IES Camilo José Cela

Comunicamos que as datas oficiais de matrícula para o curso 2023-2024 comprenderán desde o vindeiro 23 de xuño ao 7 de xullo.

Para organizar o proceso, repartiremos a matrícula por cursos, do xeito seguinte:

2º de Bacharelato: Luns 26 de xuño.

1º de Bacharelato: Martes 27 de xuño.

3º e 4º de ESO: Mércores 28 de xuño.

2º de ESO: Xoves 29 de xuño.

1º de ESO: Venres 30 de xuño.

Comunicamos que xa están publicadas as listaxes definitivas de admisión de alumnado para o curso 2023-2024. Poden ser consultadas no taboleiro que está no interior do vestíbulo do centro.

Achégase o calendario de exames extraordinarios de 1º e 2º de Bacharelato no presente curso. Serán realizados todos no salón de actos do centro.

O pasado venres día 19 de maio publicouse a Orde do 10 de maio de 2023 que regula a adquisición de libros de texto e vales de material escolar para o vindeiro curso 2023-2024. O prazo de solicitudes remata o 21 de xuño de 2023. Pódese consultar toda a información nesta web, no apartado Libros de Texto, premendo neste enlace.

Comunicamos que está aberto o prazo para a solicitude de Bolsas de estudo para o vindeiro curso. Poderá acceder a elas o alumnado que no curso que vén vaia cursar os seguintes estudos:

• Bacharelato.
• Formación Profesional de Grao Básico.
• Ciclos de Formación Profesional de Grao Medio e Grao Superior.
• Cursos de preparación para acceso a ciclos impartidos en centros públicos e concertados
• Ensinanzas artísticas profesionais e superiores.
• Ensinanzas de idiomas en Escolas Oficiais.
• Ensinanzas deportivas.
• Estudos Relixiosos superiores.

Toda a información pódese atopar na páxina web do ministerio, premendo no seguinte enlace. O texto da resolución pódese consultar premendo aquí. Tamén facilitamos, como arquivo adxunto, un díptico con indicacións interesantes que poden consultar premendo neste enlace.

Por outra parte, achegamos un arquivo adxunto con información sobre como interpoñer un recurso de reposición por se a bolsa deste curso 2022-2023 foi denegada. O prazo para presentalo sería ata o 3 de maio de 2023 e poden consultar a información neste enlace.

O prazo de solicitude vai do 27 de marzo ao 17 de maio de 2023. Para solicitar as bolsas, os trámites deberán facerse a través de internet.

Desde hoxe día 1 de marzo ata o 20 do mesmo mes está aberto o prazo de admisión de alumnado no IES Camilo José Cela.

A documentación necesaria para realizar a solicitude de xeito presencial no centro é a seguinte:

-Solicitude (recollerase no centro ou poderá descargarse e imprimirse premendo aquí).

-DNI do/a alumno/a e responsables.

-Certificado de estudos.

-Convenio regulador ou resolución xudicial de divorcio ou separación, se é o caso.

LEMBREN que tamén poden facer a reserva na aplicación admisiónalumnado.

As prazas vacantes, logo das permanencias do alumnado que xa está no centro e das solicitudes de reserva dos centros adscritos son:

1º ESO: 28

2º ESO: 17

3º ESO: 12

4º ESO: 25

1º BAC CIENCIAS: 10

1º BAC HUMANIDADES E CSSS: 10

1º BAC XERAL: 31

2º BAC CIENCIAS: 19

2º BAC HUMANIDADES E CCSS: 14

Comunicamos que, unha vez rematado o período de reserva de praza para o alumnado dos centros adscritos, todo o alumnado que solicitou reserva de praza no IES Camilo José Cela para o curso 2023-2024 resultou admitido. Pódense consultar as listaxes expostas no taboleiro situado no interior do centro.

Tamén queremos comunicar que, desde o próximo xoves día 1 e ata o 20 marzo, ambos incluídos, estará aberto o prazo de admisión de alumnado que non teña praza reservada por non vir dun centro adscrito. Pódense realizar estas solicitudes telematicamente desde a aplicación admisiónalumnado ou nas dependencias do centro. Poden consultar máis información premendo aquí.

Para calquera dúbida, poden poñerse en contacto co centro no teléfono 881866240 ou a través do correo electrónico ies.camilo.jose.cela@edu.xunta.gal.