2019/20

Exposición: Aporofobia

Mér, 18/12/2019 - 17:41

Na última semana do primeiro trimestre, instalouse no vestíbulo do centro a exposición itinerante da ONG Cooperación Internacional : aporofobia.

A exposición está centrada nunha das manifestacións da aporofobia: o trato cruel, inhumano e degradante que reciben moitas personas sin hogar e que conculca os seus dereitos fundamentais. Dando voz a algúns deles, tratamos de sensibilizar ao alumnado sobre a situación de extrema vulnerabilidade dos que, por diversas circunstancias que tamén nos poden acontecer, se viron abocados a vivir na rúa.

Aporofobia

Concurso de postais de Nadal

Mar, 17/12/2019 - 16:23

O xurado composto por:

- Tareixa Abal.

- Ana Felpeto.

- Amabel Míguez.

- Manuel Amor.

acordou conceder os seguintes premios:

Primeiro premio: Carlota Aldariz Lobato. 1º A

Segundo premio: Iria Mata Portos. 2º A

Terceiro premio:Alejandro González Barreiro. 1º A.

O acto de entrega de premios do Concurso convocado pola Biblioteca e o Departamento de Música terá lugar o día 20 de decembro na biblioteca durante o primeiro recreo.

Parabéns aos premiados e moitas grazas a todo o alumnado que participou.

Concurso de postais de Nadal

Benxa Otero: música máxica

Mar, 17/12/2019 - 15:23

Para conmemorar a nosa entrada centenaria nada mellor que un músico excepcional: Benxa Otero. Este dezao que amais de músico é fotógrafo e mago deleitou onte 17 de decembro ao alumnado de 2 ESO cunha actuación de guitarra, óboe e corno inglés realmente máxica. Non onstante o pasado ano foi un dos finalistas dos premios da música MIN polo seu disco 13 cancións bonitas xunto a Germán Díaz. Outro privilexio que debemos en boa medida á colaboración da Fundación Paideia.

O que arde en 1ºBACH

Ven, 13/12/2019 - 18:53

Venres 13 de decembro foi a data sinalada: unhas 50 alumnas e alumnos de 1ºBacharelato acudiron a unha sesión do multipremiado filme de Óliver Laxe, O que arde, na sala Númax de Santiago de Compostela. Eran as 12 da mañá e puidemos desfrutar dun filme que está marcando fitos na historia da nosa filmografía. E abofé que de deixaron cautivar ou pola historia ou pola música ou pola foto. De volta a pé cara o instituto fomos debullando os matices deste filme.

O que arde

Ops!

Ven, 13/12/2019 - 17:12

Un ano máis, e xa van catro, o alumnado de 4º ESO do noso instituto participou nun obradoiro de portugués ofrecido polo Departamento de Lingua do Concello de Santiago: "OPS! Falamos portugués. O portugués simples". Neste caso amais por partida tripla xa que a responsable impartiu o curso durante tres días, 11, 12 e 13 de decembro a outros tantos cursos. Agardamos que aproveitasen a ocasión!.

OPS!

Visita: CIMUS USC

Xov, 12/12/2019 - 18:34

O alumnado de STEMbach de 1º de Bacharelato e o da materia de Psicoloxía de 2º de Bacharelato visitaron o CIMUS para coñecer parte do traballo de tres grupos de investigación: @UnisemSantiago (enfermidade de Párkinson), @GMXenomica (Trastornos do Neurodesenvolvemento) e ·#MolecularMetabolism (relación entre algunhas zonas do encéfalo e comportamento alimenticio).

Tanto o profesorado acompañante como o alumnado quedou moi satisfeito coa visita, non só polos temas tratados senón polas magníficas e interesantes explicacións. A maior riqueza do CIMUS son as persoas que traballan nel. O noso máis sinceiro agradecemento!

Sempre dicimos e mesmo e cumprímolo: voltaremos

Visita ao CIMUS

Ler máis

Cine coa directora Jaione Camborda

Mar, 10/12/2019 - 18:23

O pasado 10 de decembro o alumnado de 4ESO tivo o enorme privilexio de asistir a un obradoiro de cine coa directora Jaione Camborda. De orixe vasca, Jaione leva algúns anos instalada afortunadamente na nosa lingua e cultura. Tanto é así que acaba de estrear nos cines Arima, a súa primeira longametraxe coa que xa colleitou notables éxitos coma no festival de Sevilla ou en Márgenes. Daquela, a nosa gratitude cara esta integrante do chamado Novo Cinema Galega por compartir o seu saber e experiencia connosco.

Conferencia sobre cinematografía

Margarida Mariño: chelo e pedais

Xov, 28/11/2019 - 19:24

O pasado 28 de novembro o alumnado de 2ºBACH tivo a sorte de escoitar a unha das nosas música máis innovadoras: Margarida Mariño. Acompañada do seu violonchelo e duns pedais electrónicos achegounos outro xeito de facer música co que está triunfando na escena máis alternativa de Europa. Todo un auténtico luxo e mais cando apareceu acompañada de David, un alumno do centro e futuro mestre violonchelista. Grazas aos dous.

