Dentro das actividades da asociación multilateral Comenius titulada "Upper Secondary education according to ET2020", na que participan sete centros europeos baixo a coordinación do IES A Sangriña, relizouse un intercambio coa EBS Padre Manuel Álvares, de Riveira Brava, en Madeira. Un grupo de alumnos de 1º de Bacharelato, acompañados por dous profesores de portugués, realizaron durante o pasado mes de abril a viaxe de intercambio, participando en diversas actividades organizadas polo centro madeirense.
