Actividades Extraescolares

CURTACIRCUITO (1 DE OUTUBRO)

Lun, 07/10/2019 - 12:05 — agustin2019

O martes 1 de outubro o alumnado de 3º e 4º visitou o festival de curtas "Curtacircuito" de Santiago de Compostela. O profesor Toño Pena foi recoñecido pola calidade e a temática das curtas realizadas co alumnado do IES durante os últimos cursos.

Aproveitaron o desprazamento para visitar a Cidade da Cultura e San Domingos de Bonaval. Acompañáronos as profesoras Araceli, Susana Rodríguez e Esperanza. Se queres ver mais fotos fai clic.

GALERIA

THE BIG CHALLENGE

Mar, 25/06/2019 - 08:11 — agustin2019

Durante o curso 2018-2019, o alumnado de primeiro e segundo participou no concurso online "The Big Challenge" na clase de Inglés. En primeiro gañaron Rubén e Sara, e en segundo, Ismael e Alba.

PRESENTACIÓN OBRADOIRO DE RADIO

Xov, 20/06/2019 - 07:00 — agustin2019

O xoves 20 de xuño o alumnado do IES asistiu á presentación do Obradoiro de RADIO que vai desenvolver en xullo no Concello de Barro. Puidemos gozar cunha entrevista a Candido Pazó:

ARTE RUPESTRE DE CAMPOLAMEIRO

Xov, 23/05/2019 - 14:52 — agustin2019

O xoves 23 o alumnado de primeiro e segundo visitou o Centro de Arte Rupestre de Campolameiro acompañado polos profesores Elena, Juan e Agustín. A visita foi organizada polo profesor de Sociais Juan.

FESTIVAL LETRAS GALEGAS 2019

Mar, 21/05/2019 - 15:01 — agustin2019

Todo o alumnado asistiu ao Festival das Letras celebrado no instituto o luns 20 de maio pola tarde. Foi organizado polos profesores Miro e Xosé coa colaboración de varios alumnos e alumnas de diferentes cursos:

CAMPIONATO GALEGO ORIENTACIÓN

Mar, 07/05/2019 - 06:24 — agustin2019

As alumnas Candela, Sarai e Nerea participaron no Campionato Galego de Orientación celebrado o sábado 4 de maio en Cenlle. O profesor de Educación Física Damián acompañounas na actividade:

FESTA DA LINGUA 2019

Lun, 06/05/2019 - 11:12 — agustin2019

O alumnado de 2º e 3º asistiu á Festa da LIngua celebrada en Caldas o venres 3 de maio. A actividade foi organizada polo profesor de música Miro:

ACTIVIDADES FIN DE TRIMESTRE

Ven, 12/04/2019 - 11:15 — agustin2019

O 12 de abril o alumnado do IES participou nun concurso de elaboración de curtas organizado polo Departamento de Normalización. Para ver a curta gañadora, preme botón dereito do rato e escolle reproducir

Como finalista quedou o seguinte vídeo:

Tamén houbo unha competicion de Kahoot por equipos.

MUSIQUEANDO 11 DE ABRIL

Xov, 11/04/2019 - 12:29 — agustin2019

O alumnado de segundo sumouse á campaña Musiqueando da Confederación de Asociacións de Educación Musical cun pequeno concerto celebrado na Praza do Concello de Barro. A actividade foi organizada polo profesor de música Miro:

OBRADOIRO COMPOSTAXE (1 e 2 de abril)

Mar, 09/04/2019 - 06:01 — agustin2019

O alumnado de primeiro e segundo participou nun obradoiro de Compostaxe organizado polas profesoras Esperanza e Susana en colaboración co Concello de Barro. Recibiron unha charla, fixeron prácticas no laboratorio e visitaron o composteiro do Concello.

RISCOS DAS NOVAS TECNOLOXÍAS

Mér, 27/03/2019 - 05:25 — agustin2019

O alumnado de primeiro e segundo asistiu a unha charla impartida por un axente da Garda Civil o día 27 de marzo.

