IES As Telleiras |

O IES As Telleiras é un dos centros adxudicatarios dos Polos Creativos!

Ven, 22/07/2022 - 03:54 — Anónimo

Estamos de noraboa! O IES As Telleiras é un dos centros admitidos no programa de innovación educativa Polos Creativos para o próximo curso 2022-2023!

Listaxes definitivas de admisión a ciclos de FPBásica

Xov, 21/07/2022 - 06:47 — Anónimo

Xa están publicadas as listaxes definitivas de solicitudes así como a de adxudicación de prazas na FP Básica.

Convocatoria dos Premios de Educación Secundaria Obrigatoria ao esforzo e á superación persoal

Xov, 21/07/2022 - 03:57 — Anónimo

Vén de publicarse a Convocatoria de Premios de ESO ao esforzo e á superación persoal, que pretende dar recoñecemento público á constancia e á dedicación do alumnado desta etapa educativa.

O prazo de presentación de solicitudes será dun mes. A convocatoria abrirá o 24 de agosto e finalizará o 23 de setembro.

Pódese consultar aquí a convocatoria completa e e acceder aquí á solicitude.

Moito éxito!

Publicadas as notas da convocatoria extraordinaria das ABAU

Xov, 21/07/2022 - 03:47 — Anónimo

Xa están publicadas as notas da convocatoria extraordinaria das ABAU. O alumnado poderá consultar as súas cualificacións aquí.

Listaxes provisionais do fondo de libros

Mar, 12/07/2022 - 03:52 — Anónimo

Publicadas as listaxes provisionais do fondo de libros e vales para a adquisición de material escolar.

Poden consultarse na aplicación fondo de libros a través de chave365 ou cun certificado dixital, presencialmente no centro ou chamando por teléfono.

A listaxe definitiva publicarase previsiblemente o día 22.

Reclamación da comisión bancaria relativa ao pagamento do seguro escolar

Mar, 05/07/2022 - 05:14 — Anónimo

Estimadas familias,

Antes os comentarios recibidos durante o período de matrícula polas comisións abusivas do banco no pagamento en efectivo do seguro escolar obrigatorio, a dirección do centro púxose en contacto coa entidade bancaria.

Esta entidade informou de que a comisión de 3 euros é aplicable a calquera ingreso en efectivo e que, para evitala, o pagamento pódese facer a través do caixeiro ou por transferencia online.

En todo o caso, puxeron á nosa disposición unha folla de reclamacións para que quen quixer poida tramitar individualmente unha queixa formal. Pode acceder a ela aquí.

Autobús escolar para o alumnado de Bacharelato

Mar, 05/07/2022 - 04:37 — Anónimo

Ao alumnado de bacharelato non lle corresponde praza fixa no transporte escolar. Porén, poderá facer uso das prazas non asignadas en cada autocar, do mesmo modo que o resto da poboación.

Facendo uso da Tarxeta Nova o alumnado terá dereito a 60 viaxes gratuítas, tal e como poden comprobar aquí.

Ademais, Monbús ten a disposición dos usuarios a liña XG640 que facilita as entradas e as saídas do centro escolar, en caso de non dispoñer de praza libre no transporte escolar.