Actividades

O martes 19 de novembro ás 12 horas, o alumnado de 1 ESO asiste á videoconferencia "O universo e a exploración espacial", impartida por Begoña Vila Costas, doutora en Astrofísica e Enxeñeira Xefe de Sistemas no centro da NASA.

A actividade está organizada polo Equipo de Dinamización da Lingua Galega e o Club de Ciencias no marco das actividades do Mes da Ciencia en Galego.

LECTURAS CIENTÍFICAS
Vistes estes días a mesa instalada na entrada da Biblio? Neste #mesdaciencia algúns libriños saíron dos estantes e están esperando a que os levedes á casa! Astronomía, física, botánica, zooloxía... Hai para tódolos gustos! A que esperades?

#recomendacións #lecturas #ciencia #mesdacienciaengalegonasbibliotecas #bescolaresgal #plambe #edlg

No primeiro dos Recreos Científicos deste mes ca ciencia en galego, que se desenvolveu o xoves 7 de novembro, Os alumnos de 4º ESO David, Ce, Dani e Álex realizaron o experimento do ovo saltarín e explicáronnos o proceso de osmose.

Organizan os equipos de Biblioteca, Club de Ciencias e DLG

O alumnado de 4º ESO e de 1º e 2º BAC que forman parte do Club de Ciencias realiza unha saída didáctica ás Cíes e Cerceda a partir das 14:15 horas do venres 14 ás 22:00 horas do domingo16 de xuño de 2024.

A Actividade está organizada polo equipo do Club de Ciencias.

  

O alumnado de 4º ESO e de 1º BAC que forman parte do Club de Ciencias vai a poñer un porto de venta de produtos artesanais no mercadillo do venres 7-6-24.

- 4º ESO A de 11:30 A 13:10 horas

- 1º BAC de 12:20 a 14:00 horas

O pasado venres, 3 de maio, un grupo de alumnas de 1º de Bacharelato integrado por Sara Armada, Carmen Fustes, Zoe Gómez, Alba Martínez e Laura Salgueiro, xunto coas profesoras Bea Otero, Patricia Vázquez e Sara Filgueira, participaron no II Congreso Nacional Escola Rural, celebrado en Ribadavia. Alí, as nosas representantes deron a coñecer ante profesionais da educación de toda España os proxectos e actividades que se levan a cabo no noso centro.
Grazas ó CFR de Ferrol por contar con nós para esta actividade.

Dentro do #mesdacienciaengalegonasbibliotecas, nas últimas semanas desenvolvemos o noso concurso de enigmas, organizado pola Biblioteca, o @edlg_ortegal e o @club_ciencias_ortegal.
Un ano máis o concurso contou con gran participación do alumnado, que durante oito recreos intensos espremeron os miolos para resolver os enigmas científicos e lingüísticos que lle fomos propoñendo diariamente. A cousa estivo emocionante! Tanto, que se produciu un empate na categoría T-Rex! Así que a próxima semana haberá un enigma final para determinar os gañadores!!!

O alumnado de 1º BAC participa nun taller micófilo o venres 22-9-2023 de 12:20 a 13:30 horas.

A actividade está organizada polo departamento de Bioloxía e o Club de Ciencias

O alumnado de 3º ESO participa nun taller micófilo o venres 22-9-2023 de 10:10 a 11:00 horas.

A actividade está organizada polo departamento de Bioloxía e o Club de Ciencias

Anxo, Sara, Lucía, Naiara e Zoe de 4º ESO gravaron o seu microrrelato científico na radio de Polos Creativos. Os seus microrrelatos foron os 5 seleccionados dentro do I Certame de Microrrelatos Científicos organizado polo centro.

O alumnado que forma parte do Club de Ciencias participa nunha saída didáctica ás Illas Cíes e Pontevedra do 26-05-2023 ás 12:00 horas ao 28-05-2023 ás 15:00 horas.

A actividade está organizada polos membros do Club de Ciencias do IES Cabo Ortegal

O alumnado que cursa a materia de Ciencias Aplicadas á Actividade Profesional realiza varias saídas didácticas á praia da Basteira os días 16, 20, 21 e 23 de marzo de 10:10 a 11:00 horas. As datas poden cambiar por mor da climatoloxía.

A actividade está organizada polo departamento de Bioloxía, o Club de Ciencias, o Proxecto Erasmus+, o Proxecto Ríos e o Programa Polos Creativos