O luns 28 de xaneiro no recreo organizamos unha actividade co gallo do Día Escolar da Paz e Non Violencia. Cociñamos a paz escollendo un ingrediente para elaborar a receita. Aquí temos o resultado, só queda poñela en práctica:

O pasado 21 de decembro xubilouse Aurora Paulina Geada Pena, a nosa profesora de matemáticas nos últimos 21 anos. Queremos agradecerche moito toda a adicación que sempre tiveches ao teu traballo e o gran cariño que nos mostraches a todos.

O seu último día no centro foi moi especial, recibiu o cariño de todos os alumnos e un ramo de flores. Despois celebramos unha comida homenaxe, onde tivo un agasallo sorpresa de un retrato dela con fotos de todos os alumnos que pasaron polo centro.

Esperamos que recordes a túa etapa aquí con moita alegría e nos visites moi a miúdo. Desexámosche todo o mellor para este novo período no que seguro vas ser moi feliz!

Fotos

No mes de decembro fixéronse dúas actividades xeolóxicas dirixidas pola profesora Elena Muinelo. O alumnado de 4º de ESO realizou unha ruta na Cova do Rei Cintolo no concello de Mondoñedo e o de 1º visitou a costa do concello de Burela.

Máis imaxes

Máis momentos

O xoves 20 de decembro desprazámonos á cidade da Coruña para facer sendas actividades: visita á fábrica de Patacas Bonilla, patinaxe sobre xeo na pista de Marineda e obradoiro na Fundación Barrié. Foi un día cheo de emocións co que puidemos despedir este ano 2018. 

Felices Festas para todos e vémonos o 8 de xaneiro! Disfrutade!

Fotos

Na mañá do luns 3 de decembro entregáronse os premios do IX Certame OUFF Escola  do Film Festival de Ourense. Quere ser a semente dos futuros cineastas galegos e tivo unha participación de 102 traballos. O noso centro desprazouse ata a cidade das Burgas e recibiu o Primeiro Premio pola curtametraxe O Preguiceiro, protagonizada polos alumnos de Teatro e dirixida pola súa profesora Paz Quiroga.

De novo estamos de noraboa polas andaduras artísticas do noso alumnado. Moitísimos parabéns para todos eles!

Máis imaxes

Este venres 2 de novembro non haberá clases no centro xa que foi elixido como non lectivo neste curso. Voltaremos o luns 5 de novembro.

A reunión dos pais/nais/titores legais cos titores/as de cada curso celebrarase este mércores 24 de outubro ás 16.00 h. Esperamos a súa asistencia.

A presentación do novo curso será o vindeiro luns 17 de setembro, de 12 h a 13.15h (con autobús escolar). As clases comezarán o martes en horario normal, de 8.35 a 14.35 h.

Neste curso despedímonos de Armelle Sobrino Heyvaert, a nosa profe de francés durante once anos e a nosa xefa de estudos nos últimos oito.

Como profesional foi unha excelente profesora e, estando ao frente do centro, traballou a reo a favor de todos os rapaces e rapazas que pasaron por aquí coa sensibilidade que cada ocasión merecía. Todos a imos recordar moito pola súa amabilidade e o seu sorriso.

Queremos desexarche moita sorte nesta nova etapa e esperamos verte moito por aquí! Moitas grazas por todo.