Como vixentes vencedores nas dúas modalidades do Parlamento Xove (www.parlamentoxove.com), os equipos do IES de Becerreá comezan a súa andaina na presente edición. O primeiro turno correspondeu ao equipo da ESO (24 equipos de toda Galicia nesta categoría), que este sábado 4 de marzo debateu contra os equipos do IES A Pinguela (Monforte), IES Río Cabe (Monforte) e IES Fontem Albei (A Fonsagrada), sendo o tema desta fase preliminar o seguinte: "En España a idade legal para mercar alcol é 18 anos. Variar este límite influiría nos hábitos de consumo de alcol entre a xuventude?"  Impuxéronse nos tres enfrontamentos e clasificáronse en primeiro lugar (237 puntos) para a fase final (Santiago, 21 e 22 de abril) como xusta recompensa ao seu esforzo e valía como grupo. Os nosos parabéns aos compoñentes do equipo: Gabriela, Marcos, Paula e Xoel; ao seu coordinador, Jesús, e ao preparador, Xulio. 

Seguindo a tradición do noso centro, de novo o alumnado de 4º da ESO encargouse de organizarnos a festa do Entroido, sempre esperada con verdadeira ansia.

A xornada festiva comezou co concurso de disfraces, máis concorrido que nos últimos dous cursos, grazas a que houbo máis animación entre o alumnado (aquí hai que recoñecer que os que nunca fallan son os profesores/as coa súa comparsa). Desde concursantes individuais ou en parellas, ata comparsas multitudinarias (a voda do alumnado de 4º). pasando por comparsas noveles (a de 1º da ESO) e outras mixtas, compostas por alumnado de distintos cursos (3º e 4º). E tamén dous concursantes tradicionais, Andrea e Vili (2º de BAC), que se despediron desta celebración despois de tantos cursos, participando en parella.

A continuación, procedeuse a queima do espantallo. Este ano, escolleuse a un coñecido personaxe, moi poderoso el.

E todo rematou repoñendo forzas, co concurso de doces, que gañou Jessica, alumna de 2º da ESO.

Dentro das tarefas que o grupo de 4º da ESO está desenvolvendo pola súa participación no proxecto "Escola de prensa",  do diario El Progreso, relatamos a que levaron a cabo uns alumnos e alumnas do grupo nunha triple entrevista que tivo como protagonistas a Santiago Jaureguízar, escritor e xornalista dese mesmo diario, ao baloncestista lucense e xogador do Breogán, Sergi Quintela, e ao xogador de fútbol do C.D. Lugo, Damiá Sabater. Esta actividade estivo coordinada polo Equipo de Dinamización Lingüística do noso centro.

As entrevistas publicaranse na web do citado proxecto: http://www.escoladeprensaelprogreso.es/

Preme aquí para ver outras imaxes dos eventos.

Co obxectivo de recadar fondos para a excursión de fin de curso, @s alumn@s de 4º da ESO e 1º de BAC sacaron partido  do día d@s namorad@s, poñendo á venta as "brochetas do amor" durante o tempo de lecer. Tamén aproveitamos para inmortalizarnos nunhas fotos que poderedes ver premendo AQUÍ, e así teredes unha idea de como foi este evento.

PREME AQUÍ para ver o vídeo do traballo desenvolto polo alumnado de 3º da ESO, coordinado polos profesores Fernanda e Ramón, e realizado en estreita colaboración con alumnado, profesorado e equipo técnico da Fundación TIC.

AQUÍ podes ver o vídeo editado pola propia Fundación TIC co "TICODIARIO",  o noticiario protagonizado por este alumnado, na visita realizada en xaneiro de 2017. Como verás, o resultado é inmellorable e a experiencia, única.

Para despedir o trimestre e dar a benvida ás vacacións de Nadal: un miniconcerto a cargo do alumnado de 1º de Bac da materia de Música, moitas panxoliñas, comida para compartir, chocolate con roscón de Reis, os xa tradicionais doce "lacasitos" para despedir o ano académico e, sobre todo, moita e moi boa convivencia.

Se queres ver un pequeno vídeo do acontecido,preme aquí.

E aquí se queres ver as fotos que completan oa vídeo.

A tod@s boas festas e un venturoso 2017!!

http://www.escoladeprensaelprogreso.es/

Ademais doutros moitos traballos de interese realizados polo alumnado deste curso, premendo no enlace superiro poderás ler o relato sobre a experiencia da noticia anterior, a participación deste alumnado na "English Week" nos Peares.

O alumnado de 4º da ESO que aparece na fotografía, atópase aproveitando unha semana de inmersión lingüística (inglés) no centro que a Consellería de Educación ten nos Peares. A actividade está convocada pola Consellería e foron seleccionados, por puntuación, 21 centros públicos galegos, entre eles o noso, por segunda vez en catro convocatorias.

Ao remate da actividade farán pública a súa experiencia nesta páxina web, incluíndo o relato de como se pode sobrevivir durante unha semana sen teléfono móbil !!