O noso centro participa no proxecto World Biotech Tour:
Trátase dun proxecto a escala mundial que ten como obxectivo divulgar temas relacionados coa biotecnoloxía en museos e centros de ciencia.
World Biotech Tour é unha iniciativa da ASTC (Asociación de Centros de Ciencia y Tecnología) e a Fundación Biogen. A través de museos e centros de ciencia de todo o mundo, presenta a biotecnoloxía á sociedade, transmitindo como resolve problemas en moitos campos, desde a saúde e a medicina ata a agricultura e a enerxía.
Cada museo de ciencia -no noso caso a Domus dos Museos Científicos Coruñeses- reunirá a un grupo de rapaces e rapazas (de 14 a 18 anos) para presentar un tema de biotecnoloxía da súa elección aos visitantes do museo, colexios e membros da comunidade e terán unha gran presenza durante todos os eventos do World Biotech Tour. Un dos grandes obxectivos do proxecto é fomentar a colaboración global. Por iso, os embaixadores de cada museo contactarán con embaixadores doutros museos para debatir ideas e experiencias. Xunto á Domus, foron seleccionados o museo Copernicus de Varsovia, o Heureka de Finlandia, o Museu da Vida de Rio de Janeiro e o Sci-Bono Discovery Centre de Johannesburgo.
Ao final do programa, os centros participantes poden nomear un embaixador para participar no Cumio Mundial de Centros e Museos de Ciencia en Tokio, Xapón. Estes embaixadores han presentar os seus traballos de biotecnoloxía e debatirán a súa experiencia no Biotech World Tour con persoas destacadas do mundo dos museos.
Os centros galegos que participan son:
IES Agra Orzán (A Coruña)
IES Pastoriza (Arteixo)
IES David Buján (Cambre)
IES As Telleiras (Narón)
CPI dos Dices (Rois).
