O Equipo formado por  Sara I. e Lúa D. de 4º ESO do noso centro resultou gañador e foi convidado a participar nu debate final en Santiago de Compostela co outro grupo vencedor do IES A Paralaia (Moaña).

O alumnado da materia de Bioloxía e Xeoloxía xunto ca súa profesora Guiomar, teñen unha canle Alaricus Scientíficus onde publican habitualmente vídeos. Un gran traballo!!! 

O alumnado de 4º ESO realizou maquetas da molécula da vida con lambetadas. Nestes modelos comestibles cada nucleótido inclúe: unha pentosa (desoxirribosa), ácido fosfórico, unha base nitroxenada (adenina, timina, citosina ou guanina). Ademais, teñen en conta a complementariedade de bases: en fronte dunha adenina, vai unha timina, e en fronte dunha citosina, unha guanina. A continuación aparece a dobre hélice realizada por David Rivero Fernández.

O alumnado de 1º ESO quere axudarnos a comprender a depuración de augas residuais cos seus deseños experimentais.

Érika Conde e Miguel Cid compuxeron unha canción sobre as propiedades e a clasificación dos lípidos para axudar ao alumnado de 2º de bacharelato a coñecer estas biomoléculas dun xeito divertido e melodioso. A música é unha ferramenta moi útil para asimilar contidos científicos.

Este curso, por segundo ano consecutivo, o alumnado de 1º ESO descóbrenos os minerais e as rochas utilizados en distintas construcións das comarcas de Allariz e Xunqueira de Ambia. Neste vídeo, Lía Reguenga fálanos do santuario de San Bieito de Allariz.

Pódense ver outros vídeos, premendo aqui.

Alumnado de 4º de ESO realizou maquetas de cromosomas en tres fases do ciclo celular (interfase, metafase e anafase), utlizando un lapis, cable e peches metálicos automáticos. Estes modelos axudan a que comprendamos como se organiza o noso material xenético.

O martes, 8 de xuño, os alumnos e as alumnas de 3º ESO e de 1ºBAC realizaron unha visita guiada ás Illas Cíes, organizada polo Departamento de Bioloxía e Xeoloxía en colaboración coas titoras de 3º ESO. 

Imaxe de Enma Fernández Domínguez (1º ESO A)

O alumnado de 1º ESO está seguindo o ciclo de vida dos vermes de seda nas súas aulas.

Grazas ao profesor Alfredo Juan Conde Mariñas, do Departamento de Lingua e Literatura Castelá. que trouxo tres caixas con vermes de seda e follas de moreira (Morus alba), unha para cada grupo.

Todo na vida é rítmico. No ser humano e nos animais percibímolo na actividade, no soño, nas células sanguíneas, no metabolismo, etc.

O alumnado de 1º de bacharelato asistiu a unha charla moi amena, na biblioteca do instituto, sobre o noso reloxo biolóxico, impartida polo ponente Jesús Manuel Míguez Miramonte, vicedecano da Facultade de Bioloxía da Universidade de Vigo.

Achégate á biblioteca e respira ciencia.