|
18. Campanario de Bastavales
|
"Campanas de Bastabales,
Cando vos oyo tocar,
Mórrome de soídades.
l.
Cando vos oyo tocar,
Campaniñas, campaniñas,
Sin querer torno á chorar.
Cando de lonxe vos oyo,
Penso que por min chamades,
E das entrañas me doyo.
Dóyome de dor ferida,
Qu’ antes tiña vida enteira,
Y oxe teño media vida.
Solo media me deixaron
Os que d’ aló me trouxeron,
Os que d’ aló me roubaron.
Non me roubaran, traidores,
¡Ay! uns amores toliños,
¡Ay! uns toliños amores.
Qu’ os amores xa fuxiron,
As soidades viñeron…
De pena me consumiron."
(...)
Rosalía de Castro, Cantares Gallegos, 1863
|
|
Puntuar este ficheiro (Puntuación actual : 3.2 / 5 con 25 votos) |
|
|