Skip to Content

Probas de avaliación de diagnóstico: 2º ESO

Ven, 05/04/2024 - 19:25

En cumprimento da nova lei educativa estatal, este curso está previsto en todas as comunidades autónomas a realización das probas de avaliación de diagnóstico para o alumnado de 2.º curso de educación secundaria obrigatoria. No caso de Galicia, terán lugar os próximos días 10 e 11 de abril dentro do horario lectivo do centro. Coas probas de diagnóstico búscase coñecer as debilidades e as fortalezas académicas do alumnado respecto do conxunto da comunidade galega para acometer, nos seguintes cursos, modificacións que permitan mellorar o nivel de adquisición de competencias nos vindeiros cursos.

 

Podedes atopar máis información no seguinte documento:

 

 

Charlas para familias e profesorado: Tecnoloxía con sentidiño (4 de abril)

Mar, 02/04/2024 - 05:20

A Consellería de Cultura, Educación, Formación Profesionale e Universidades  lanza a segunda edición do Ciclo de Cultura Científica, aberto ao público en xeral, e especialmente dirixido á comunidade educativa e aos docentes en particular. Baixo o título Tecnoloxía con sentidiño, abordaranse varias temáticas en torno á tecnoloxía, como o uso da mesma nas aulas, a súa relación coa saúde infanto-xuvenil e a psicoloxía ou a Intelixencia Artificial, entre outros.

Desenvolveranse  charlas de hora e media de duración, de 18:00 a 19:30, e poderán seguirse de forma presencial no auditorio Neira Vilas da Biblioteca de Galicia en Santiago de Compostela, ou ben tamén  na canle de YouTube da Consellería de Cultura, Educación, Formación Profesional e Universidades.

O ciclo comeza o día 4 de abril coa presenza de Héctor Ruíz Martín, investigador e director da International Science Teaching Foundation, que impartirá o relatorio Que nos di a investigación sobre o uso da tecnoloxía na aula.

ABERTO O PRAZO PARA A SOLICITUDE DAS BOLSAS DO MINISTERIO DE EDUCACIÓN. CURSO 2024-25

Mar, 19/03/2024 - 14:22

Está aberto o prazo da convocatoria xeral de bolsas e axudas ao estudo para o curso 2024-25. As axudas para os estudos posobrigatorios poderanse solicitar dende o 19 de marzo ata o 10 de maio a través da sede electrónica do Ministerio de Educación, Formación Profesional e Deportes.

O alumnado que teña pensado cursar bacharelato, Formación Profesional, ensinanzas artísticas, deportivas, de idiomas ou estudos universitarios, entre outros, poden pedir xa a súa bolsa para o vindeiro curso. Como en convocatorias previas, deberán de cumplimentar unha serie de datos provisionais, que poderán modificar máis adiante, e deberán facelo ainda que non saiban as cualificacións do curso actual, ou ainda que non saiban que van estudar o curso 2024-25.

Para máis información podedes consultar na seguinte ligazón.

Prazo: do 19 de marzo ata o 10 de maio.

Destinatarios: alumnado que no curso 2024-25 vai cursar estudos posobrigatorios (Bacharelato; Formación Profesional de grao básico, medio e superior; ensinanzas artísticas, deportivas, de idiomas ou estudos universitarios)

 

Convocatoria de probas para a acreditación das competencias dixitais do alumnado

Lun, 04/03/2024 - 17:32

A Consellería de Educación vén de publicar as instrucións para a acreditación das competencias dixitais do alumnado para o curso 2023-24. A acreditación das competencias dixitais poderá realizarse a través das seguintes modalidades:

 

4ºESO

  • O alumnado que obteña o título de graduada ou graduado en educación secundaria obrigatoria (ESO) recibirá o certificado que acredite o nivel de iniciación. 
  • O alumnado matriculado en 4º de ESO poderá presentarse a unha proba específica para acreditar o nivel intermedio. 

 

2ºBacharelato

 

  • A obtención do título de bacharel acredita que a alumna ou o alumno ten os coñecementos das áreas de dominio 1, 2, 3, e 5 do nivel intermedio. 
  • O alumnado de 2º de bacharelato poderá presentarse a unha proba específica co obxectivo de acreditar os coñecementos do dominio 4 do nivel intermedio. 

