Eventos
O alumnado de 1º curso de BACH recibirá formación en materia de saúde sexual impartida pola doutora Iria Carreira Pazos. Estará centrada no coñecemento das infeccións de transmisión sexual e os métodos de prevención, así como formación nesta materia en xeral.
Este proxecto desenvólvese dentro da especialización de médicas residentes en Medicina Familiar e Comunitaria en Santiago de Compostela, e conta coa aprobación do Comité de Ética da Investigación do Complexo Hospitalario Universitario de Santiago.
O alumnado de primeiro curso de bacherelato asistirá a unha charla formativa sobre enfermidades dexenerativas, neste caso a enfermidade de Alzheimer enmarcado dentro do Programa Red Paraugas Alzhéimer 4.0. interxeracional.
Trátase dun proxecto de sensibilización interxeracional, impulsado pola Fundación Barrié e a Federación Alzheimer Galicia e Agadea Alzheimer que ten como obxectivo amosar dun xeito próximo e dinámico que son as demencias, como afectan o cerebro e as diferentes demencias existentes, achegando aos máis novos a realidade desta doenza que afecta en Galicia a preto de 100.000 persoas.
Visita á Feira Talent Summit de orientación laboral no Pazo de Congresos e exposcións de Galicia
Os días 28, 29 e 30 de outubro o alumnado de segundo curso de CM e CS de Xestión e aproveitamentos forestais viaxan aos espazos naturais da comarca de O Courel e Os Ancares en Lugo co obxecto de estudar e coñecer flora, fauna, xeoloxía, xestión e figuras de protección de espazos naturais ... segundo o seu currículo formativo.
Visita aos xulgados de Arzúa do alumnado de Ciclo Superior de Administración e Finanzas, co obxectivo de observar varios procesos xudiciais en casos relacionados co ciclo.
Visita do alumnado de primeiro curso de CM de Aproveitamentos forestais e CS de Xestión forestal a unha explotación forestal na parroquia de Villantime (Arzúa). Nesta parcela existen diferentes especies produtivas nas que se aplica o manexo silvícola.
Na biblioteca do IES, ás 12:30 (segundo recreo), o xurado emitirá o fallo do concurso de epitafios e de cabazas do SAMAÍN 2019 e procederá a entrega de premios por categoría.
Saída do alumnado de 1º de Bacharelato de Cultura Científica e Economía ao parque eólico experimental de Sotavento e áreas de interese ambiental próximas.
Proxección da película "Quiero ser como Becham" na biblioteca do IES en horario de 14:30 a 16:35 horas. A xornada iníciase cunha comida conxunta dos participantes e posterior visionado e comentario da película proxectada.
Película:
Sinopse: Os pais de Jess (Parminder Nagra) queren que sexa unha convencional moza india, pero ela só quere xogar ao fútbol como David Beckham, a estrela do Manchester United. Un día, Jules (Keira Knightley), unha moza da súa idade, convídaa a unirse ao equipo de fútbol feminino local. Os seus pais non entenden por que xoga ao fútbol no canto de estudar Dereito e aprender a cociñar, por que non tenta parecerse a Pinky (Panjabi), a súa irmá maior, que está prometida co home adecuado. Ademais, a Jules e a Jess gústalles o mesmo mozo, o seu adestrador Joe (Meyers).
OBXECTIVO: ROMPER ESTEREOTIPOS DE XÉNERO
O alumnado de 2º Curso de Bacharelato recibe a visita do psicólogo Daniel Caamaño. Esta actividade está organizada polo Departamento de Filosofía do IES de Arzúa e sempre é moi esperada por todo o alumnado polo seu gran aproveitamento. Grazas Daniel.
O alumnado de Ciclo Superior de Administración e Finanzas e o alumnado da materia de Economía asisten a unha conferencia formativa sobre Comercio electrónico no IES de Arzúa.
Celebración do MAGOSTO no IES de Arzúa con xogos populares, castañas asadas, músicas...