Como xa é costume nestes últimos anos, o pasado mércores 17 de xuño celebrouse na biblioteca do centro a festa do club de lectura. Durante a mesma fíxose entrega dos diplomas ao alumnado participante nos distintos clubes e ao alumnado colaborador da biblioteca ao longo do curso.
Ao finalizar o acto desgustaron unha merenda na cafetería do centro.
O pasado xoves 18 de xuño celebrouse o acto de graduación do alumnado de 2º de Bacharelato. Tivo lugar no auditorio de Cariño ás 20:00 horas e a el asistiu profesorado, persoal do centro, alumnado e familias.
O acto iniciouse co discurso do director, pasando a continuación ao visionado de vídeos recordatorios das alumnas e alumnos e de Dirección, discurso do alumnado e entrega de bandas e diplomas.
Dende o IES Cabo Ortegal os nosos mellores desexos para a nova etapa que comezan.
O pasado venres 19 de xuño celebramos a tradicional andaina de final de curso na que participaron todo o alumnado e profesorado do centro. Recorreronse, pola ruta do Limo, preto de 9 Km, dende as canterias ata a praia da Basteira onde rematamos para disfrutar dunha merenda.
|
|
Normas de uso |
Xunta de Galicia - Consellería de Educación, 2013 | ||