DIA INTERNACIONAL DO NÚMERO PI

Mér, 13/03/2019 - 06:41 — agustin2019

O xoves 14 celébrase o Día Internacional do Número PI. A profesora de matemáticas Esperanza preparou moitas actividades con motivo da devandita celebración:

CAMPIONATO PROVINCIAL DE ORIENTACIÓN: FASE FINAL

Mér, 13/03/2019 - 06:38 — agustin2019

Máis de 50 alumnos e alumnas do IES asistiron á fase final do Campionato Provincial d¡e Orientación celebrada o día 13 de marzo no CUVI. Obtiveron moi bos resultados. Sarai e Naiiara acadaron medallas de ouro e bronce respectivamente na categoría infantil e Lucía acadou medalla de ouro na categoría cadete

OBRADOIRO STOP VELUTINA

Mér, 13/03/2019 - 06:36 — agustin2019

O día 11 de marzo pola tarde, membros da asociación Stop Velutina Umia impartitron un obradoiro no IES de Barro.

Houbo unha parte teórica e outra práctica. Os voluntarios, Manolo Outón, Elena Landín e Sofía Ruibal, xunto co coordinador do grupo Stop Velutina e Tenente de Alcalde, repasaron co alumnado a problemática da vespa velutina .No obradoiro fixéronse case un cento de trampas e tamén se lles índicou que líquido atraínte usar. Zumo de arándanos, cerveza negra e viño blanco do país.

Ademais das trampas os alumnos e mestras convertíronse en voluntarios da asociación e serán a "Policía Medioambiental de Barro" algo como o Seprona. Cada alumno recibeu un agasallo que se trata dunha libreta cun bolígrafo e colgador, para anotar o número de velutinas e outros insectos que colle a trampa para así facer un estudio que coordinarán as mestras ciencias e Bioloxía. Os alumnos adquiriron tamén un compromiso de facer e colocar as trampas e levar un mantemento do líquido atraínte cada 12 ou 15 días.

ACTIVIDADE CONTRA A VIOLENCIA MACHISTA

Mér, 13/03/2019 - 06:32 — agustin2019

O luns 11 de marzo, o alumnado do IES participou nunha actividade contra a vilencia machista organizada polo Concello na nave da música:

ENTROIDO 2019

Ven, 08/03/2019 - 04:55 — agustin2019

O venres 5 de marzo celebramos o Entroido. A decoración foi realizada polo alumnado de cuarto coordinado polo profesor Miro:

O departamento de Normalización organizou un cocurso de máscaras e sobremesas tradicionais:

Tamén houbo o tradicional concurso de disfraces:

E o alumnado de cuarto organizou unha competición entre todo o instituto na que os particiipantes tiñan que adivinar palabras empregando mímica e debuxos.

MÚSICA E POESÍA - 25 DE FEBREIRO

Lun, 25/02/2019 - 16:03 — agustin2019

O alumnado do centro aistiu á actuación de María Lado e Lucía Aldao. A acitidade misturou música e poesía. e foi organizada polo Departamento de Normalización:

CHARLA EXALUMNOS 22 DE FEBREIRO

Ven, 22/02/2019 - 06:42 — agustin2019

O venres 22 de febreiro o alumnado do IES particpou nun coloquio con Uxía, Rolando, Pablo, Noelia, Alba Lucía e Diego, antigos alumnos do IES de Barro. Todos eles falaron das súas experiencias formativas e profesionais:

CAMPIONATO ZONAL DE ORIENTACIÓN

Mér, 20/02/2019 - 06:09 — agustin2019

O pasado 12 de febreiro de 2019 celebrouse no Casino Mercantil de Pontevedra a Fase zonal do Campionato de Orientación na que competiron 199 alumnos, dos que 62 eran alumnos do IES de Barro.

