Visita de alumnado danés de Rønde (Aarhus-Dinamarca)

Esta semana pasada recibimos un grupo de oito alumnas e un alumno do instituto “Syddjurs Gymnasium” de Rønde (Aarhus-Dinamarca). Estiveron en Santiago desde o martes 8 ata o luns 14 de outubro aloxándose en familias xunto con alumnado do noso centro.

A pesar das malas condicións climatolóxicas que tivemos, durante a súa estancia en Galicia puideron visitar o Museo das Peregrinacións, a zona vella de Santiago, o Museo do Mar de Porto de Son, o Castro de Baroña e a zona vella de Noia. Foron uns días de socialización onde puideron coñecer o noso entorno, a nosa historia e a cultura, á vez que o noso alumnado puido ter unha primeira aproximación á cultura danesa.