IES Castelao

    De acordo coa Resolución do 10 de setembro de 2024, da Dirección Xeral de Ordenación e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos [DOG do 18/09/2024], este mes de novembro convócanse eleccións para a renovación dos membros dos consellos escolares dos centros docentes de Galicia. As eleccións teñen por obxecto cubrir as prazas que quedan vacantes dentro do Consello escolar, que nesta ocasión son as seguintes:

     a) 4 membros do profesorado
     b) 3 membros dos representantes de alumnado
     c) 2 membros dos representantes das familias 
     d) 1 membros do persoal de administración e servizos

• Datas para as elección ao Consello Escolar

Publícase o resultado do sorteo público realizado o venres 18 de outubro de 2024, ás 12:45 h no paraninfo do centro. A Xunta Electoral constituirase entre os días 22 e 28 de outubro de 2024, segundo o disposto no punto segundo da Resolución de 10 de setembro de 2024, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos.

Neste curso 2024-2025 toca renovar parcialmente o Consello Escolar. Xa que logo, aproxímanse eleccións que designarán os novos representantes. 

A Xunta Electoral marcará os pasos a seguir, que se recollerán nun calendario específico. Con todo, o primeiro paso é elixir os seus membros, que se realizará mediante sorteo público o vindeiro venres 18 de outubro ás 12:45 no paraninfo Xela Arias (salón de actos).