Programas Internacionais e Intercambios

Este venres, 20 de abril, ás doce e media da mañá, Fran Rei e Pedro Brandariz da compañía Os Sete Magníficos mais Un, representarán no IES A Sangriña a obra "Dous pallasos en apuros" . Este traballo dos dous famosos clowns de Culturactiva, que vén presentado polo éxito colleitado en numerosas representacións, será ofrecido solidariamente por Fran e Pedro como agasallo ao alumnado do colexio San Xerome Emiliani, que leva anos desenvolvendo un extraordinario labor de creación e comunicación por medio do teatro.
No mes de febreiro, Fran Rei ofreceu un curso de formación teatral no IES A Sangriña para alumnado do grupo de teatro do instituto e alumnado do Colexio San Xerome e do CEIP A Sangriña. Estes centros participan conxuntamente nun proxecto europeo (Comenius Regio) que promove a integración, neste marco incluíuse este curso, como unha máis das numerosas actividades compartidas. A experiencia foi enormemente satisfactoria para o alumnado participante e para o profesor que dirixiu o curso.

O pasado venres 18 de novembro visitaron Baixo Miño Estudios, rapaces das Asociacións Avelaíña, San Xerome Emiliani e alumnado dos Centros de ensino público CEIP A Sangriña e IES A Sangriña, A Guarda. A actividade estaba enmarcada dentro do Programa Europeo Comenius Regio.