Na seguinte infografía tedes videotutoriais que vos axudarán a utilizar os recursos TICs dispoñibles para comunicarvos e seguir a aprendizaxe dos vosos fillos.
Os relacionados coa aprendizaxe (aulas virtuais, EVA edixgal,...) introducímolos en 1º e 2º de ESO ao comezar o curso e están sempre dispoñibles por se os alumnos teñen algunha dúbida
En resumo, os recursos máis importantes son:
- Abalar móbil: Comunicación co profesorado e seguimento académico (faltas e notas) dos seus fillos
Guia de uso Abalar móbil (pdf)
Para utilizar esta aplicación só é necesario dispor dun teléfono móbil con conexión de datos e descargar a app. A aplicación está dispoñible para os sistemas operativos Android, desde a Play Store e para os IOS, a través da Apple Store.
As familias poiden consultar de xeito moi sinxelo desde o seu dispositivo móbil:
- Os datos persoais dos seus fillos
- As cualificacións
- As faltas de asistencia
- As faltas de conduta
- Os datos do centro educativo
- Os avisos ou notificacións
- As incidencias
- Modificar o idioma da aplicación
- Espazo Abalar: Comunicación co profesorado e seguimento académico (faltas e notas) dos seus fillos
As familias, as persoas responsables ou titoras do/da alumno/a tamén poden acceder ao Portal Abalar por medio do DNI electrónico ou do Certificado Dixital da Fábrica Nacional de Moeda e Timbre. Poden consultar estes datos sobre o/a seu/súa fillo/a :
- As cualificacións por avaliación do curso actual
- As faltas de asistencia do curso actual
- As faltas de conducta do curso actual
- Os datos de contacto que figuran na Consellería e modificalos se non son correctos.
- O historial de escolarización.
- Os servizos complementarios que usa (comedor, transporte escolar)
- O calendario académico do seu centro de ensino.
- As citas de titoría individuais , modificalas ou concertar unha nova cita.
- As notificacións de titoría sobre posibles incidencias.
- As notificacións de titoría dirixidas ao grupo.
- Video titorial: como obter e utilizar o DNI electrónico
- Video titorial: como obter e utilizar o Certificado Dixital
- Proxecto edixgal: equipamiento do alumnado
Desde o curso 2018/19 o noso centro está dentro do proxecto E-Dixgal. Profesorado e alumnado de 1º e 2º de ESO desenvolven a súa actividade educativa diaria nun entorno virtual de aprendizaxe que permite acceder a contidos dixitais.
Todo o alumnado participante (1º e 2º de ESO) dispón dun PC Portátil HP ProBook x360 11 G1 EE ou Lenovo ThinkPad Yoga 11e 5Th G (ambos modelos co mesmo sistema operativo, as mesmas aplicacións, e características e prestacións similares), que pode ser utilizado tanto en modo portátil como en modo tableta.
Estes equipos poden ser empregados como portátil ou como tableta, son táctiles e traen integradas un amplo conxunto de aplicacións educativas agrupadas por categorías como imaxes en 3D de planetas, táboa periódica ou editor de moléculas para ciencias; dicionarios para as materias de lingua; apps de experimentos e circuitos eléctricos para física ou de operacións e gráficas para matemáticas, entre outras. Dende o equipo pódese acceder ao entorno virtual de aprendizaxe (EVA), tanto en modo conectado (on-line), como en modo sen conexión (a través do cliente off-line instalado no equipo).
