Skip to Content

Alumnado de 3º de Educación Dixital gaña o 1º Premio no concurso "A maxia da robótica"

Lun, 14/11/2022 - 08:33 — Anónimo

O alumnado de 4º de Tecnoloxía e de 3º de Educación Dixital do IES As Telleiras participou no Obradoiro Concurso da “Maxia da Robótica”, que organiza Igaciencia no centro Ágora en A Coruña; neste concurso participan vinteseis centros de toda Galicia con máis de oitocentos nenas e nenos. O concurso consiste en vinte retos de robótica que os rapaces e as rapazas teñen que resolver agrupados en equipos de cinco ou seis persoas programando robot EV3 no tempo dunha hora.

O alumnado de Telleiras tivo unha actuación fantástica deixando moi alto o nivel do noso centro, e cómpre salientar ademais que un equipo da materia de “Educación Dixital”  integrado por Cristina López, Lara Torrente, Naiala Pérez, José Fuentes y Cloe Hermida acadaron o primeiro lugar da categoría 1º y 3º da ESO, gañando un premio de 300€; por este motivo foron convidados a un acto no centro Ágora organizado pola Concellería de Cultura da Coruña.

Parabéns a todo o alumando participante e, por suposto, aos premiados.

La Voz de Galicia fíxose eco desta convocatoria. Pódese consultar a nota de prensa aquí. 

1ª Convocatoria de reunión do grupo LGBTelleiras (16 de novembro)

Mar, 08/11/2022 - 11:14 — Anónimo

Convocamos a todas as persoas interesadas en facer parte de LGBTelleiras á primeira reunión do grupo, que terá lugar o mércores 16 de novembro no segundo tempo de lecer na biblioteca.

Animádevos a participar! 

Eleccións ao Consello Escolar

Mar, 08/11/2022 - 11:09 — Anónimo

Samaín e Magosto (28/10/2022)

Xov, 03/11/2022 - 05:25 — Anónimo

O venres 28 de outubro o IES As Telleiras celebrou de forma conxunta o Samaín e o Magosto. Nesta conmemoración o alumnado realizou diversas actividades ao longo da mañá.

Por un lado, o alumnado de 1ºESO, 2ºESO e 3ªESO participou nun concurso de portas fúnebres. Aquí podedes ver algunha delas:  

 

 

 

Por outro lado, o alumnado de 4ºESO e 1ºBACH participou nun concurso de epitafios con moita retranca:

Mesmo o profesorado do centro se animou a participar decorando as portas dos distintos departamentos didácticos: 

Ao longo da mañá tamén se desvelaron as persoas gañadoras do concurso de relatos de ultratumba, convocado pola biblioteca, e do concurso de cabazas. 

As persoas premiadas no concurso de relatos foron Daniel Varela Tajes con "La casa misteriosa", Julia Calderón Lago con "Pesadelos de dor" e Diego Mourente con "El castillo del Infierno". 

As tres cabazas gañadoras foron da autoría de Diego Mourente, Ayelén Rodríguez Vilariño e Carolina Yáñez Gato, e Alexandre Rodríguez e Claudia Rego Serantes. 

E ao finalizar a mañá todo o alumnado do centro e o resto dos membros da comunidade educativa gozaron dunha degustación de castañas asadas.

 

Benvida ao centro Cassidy!

Mér, 19/10/2022 - 11:17 — Anónimo

Hoxe queremos presentarvos a Cassidy, a auxiliar de conversa que nos acompañará durante o curso 22-23! Vén de Minnesota e desexamos que goce moito da súa estadía no IES As Telleiras! 

You're very welcome!

AMPLIACIÓN DA AXUDA PARA ADQUIRIR MATERIAL ESCOLAR

Sáb, 15/10/2022 - 05:29 — Anónimo

De acordo coa Resolución do 5 de outubro de 2022 de concesión directa da ampliación da axuda para adquirir material escolar regulada na Orde do 29 de abril de 2022, concédese unha ampliación da axuda para adquirir material escolar de 25 euros adicionais baixo as seguintes condicións:

-Unicamente recibirán esta ampliación de 25 euros aquelas persoas beneficiarias do vale de axuda por material de 50 euros.

-Os vales deberán ser empregados nos establecementos preferiblemente antes do 1 de decembro de 2022.

Recolleranse na Secretaría do centro a partir do mércores 19 de outubro en horario de 09:00 a 14:00. A persoa solicitante será a que ten que recoller o vale previa presentación do DNI/NIE. De non poder acudir, autorirzaŕa outra persoa para facelo. 

 

CONCURSO DE CABAZAS (SAMAÍN 22)

Mér, 05/10/2022 - 10:50 — Anónimo

Consultas as bases para participar aquí! 

CONCURSO DE RELATOS CURTOS DE ULTRATUMBA

Mar, 04/10/2022 - 17:43 — Anónimo

A biblioteca do IES As Telleiras convoca con motivo da celebración do Samaín 2022 o “Concurso de relatos curtos de ultratumba”. Consulta as bases de participación aquí:

CLUBS DE LECTURA EN BIBLIOTELLEIRAS

Lun, 03/10/2022 - 08:45 — Anónimo

Concurso de relatos "Contos_eme 2022" para Bacharelato

Mar, 27/09/2022 - 04:39 — Anónimo

 

A Escola de Minas e Enerxía da Universidade de Vigo convoca o Concurso "Contos_eme 2022"

Envía os teus relatos antes do 30 de outubro de 2022.

Os relatos deberán ser orixinais, en lingua galega ou castelá.

Deberán empezar coa frase seguinte, segundo o idioma:

“Cando ela nos dixo que ía estudar Enxeñaría na Escola de Minas e Enerxía...”

“Cuando ella nos dijo que iba a estudiar Ingeniería en la Escuela de Minas y Energía...”

Cada participante so poderá presentar un relato. Deberá ter, sen contar a frase inicial obrigatoria, unha extensión mínima de 200 palabras, máxima de 300 e estar escrito con letra Arial 11 e entreliñado de 1 liña.

Entregarase un premio por categoría que consistirá en diploma acreditativo e 200 euros.

Os relatos deben enviarse, en formato pdf, por correo electrónico a eme@uvigo.gal. O tema do correo deberá ser “concurso de relatos”, e no propio correo aparecerán os datos de autoría: nome, apelidos, DNI, correo de contacto e o nome do centro de matricula. 9.

O prazo de presentación remata o 30 de outubro de 2022, ás 20h.

Animádevos a participar! 

Distribuir contido


by Dr. Radut