O pasado venres, 5 de novembro, o alumno Mateo Pérez Soto (2º BAC A) recibiu de mans da súa titora, Ana Salanguera Busto, un agasallo do IES Agra de Raíces en recoñecemento á súa extraordinaria intervención no seminario internacional "Leer. Iberoamérica Lee", que se celebrou os días 21 e 22 de setembro en Madrid.

Mateo participou no coloquio, xunto con outros/as compañeiros/as de distintos países, en calidade de representante dos clubs de lectura de España, poñendo de manifesto a súa opinión e experiencia sobre as lecturas e os lectores que o movemento emerxente dos círculos de lectura está a promover.

O IES Agra de Raíces desexa expresar os seus máis sinceros parabéns a Mateo pola brillantez e a madurez coas que participou nun evento destas dimensións, así como o seu agradecemento por representar o labor do noso centro no tocante á iniciativa literaria impulsada polo club de lectura “Libro coma area!"

Grazas, Mateo!

Helena López, antiga alumna do IES Agra de Raíces, acaba de converterse na primeira muller hacker que ocupa este posto na súa empresa. O seu traballo consiste en detectar brechas de seguridade en distintas webs e plataformas dixitais. Helena compatibiliza, na actualidade, os seus estudos de Enxeñaría Informática co desempeño desta actividade profesional con grande éxito. Podedes acceder á seguinte ligazón para ler o artigo completo de La Voz de Galicia, adicado ás novas xeracións de mulleres galegas que conforman a élite científica: https://www.lavozdegalicia.es/noticia/yes/2021/10/16/unica-carrera-quiso-hacker/0003_202110SY16P2991.htm

Parabéns, Helena!

O martes, 2 de novembro, comezarán de maneira presencial as clases correspondentes aos niveis A2 e B2 do programa That´s English no IES Agra de Raíces. 

As sesións relativas ao A2 celebraranse os mércores e venres, de 09.20h a 10.10h., e as do B2 terán lugar os martes, de 10.25h a 12.05h.

A alumna Andrea Castreje Canosa foi a campioa da especialidade de Coidades Auxiliares de Enfermaría e Atención Sociosanitaria no certame GaliciaSkills 2021, celebrado o pasado venres no IES Lamas de Abade de Santiago de Compostela. 

Este galardón permitirá que a alumna represente á Comunidade Autónoma de Galicia na olimpíada SpainSkills, que terá lugar proximamente. 

Desde o IES Agra de Raíces, queremos transmitir os nosos parabéns tanto á alumna, como as profesoras Eva Trasmonte Castiñeira e Estela Gómez Canabal.

O alumno do IES Agra de Raíces Mateo Pérez Soto (2º BAC A), acompañado pola profesora Mercedes Teijeiro, foi seleccionado para participar no seminario "Leer. Iberoamérica Lee", que se celebrou os días 21 e 22 de setembro en Madrid. Trátase dun encontro entre profesionais da xestión lectora e da escritura que permitiu a reflexión sobre a lectura crítica, ademais de crear un laboratorio cooperativo de ideas no marco da Feira do Libro de Madrid. A pregunta que serviu de punto de inflexión para o desenvolvemento deste evento foi a seguinte: "Existen lectores á marxe?" Arredor desta inquietude, organizáronse as distintas intervencións que tiveron lugar neste congreso: a invisibilidade do outro, as voces da literatura, a lectura na sociedade superpoboada, poéticas e oralidades, outros espazos de lectura, os movementos a prol da lectura, a literatura como porta para a construción de identidades, ou os distintos lectores e lecturas. 

Neste último bloque participou o noso alumno Mateo Pérez Soto. Xunto con outros/as compañeiros/as de Uruguay e México, Mateo, como representante dos clubs de lectura de España, trasladou os seus coñecementos, a súa opinión e a súa experiencia sobre as lecturas e os lectores que o movemento emerxente dos círculos de lectura está a promover. Non vos perdades a magnífica intervención de Mateo no seguinte vídeo:

Podedes acceder á información completa sobre as distintas actividades do seminario na súa páxina web: https://leeriberoamericalee.com/