O alumnado de oratoria de 2ºESO participa nun pleno escolar no Concello de Narón

O venres 3 de marzo, o Concello de Narón celebrou un pleno moi especial, no que alumnos e alumnas do IES As Telleiras, do CPR Jorge Juan e do IES Terra de Trasancos se converteron en concelleiros/as por un día e realizaron varias propostas de enorme interese. Nesta sesión tamén participou a concelleira de Educación, Mercedes Taibo, o secretario Xeral, Afonso de Padro e presidiu a sesión a alcaldesa, Marián Ferreiro.

As propostas do alumnado de Telleiras ían destinadas ao ámbito do lecer, do deporte e dos servizos de transporte público. Agardamos que este encontro e estas propostas sexan tan ben acollidas polo Concello de Narón como entre o alumnado e o profesorado o foi a participación nesta actividade.