Actividades co alumnado

O alumnado de 2º e 3º na materia de Inglés participou nun concurso de solapas de libro

O 27 de outubro alumnado de primeiro recibiu unha charla en ingés 

 O pasado 19 de febreiro de 2020 celebrouse no Casino Mercantil de Pontevedra a Fase zonal do Campionato de Orientación na que competiron 321 alumnos, dos que 74 eran alumnos do IES de Barro.

As alumnas do IES de Barro Nerea F., Sarai R. e Noa A., proclamáronse Campiona, Subcampiona e Terceira clasificada na categoría cadete feminino; os alumnos Ángel A., Juan José S. e Damián M., proclamáronse Campión, Subcampión e Terceiro clasificado na categoría cadete masculino; e a alumna Lucía G., proclamouse Campiona na categoría xuvenil feminino.

Ademais, os IES de Barro proclamouse campión por equipos na categoría Cadete Feminino e Cadete Masculino.

Desde a dirección do centro, así como desde o departamento de Educación Física, felicitan a todo o alumnado participante no campionato escolar polos bos resultados acadados.

O alumnado de relixión visitou o Belén de Valga e o Pedrón da Iglesia de Santiago de Padrón. A actividade foi organizada polo Departamento de Relixión:

O club Boa Vila Basket de Pontevedra desenvolveu unha sesión de iniciación ao baloncesto a todos os alumnos do instituto durante as súas clases de Educación Física. COÑECE O MEU CLUB, é unha actividade que se encadra dentro do Programa Xogade que a Secretaría Xeral para o Deporte oferta dentro do Plan Proxecta no que participa o instituto.

 Durante o curso 2018-2019, o alumnado de primeiro e segundo participou no concurso online "The Big Challenge" na clase de Inglés. En primeiro gañaron Rubén e Sara, e en segundo, Ismael e Alba.

O xoves 23 o alumnado de primeiro e segundo visitou o Centro de Arte Rupestre de Campolameiro acompañado polos profesores Elena, Juan e Agustín. A visita foi organizada polo profesor de Sociais Juan.

As alumnas Candela, Sarai e Nerea participaron no Campionato Galego de Orientación celebrado o sábado 4 de maio en Cenlle. O profesor de Educación Física Damián acompañounas na actividade:

O 12 de abril o alumnado do IES participou nun concurso de elaboración de curtas organizado polo Departamento de Normalización. Para ver a curta gañadora, preme botón dereito do rato e escolle reproducir

Como finalista quedou o seguinte vídeo:

Tamén houbo unha competicion de Kahoot por equipos.

O alumnado de primeiro e segundo participou nun obradoiro de Compostaxe organizado polas profesoras Esperanza e Susana en colaboración co Concello de Barro. Recibiron unha charla, fixeron prácticas no laboratorio e visitaron o composteiro do Concello.

O xoves 14 celébrase o Día Internacional do Número PI. A profesora de matemáticas Esperanza preparou moitas actividades con motivo da devandita celebración:

O día 11 de marzo pola tarde, membros da asociación Stop Velutina Umia impartitron un obradoiro no IES de Barro.

Houbo unha parte teórica e outra práctica. Os voluntarios, Manolo Outón, Elena Landín e Sofía Ruibal, xunto co coordinador do grupo Stop Velutina e Tenente de Alcalde, repasaron co alumnado a problemática da vespa velutina .No obradoiro fixéronse case un cento de trampas e tamén se lles índicou que líquido atraínte usar. Zumo de arándanos, cerveza negra e viño blanco do país.

Ademais das trampas os alumnos e mestras convertíronse en voluntarios da asociación e serán a "Policía Medioambiental de Barro" algo como o Seprona. Cada alumno recibeu un agasallo que se trata dunha libreta cun bolígrafo e colgador, para anotar o número de velutinas e outros insectos que colle a trampa para así facer un estudio que coordinarán as mestras ciencias e Bioloxía. Os alumnos adquiriron tamén un compromiso de facer e colocar as trampas e levar un mantemento do líquido atraínte cada 12 ou 15 días.

O venres 5 de marzo celebramos o Entroido. A decoración foi realizada polo alumnado de cuarto coordinado polo profesor Miro:

O departamento de Normalización organizou un cocurso de máscaras e sobremesas tradicionais:

Tamén houbo o tradicional concurso de disfraces:

E o alumnado de cuarto organizou unha competición  entre todo o instituto na que os particiipantes tiñan que adivinar palabras empregando mímica e debuxos. 

O alumnado do centro aistiu á actuación de María Lado e Lucía Aldao. A acitidade misturou música e poesía. e foi organizada polo Departamento de Normalización:

O pasado 12 de febreiro de 2019 celebrouse no Casino Mercantil de Pontevedra a Fase zonal do Campionato de Orientación na que competiron 199 alumnos, dos que 62 eran alumnos do IES de Barro.

A alumna do IES de Barro Sara de 2º ESO proclamouse Campiona Zonal na categoría infantil feminino; o alumno Álvaro, de 3º ESO A proclamouse Campión Zonal na categoría cadete masculino; e a alumna Lucía G., de 3º ESO-B proclamouse Campiona Zonal na categoría cadete feminino.

Desde a dirección do centro, así como desde o departamento de Educación Física, felicitan atodo o alumnado participante no campionato escolar polos bos resultados acadados.