A alumna do IES de Barro Sara de 2º ESO proclamouse Campiona Zonal na categoría infantil feminino; o alumno Álvaro, de 3º ESO A proclamouse Campión Zonal na categoría cadete masculino; e a alumna Lucía G., de 3º ESO-B proclamouse Campiona Zonal na categoría cadete feminino.

Desde a dirección do centro, así como desde o departamento de Educación Física, felicitan atodo o alumnado participante no campionato escolar polos bos resultados acadados.

CONFERENCIA FÍSICA E QUÍMICA 4º DE ESO

Mar, 19/02/2019 - 07:19 — agustin1973

O alumnado de 4º asistiu o día 13 de febreiro a unha conferencia organizada pola profesora Chus. A conferencia foi impartida por José Benlliure e o tema foi "DE lo infinitamente pequeño a lo infinitamente grande":

VIDEO DE MÚSICA 2º ESO

Mar, 19/02/2019 - 07:15 — agustin1973

O alumnado de 2º de ESO, dirixido polo profesor de música Miro, gravou unha canción no instituto:

CURSO DE PRIMEIROS AUXILIOS - 28 de xaneiro

Lun, 28/01/2019 - 15:05 — agustin2019

O profesor de Educación Física Damián organizou unha actividade para que o profesorado aprendese a facer a reanimación cardiopulmonar e a utilizar un desfibrilador:

CHARLA EDUCACIÓN TRIBUTARIA

Mar, 22/01/2019 - 07:55 — agustin2019

O alumnado de 4º asistiu o luns 21 de xaneiro a unha conferencia sobre a Axencia Tributaria organizada polo profesor Paco:

CINE 8 DE XANEIRO

Mar, 08/01/2019 - 07:00 — agustin2019

Os profesores Miro e Toño organizaron unha saída para visualizar unha peli no cine. O alumnado asistiu acompañado polos profesores Miro, Toño, Anabel, Kika, Carmen, Susana, Elena e Araceli.

ENTREVISTA EN INGLÉS

Sáb, 15/12/2018 - 14:26 — agustin2019

O venres 14 de decembro o alumnado de 1º e 2º de ESO participou nunha entrevista a dúas chicas, Clara e Laura, nacidas en Norteamérica. Esta actividade foi organizada pola profesora de inglés Elena:

CHARLA EN INGLES - 30 DE NOVEMBRO

Dom, 09/12/2018 - 12:08 — agustin2019

O Departamento de Inglés organizou unha charla impartida por unha profesora nativa. Participou todo o alumnado do centro en dúas quendas. O tema foi "English around the world":

XORNADA CONTRA A VIOLENCIA DE XÉNERO

Mér, 28/11/2018 - 08:18 — agustin2019

O 28 de novembro o alumnado do IES participou nos actos organizados polo Concello de Barro na biblioteca municipal:

CONFERENCIA DE MONTSE FAJARDO

Mér, 28/11/2018 - 08:16 — agustin2019

O 28 de novembro a escritora Montse Fajardo impartiu unha conferencia no noso centro sobre o seu último libro "Invisibles"

Tamén vimos a curtametraxe feita polo alumnado de 4º baixo a dirección de Toño Pena:

MAGOSTO

Ven, 16/11/2018 - 10:01 — agustin2019

O venres 16 de novembro celebramos o tradicional magosto. Houbo castañas que como sempre foron asadas polo noso conserxe Jose Antonio. Tamén tomamos chourizos:

Houbo xogos populares organizados polo profesor de Educación Física Damián coa axuda do alumnado de cuarto:

E por suposto o tradicional concurso de sobremesas organizado polo equipo de Normalización:

DEPORUARTE

Xov, 08/11/2018 - 07:06 — agustin2019

O alumnado da materia de Plástica participou no programa Deporuarte da Deputación Provincial. O 8 de novembro foi presentado oficialmente o grafiti elaborado polo devandito alumnado:

Plan Dixital