Eventos
A semana pasada, dentro da avaliación do Proxecto de Xeoparque Cabo Ortegal por parte da Unesco, o centro recibiu a visita da comisión avaliadora encabezada por Chris Woodley-Stewart e César Alejandro Goso xunto có alcalde de Cariño, para coñecer o proxecto europeo Erasmus+`'Embajadores del Geoparque Cabo Ortegal' que o centro está a desenvolver e que foi deseñado polo Equipo Erasmus+ do mesmo.
As profesoras Elisa Álvarez e Beatriz Otero comentaron en que consiste esta iniciativa, enfocada no coñecemento e na divulgación da riqueza xeolóxica da zona, pero tamén na preservación da cultura. Cinco das alumnas participantes, Natalia Colorado, Laura Iglesias, Ainoa Villar, Mónica Rodríguez e Carme Pita falaron cos avaliadores sobre o traballo que se está facendo no instituto e ensináronlles dúas pezas audiovisuais producidas pola rapazada, unha en clave de humor e outra cun argumento máis profundo no que enfía o alzheimer coa pervivencia da tradición oral e musical.
Esperamos ter contribuido positivamente na avaliación do Proxecto de Xeoparque Cabo Ortegal e desexamos que este territorio acade o recoñecemento de Xeoparque da Unesco.
O noso alumnado de Bacharelato do Club de Ciencias inaugurou as actividades do curso 22-23 cunha ruta micolóxica pola Serra da Capelada. Aproveitando o comezo da tempada, puido coñecer algúns dos cogomelos máis característicos da nosa zona.
O Equipo Erasmus+ do centro elaborou estas enquisas (anónimas) para analizar os coñecementos da comunidade educativa do IES Cabo Ortegal respecto ao Proxecto de Xeoparque Cabo Ortegal.
Agredecemos a vosa participación!
