Complementarias

O luns 28 de novembro pola tarde, o alumnado de 3º e 4º da ESO participou nun roteiro musical  en plena natureza.

O clube de lectura Banda Boom do IES de Barro realiza a primeira das xuntanzas do curso 2024-2025.

O alumnado de 1º de ESO participou o 7 de outubro nun obradoiro no que traballaron con distintos procedementos de obtención de enerxía eléctrica e unha cociña solar.

O venres 21 de xuño realizouse no Pazo da Crega o acto de graduación do alumnado de 4º de ESO. Desfrutamos dun gran momento de homenaxe e felicitación ao alumnado que remate etapa educativa no noso centro. Agradecemos ó Concello de Barro a súa colaboración cedendonos o espazo e os recursos dispoñibles para levala a cabo así como ó alcalde por acompañarnos neste momento que o noso alumnado non esquecerá.

5 alumnas/os do IES de Barro pertencentes ó clube de lectura visitaron a Galiña Azul de Barro e tiveron a oportunidade de lerlle varios contos infantís ó seu alumnado.

O resultado da actividade foi tan satisfactorio para ambas partes que xa estamos argallando cando volvela a repetir.

O alumnado do IES de Barro está a elaborar os seus traballos para o concurso no que seleccionaremos a portada da axenda escolar do vindeiro curso.

Esta será a primeira das actividades que levaremos a cabo englobadas no 25 aniversario do noso instituto.

O alumnado participante na comisión contra o cambio climático e o pertencente ó Clube de Lectura visitaron o martes 21 de maio a Illa de San Simón e o museo de Meirande, onde puideron aprender algo mais da illa e a súa historia, despois de ler o cómic " A batalla de Rande".

Unha parte do alumnado de Francés de 3º e 4º de ESO, acompañados de Toño e Patricia, están gozando duns días de viaxe escolar en París.

O equipo de traballo contra o cambio climático e o alumnado de 4º de PDC, encabezados por Alicia, levaron a cabo no IES de Barro a formación de xabón empregando residuos domésticos.

O mércores 17 de abril ás 19h terá lugar no IES de Barro unha formación para familias que será levada a cabo por Óscar Páramos, psicólogo na Asociación Avante, co título ¨Como axudar aos nosos/as fillos/as ante as redes sociais e os móbiles¨, financiada polo Centro de Formación e Recursos de Pontevedra.

Convidamos a todas as familias a participar nesta actividade que de seguro vai ser de gran interese.

Durante todo o mes de abril contaremos no IES de Barro coa maleta ¨Ponte a Zero¨, unha actividade levada a cabo polo CEIDA (Centro de Extensión Universitaria e Divulgación Ambiental de Galicia), que conta con recursos sobre reciclaxe, contaminación e economía circular.

A Consellería de Cultura, Educación e Universidade está a promover conferencias sobre o emprego responsable e seguro das novas tecnoloxías. Dentro delas, o II Ciclo de Cultura Científica conta cunha serie de conferencias ás que se poden asistir presencialmente ou por videoconferencia. 

A continuación poden ver o programa de actividades:

O alumnado de 2º de ESO participou nun obradoiro sobre nutrición levado a cabo por Mariña Búa, farmacéutica e especialista en nutrición infantil. 

Durante o segundo trimestre do curso, o alumnado do IES de Barro participou nunha serie de obradoiros en prevención de condutas aditivas levada a cabo por Julia Búa, técnica en prevención de drogodependencias e condutas aditivas, dentro do Proxecto de prevención de condutas aditivas levado a cabo polo Concello de Barro.

O venres 1 de marzo o alumnado do IES de Barro participou nunha actividade realizada dentro do Proxecto Sendere, e financiada polo Concello de Barro en conmemoración do Día Internacional da Muller.

Esta actividade iniciouse fai unhas semanas onde o alumnado respostou a unhas enquisas elaboradas dentro do proxecto. Os resultados destas enquisas foron analizados e presentados na actividade levada a cabo no centro baixo a visión da escalada da violencia de xénero na adolescencia mediante a adaptación do conto "Pepa e Pepe".