O 22 de decembro foi unha data festiva no IES As Telleiras. O centro estaba engalanado para despedir o primeiro trimestre e darlle a benvida ao Nadal e tanto o alumnado como o resto da comunidade educativa participaron de diversas actividades:
O alumnado de 1ºESO, 2ºESO e 3ºESO converteu o centro nun auténtico mercado de Nadal facendo das súas aulas auténticos postos ambulantes, onde o alumnado, o profesorado e as famlias adquiriron diversos produtos ou servizos mediante o sistema do troco: libros, xoguetes, videoxogos, quiromancia, xogos populares, apertas...todo estaba ao alcance dun tiquet, que podía ser adquirido participando na recollida solidaria de alimentos ou, no caso do alumnado, achegando produtos para o seu propio posto de Nadal.
Pola súa banda, o alumnado de 4ºESO, 1ºBACHARELATO e 2º de BACHARELATO participou nun campionato de deportes, nesta ocasión fútbol e baloncesto, que tivo lugar no pavillón:
E tanto uns coma outros puideron gozar ao longo da mañá e dos tempos de lecer dunha saborosa chocolatada, grazas á colaboración das familias da ANPA e da inestimable axuda de Mabel, a directora de orquestra da cafetería do centro.