Aquí podedes escoitalos nuns fragmentos:

Día Internacional contra a Violencia de Xénero

Lun, 25/11/2019 - 14:34

#25N non é unha celebración, é unha data a borrar do noso calendario e imaxinario, pero até entón queda moito por facer, moitos muros por derrubar, non podemos, nin debemos, permitir un paso atrás. Por iso, dende o equipo de Biblioteca do Xelmírez II e Vicedirección organizáronse varias actividades dentro do "Día Internacional contra a Violencia de Xénero". Entre elas a elaboración dun vídeo no que participou o alumnado, o profesorado e o persoal non docente do centro, a creación de lazos violetas humanos e a lectura de fragmentos de textos literarios relacionados con esta temática.

Fiestinema: festa do cine francófono para xóvenes

Xov, 21/11/2019 - 16:24

50 alumnas e alumnos de 3.º de ESO asistiron o xoves 21 de novembro á proxección da película "Comme un Lion" e 22 alumnas e alumnos de 1 bacharelato á proxección do documental "Swagger" o venres 22 de novembro na Sede Afundación en Santiago, nunha actividade ofertada pola Alianza Francesa.

Fiestinema

Fotos cedidas pola AF de Santiago

Obradoiro: Educación afectivo-sexual

Mér, 20/11/2019 - 19:23

O día 20 de novembro estivo no noso centro Noa Tilve (Quérote +) para impartir un obradoiro de "Educación afectivo-sexual" destinado ao alumnado de 3.º de ESO.

Con este obradoiro , búscase que a mocidade poida ter unha información fiable e que coñeza un recurso profesionalizado ao que poder recurrir se lle xurden dúbidas en relación a este tema.

Os obxectivos son :

Reforzar as habilidades para aprender a distinguir o que gusta e o que non en relación coas demais persoas.
Promover a vivencia da sexualidade do xeito máis pracenteiro, responsable e satisfactorio posible
Reflexionar sobre as relación afectivas
Promover o diálogo e a asertividade e empatía nas relación de parella
Traballar os límites e a responsabilidade persoal.

Visita á Biblioteca Pública Ánxel Casal

Mér, 20/11/2019 - 17:25

Biblioteca Ánxel Casal

Pódense ver fotos na seguinte ligazón Fotos

Os días 6, 13 e 20 de novembro os alumnos e alumnas de 1.º ESO visitaron a " Biblioteca Ángel Casal" dentro do plan de formación dos usuarios.

Asistencia á gala: Día da Infancia. 30 anos

Mér, 20/11/2019 - 16:23

A Plataforma de Organizacións de Infancia de Galicia, en coordinación coa Xunta de Galicia e coa Plataforma de Infancia estatal, conmemora o 30 aniversario da Convención sobre os Dereitos da Infancia.

As aportacións sobre reivindicacións que os alumnos e alumnos de economía de 4º ESO expuxeron o 20 de novembro na Sede da Xunta de Galicia para amosar a importancia da educación na resolución de conflitos e a necesidade de poñerlle freo ao acoso escolar, foron escoitadas polas entidades de infancia asistentes e sobre todo polos responsables políticos, facendo desta maneira que os nenos e as nenas sexan coñecedores dos seus dereitos e suxeitos reivindicadores.

Igualmente a presentación do evento por dous estudantes de 1º de bacharelato CC Sociais, Alán Álvarez e Uxía Martínez que tan ben o realizaron, fixo que tamén foran as estrelas do acto.

Infancia01

Infancia02

Infancia03

Ler máis

Dháunae de Vir: creadora dixital

Mér, 20/11/2019 - 12:10

Onte 19 de outubro o alumnado de 2ESO tivo unha visita moi especial: Dhaunae de Vir. Dhaunae é unha enxeñeira informática nacida en Cervantes e instalada dende hai hai entre Londres e Estocolmo onde, na actualidade, desenvolve o seu traballo en Paradox. Con moitos anos de experiencia no eido da creación dixital e de produtos transmedia, foi videoxogadora profesional e produtora e deseñadora de diversos videoxogos e xogos de rol. Tamén se aventurou no cinema onde chegou a conseguir un premio Bafta. E hai uns días foi unha das relatora do último Lgx15 onde transmitiu a súa preocupación polo uso da lingua nos contidos transmedia.

Hoxe estivo co noso alumnado falándonos dos seus proxectos e, sobre todo, respondendo a moitas das súas curiosidades nun dos ámbitos que mellor dominan. Por certo,, interesante a recomendación que lles deixou: "tedes que xogar menos tempo pero mellor, máis intelixentemente". Un auténtico luxo do que vos deixamos unha pequena mostra fotográfica.