Con motivo da celebración da semana de Maruja Mallo, iniciativa proposta pola deputación provincial de Lugo, os alumnos de 1º de ESO realizaron cómics a partir de cadros da artista e os de 4º de ESO fixeron un mural nas gradas do instituto ca técnica do estarcido. Aquí vos deixamos algunhas fotos da actividade.

 enlace

Podedes acceder á páxina de Mares de Cultura no seguinte enlace para ver a actividade desenvolvida co alumnado de primeiro da ESO en Viveiro e San Cibrao.

enlace

O alumnado de 3º de ESO participante no programa Quérote+ fai LIKE pola diversidade.

O 15 e o 16 de maio son os días non lectivos elixidos polo centro, como o 17 é o Día das Letras Galegas ata o xoves 18 non nos incorporaremos ás clases.

Con motivo da Semana das Artes Plásticas, este xoves 27 de abril acudiron todos os cursos á exposición "Ser visibles" no Centro de Interpretación da Mariña (CENIMA) en Foz. Este ano foi adicado a once mulleres artistas da comarca. 

Fotos

Neste vídeo de mímica  podedes ver @s alum@s de Teatro de primeiro e segundo comunicándose a través da expresión corporal e os xestos. Foron dirixidos pola súa profesora Paz Quiroga.

O pasado mércores 19 de abril os cursos de 2º, 3º e 4º de ESO viaxaron a Ferrol para ver a obra de teatro "La Celestina" e visitar o barrio de Canido onde poideron disfrutar das "Meninas" pintadas nas fachadas das casas. Alí foron guiados polo artista que tivo a iniciativa, explicou que grazas a ela e a aportación de moitos pintores o barrio pasou de non ter servizos a ter un gran peso na cidade. Na actualidade hai máis de 5.000 habitantes en Canido.

Enlace

O último día antes das vacacións de Semana Santa fixéronse varias actividades deportivas:  a carreira "Quilómetros de solidariedade" coa que se recadaron  fondos a favor da ONG "Save the Children", xogos populares e a final de fútbol sala. Podedes ver un resumo dende aquí.

Fotos

O 24 de marzo os alumnos de 3º e 4º visitaron o Museo Regal-Xunqueira de Viveiro. Ademáis de percorrer o museo realizaron varias pezas de cerámica nun obradoiro impartido polo artista Otero Regal.

Parabéns para Pablo Goás Pardiñas de terceiro!

Gañou o primeiro premio de Fotografía do Festival Audiovisual da Mariña Imaxiña 2016 entregado o pasado 14 de marzo en Burela. Pablo presentara para o concurso unha imaxe con outra perspectiva da Torre de Pardo de Cela.

Lucía Carreiras de cuarto foi tamén unha d@s tres finalistas cunha orixinal imaxe do Sol.

Noraboa aos dous!

      A Voz de Galicia