You are hereRoteiro literario do Club Ptolomeo pola terra de Arousa
Roteiro literario do Club Ptolomeo pola terra de Arousa
O luns os integrantes, os e as que poideron viaxar, do Club de lectura Ptolomeo, realizamos un roteiro romántico pola comarca de Arousa, para desenvolver a última xuntanza deste curso nun entorno literario.
Viaxamos no tren ata Vilagarcía e logo en auto ata a Casa-museo de Ramón del Valle-Inclán. Alí, baixo o magnolio que foi testemuña da escrita de moitos textos do autor das Sonatas, limos e comentamos contos de don Ramón, e tamén a lectura do mes, Memorias dun neno labrego de Xosé Neira Vilas. O fermoso xardín é un lugar máxico, e o museo e a casa ben valen por si sos unha visita.
Logo de contemplar o monumento a don Ramón de las barbas de chivo, na praza de Vilanova seguimos viaxe á Illa de Arousa e Cambados.
Logo da visita á casa de Ramón Cabanillas, outra sesión de lectura, agora de poemas do Poeta da raza, no xardín da Biblioteca pública de Cambados, retornamos a Compostela.
Foi un día fermoso e que esperamos repetir o próximo ano. Agardamos a máis lectores e lectoras que queiran sumarse ó noso Club.