Skip to Content

Normalización Lingüística

Celebramos o Día das Letras Galegas bailando.

O pasado xoves, a rapazada e profesorado do IES A Basella celebramos o noso día do xeito máis acaído posible: con música de gaita, tambor e pandeireta ademais de baile. Agradecemos ó profesorado e alumnado participante a súa colaboración e moi especialmente a Lidia Barreiro, responsable do Departamento de Dinamización Lingüística e a Xoan Carlos Gantes, profesor de E. Física todo o traballo previo a esta celebración.

 

Visita de 1º de ESO ao museo de Pontevedra

O xoves 19 de decembro os grupos de 1° de ESO do IES a Basella de Vilanova de Arousa visitaron o Museo de Pontevedra, acompañados das profesoras de Educación Plástica e Xeografía e historia, alí dirixidos por dos guías do museo fixeron un percorrido polas salas dedicadas á prehistoria e historia antigua de Galicia co material didáctico proporcionado polo propio museo. Partindo de vestixios datados no Paleolítico inferior, os rapaces e rapazas foron descubrindo os cambios que tiveron lugar ao longo da prehistoria galega ata chegar ao proceso de romanización. A visita foi todo un éxito, foi unha actividade didáctica e ao mesmo tempo lúdica,  ao ser eles os protagonistas no proceso de descubrimento e facer unha posta en común onde participaron activamente.

 

 

Nova sección de vídeo na revista A Batea. Entrevista a Pancho Novoa.

Desde este curso, a revista escolar do noso centro, A Batea, ten unha nova sección de entrevistas gravadas en vídeo. Estreámola co Presidente da Asociación Astronómica das Rías Baixas, Pancho Novoa, que veu dar unha charla sobre a orixe do Sistema Solar. A nosa reporteiras, Carmen e Aitana, aproveitaron para facerlle unha entrevista.

Premede na imaxe para ir á canle de vídeo da Batea.

 

#novembromesdaciencia

Xa está aquí o número 17 da Batea

Desde hoxe podes ter nas túas mans o número 17 da revista "A Batea". A que esperas?

 Tamén a podes consultar na web nesta ligazón

Xogando coa Ciencia

Co gallo da celebración do día da Ciencia en Galego, o alumnado de primeiro da ESO competiu en Kahoot sobre os seus coñecementos de Ciencia. Parabéns aos gañadores.

Se premedes na seguinte foto poderedes ver todo o álbum

 

A Batea 2018

 Xa temos o número 15 da Batea. Botádelle unha ollada, encontraredes moitas cousas interesantes...

Actividades día das Letras Galegas

As actividades relacionadas co día das Letras Galegas non paran de sucederse no noso centro, tras a exitosa campaña nas redes sociais, este mércores os máis pequenos correron pola lingua. Se pulsades nas imaxes poderedes ver o álbum de fotos no noso blogue  basellafala e os  tuits da campaña en  twitter

Ah! Non esquezades pasar polo noso blogue  bibliobasella se queredes máis detalles:

 

#eucorropolalingua

 

#euleoengalego

 

Que sabes das mulleres STEM?

Animámosvos a participar no noso "Pasapalabra" programado en Scratch, a ver cantas preguntas acertas sobre as mulleres que tiveron un papel relevante en disciplinas STEM. Antes, buscade todas as respostas no corredor que conduce ata a aula de Tecnoloxía na exposición sobre mulleres STEM (Science Technology Engeneering Mathematics) feita polos alumnos de 4º ESO TIC e traducida ao inglés polos alumnos de 1º de Bacharelato.
 
 
Temos unha pequena axuda no instituo, pasa pola exposición de mulleres STEM feita polos alumnos de TIC de 4º de ESO e traducida ao inglés polos alumnos de 1º de Bacharelato...

  Ou se o prefires consulta as fichas das mulleres STEM, están dispoñibles en galego e en inglés. Preme aquí

 

 

Revista A Batea

Este foi un curso produtivo, despois do traballo, moitas suores e algúns nervios, conseguimos sacar o número 13 da batea. Botádelle unha ollada  

Acto de entrega de premios do XXII Certame de Adhesivos + Discurshow MatematicaMENTE

Parabéns ás dúas alumnas de 2º de Bacharelato do noso centro (Noelia Feijoo e Ruth Vidal), premiadas no XXII Certame de Adhesivos que convoca a Coordinadora de Equipos de Dinamización Lingüística da Comarca do Salnés da que formamos parte.

Celebraremos o vindeiro 7 de Abril o acto de entrega de premios deste certame no noso centro e contaremos coa actuación do Discurshow e o espectáculo MatematicaMENTE.

Estades todos/as convidados/as á celebración.

 

Distribuir contido


by Dr. Radut