 

O alumnado de 4º de ESO e de 2º de bacharelato que desexe realizar a proba específica para a acreditación de coñecementos, habilidades e actitudes propias do nivel intermedio do Marco galego de competencias dixitais terá que cubrir o formulario de inscrición e entregalo na Secretaría do centro antes do venres 15 de marzo ás 14:30.

 

 

As probas realizaranse no centro nas seguintes datas:

 

  • A proba específica que acredita a área de dominio 4 de nivel intermedio realizarase durante o mes de abril. 
  • A proba específica que acredita o nivel intermedio realizarase durante o mes de maio. 

Admisión de alumnado non adscrito. Curso 2024/25

Xov, 29/02/2024 - 17:30

A partir do 1 de marzo ábrese o proceso de admisión para o alumnado que se incorpora por primeira vez ao IES Antón Alonso Ríos nos diferentes cursos da ESO e Bacharelato e non procede dun centro de primaria adscrito. Indícase a continuación o calendario do proceso:

  • PRAZO DE SOLICITUDE: Do 1 ao 20 de marzo de 2024, ambos inclusive

Prazo de solicitude de reserva para o alumnado que se incorpora por vez primeira ao sistema educativo galego ou para os que cambian de centro de maneira voluntaria. As solicitudes presentaranse mediante o formulario dispoñible na aplicación informática admisiónalumnado:

    • preferiblemente a través da sede electrónica da Xunta de Galicia;
    • opcionalmente, poderán presentarse presencialmente no centro.

 

  • PUBLICACIÓN DA LISTAXE PROVISIONAL DE ADMISIÓN: 25 de abril de 2024

Cinco días hábiles para formular reclamacións a partir do día seguinte da súa publicación.

 

  • PUBLICACIÓN DA LISTAXE DEFINITIVA: 15 de maio de 2024

Publicación da listaxe definitiva de persoas admitidas e non admitidas.

 

Para máis información sobre o procedemento (prazos, xestión das solicitudes e documentación a presentar) pódese consultar admisiónalumnado ou de maneira máis xeral a Orde de 21 de outubro de 2022 que regula o proceso de admisión de alumnado en centros escolares sostidos con fondos autónomicos ou na aplicación da Consellería de Educación.

 

FORMALIZACIÓN DE MATRÍCULA

O alumnado admitido deberá matricularse entre o días 24 de xuño e o 8 de xullo de 2024, ambos inclusive. Por cuestións organizativas, na secretaría do centro publicarase con antelación un calendario con días concretos para os distintos niveis.

Reserva de prazas. Curso 2024/2025

Xov, 29/02/2024 - 17:22

Infórmase que todo o alumnado que fixo a solicitude de reserva de prazas en 1º da ESO desde os centros adscritos foi admitido.

Febreiro mes das emocións: 3ª edición

Lun, 19/02/2024 - 17:56

III MES DAS EMOCIÓNS

Celebramos por terceiro ano consecutivo, o MES DAS EMOCIÓNS. Un ano máis, teremos unha grande oferta de actividades para toda a comunidade educativa que lle axude nunha mellor xestión das súas emocións. Nesta edición poñemos o foco no corpo, para localizar os nosos sentimentos e aprender a identificalos. Haberá charlas, obradoiros, concursos e múltiples actividades lúdicas tamén nos recreos. Dende as materias, titorías e Equipos traballaremos o mundo das emocións dende distintas perspectivas e, por suposto, contaremos coa colaboración de profesionais no tema.
Por iso, nesta terceira edición do mes das emocións queremos seguir traballando a educación emocional, tan fundamental para o desenvolvemento do noso alumnado na sociedade actual.


Axudas para a formación en lingua estranxeira en Bacharelato

Mér, 14/02/2024 - 22:15

Foron convocadas 645 axudas para a realización de estadías lingúísticas de verán no estranxeiro no ano 2024 destinadas ao alumnado de 1º e 2º de Bacharelato (DOG do 12/02/2024).

O período de realización das estadías comprenderá desde a primeira semana de xullo ata finais de agosto de 2024, agás para 2º de Bacharelato que se desenvolverán no mes de agosto.

A solicitude destas axudas realizarase a través da aplicación en liña dispoñible na páxina web do programa: https://www.edu.xunta.gal/axudasle/

O prazo de solicitude estará aberto dende o 13 de febreiro ata o 12 de marzo.

Toda a información está dispoñible no seguinte documento.

Distribuir contido


by Dr. Radut