distribución de máscaras entre o alumnado matriculado en educación secundaria obrigatoria (ESO) en centros docentes públicos dependentes da Consellería de Cultura, Educación e Universidade.  ORDE

 

Segundo dita orde:

a) NON ten que presentar a solicitude o alumnado que fose beneficiario da axuda de material escolar neste curso 2020/2021 ao considerarse admitido de forma directa.

 

b) Ten que presentar a solicitude aquel alumnado que NON recibise a axuda por material escolar e cumpra algunha das seguintes condicións:

a) Que pertenza a unha familia cunha renda per cápita igual ou inferior a 6000 €

b)  Alumnado matriculado en educación especial

c) Alumnado suxeito á tutela ou garda da Xunta de Galicia

b) Alumnado cun grao de discapacidade igual ou superior ao 65%

 

Presentación das solicitudes: De forma presencial no centro educativo entregando o modelo de solicitude que se adxunta (así como a documentación complementaria necesaria).

MODELO DE SOLICITUDE

 

Prazo de presentación: Entre os días 16 e 27 de novembro de 2020 (ambos inclusive)

 

NOTA: O reparto de máscaras farase directamente desde o centro educativo.

 

Distribuir contido


by Dr. Radut