Seguindo coa conmemoración do día das Letras Galegas, o pasado martes 19 de maio, o alumnado de 2º ciclo da ESO e de Bacharelato asistitui ao concerto de Sés.
Esta actividade foi organizada polo Departamento de Dinamización da Lingua Galega en colaboración co Concello de Cariño que subencionou a actividade. Dende aquí agradecer a súa colaboración.
“Coñecendo a fórmula cooperativa” para alumnos do Ciclo Medio de Sistemas Microinformáticos e de Educación Secundaria de Adultos (ESA): Data luns 25 de Maio de 2015
A duración aproximada será de 16:00h ata 17:40, podendo adaptar a duración ás necesidades do centro e dos alumnos. O obxectivo principal desta charla é dar a coñecer a fórmula cooperativa como alternativa ao autoemprego, que os asistentes consideren o cooperativismo como unha opción a valorar no seu futuro profesional.
” Coñece as Cooperativas” para alumnos de 4º de ESO : Data mércores 27 de Maio de 2015
A duración aproximada sería de 10:25 a 11:15h. Neste caso, o obxectivo principal da charla estaría centrado nos valores e principios cooperativos, que diferencian as cooperativas do resto de formas xurídicas.
O pasado venres 5 de xuño estivo na biblioteca do IES Cabo Ortegal o Físico, investigador e divulgador galego Jorge Mira para impartir dúas charlas: a primeira, para 1º, 2º e 3º ESO, sobre o percorrido histórico pola loita do ser humano para determinar as dimensións do universo, dende os gregos ata os nosos días; e a segunda, para 4º ESO, 1º e 2º de Bacharelato, sobre curiosidades da ciencia que atinxen á selección sexual, cálculos de temperaturas do ceo-inferno e o movemento do botafumeiro...entre outras cousas. Ao remate das charla houbo unha quenda de preguntas.
Os rapaces disfrutaron moito e foi unha delicia poder escoitalo. Esperamos que plantase unha semente de curiosidade e interese pola ciencia, o noso primeiro obxectivo con estas charlas.
Esta actividade foi realizada polo Departamento de Biblioteca, e colaboraron os Departamentos de Física e Matemáticas.
Hoxe fomos visitar aos nosos amigos do IES Alfoz-Valadouro. Fixemos unha visita turística polos lugares máis característicos da zona: o Instituto; o Castelo do Castro Ouro; a Finca Galega; a Praia das Catedrais,…. Moitas grazas por este día marabilloso.
Como remate dos actos levados a cabo este ano dentro do Plan Proxecta, na liña do Proxecto Terra, tivo lugar a conferencia dun gran coñecedor da historia da Comarca do Ortegal. O Cronista José Carlos Breijo Rodriguez (actual director do instituto de Cedeira) impartiu este luns unha charla sobre a evolución histórica da vila de Cariño, analizando tamén a evolución urbana dos espazos públicos e as súas tradicións.
Estes coñecementos serán de gran axuda para a elaboración dos traballos finais do alumnado de 4º da ESO sobre os espazos públicos da vila. Estes traballos estarán expostos na entrada do centro dende finais desta semana.
|
|
Normas de uso |
Xunta de Galicia - Consellería de Educación, 2013 | ||
