Visita a FINSA dos alumnos de Economía
O día 13 de decembro os alumnos de economía de 4º da ESO e de 2º de Bacharelato, xunto con dúas profesoras, realizaron unha visita ás instalacións de FINSA en Padrón, facendo un percorrido pola fábrica con explicacións detalladas das distintas fases do proceso productivo, comercial e loxístico da mesma. Nesta visita tamén tivemos unha interesante charla na que puidemos coñecer mais esta multinacional galega, desde a súa orixe ata o proceso de crecemento continuo que fai que na actualidade estea presente en 83 países. Ao longo da charla explicaron as características dos perfis profesionais, en canto á formación e tamén a habilidades transversais, que demandan para os seus traballadores. Con esta visita búscase orientar ao alumnado na realidade laboral a que van a ter acceso nos vindeiros anos.
