blogue deadmin

A BiblioEPA, invítanos a ler e a escoitar a unha muller excepcional: Laura Novelle. En dúas sesións o día 7 de marzo, pola mañá ás 11 no noso centro EPAPU de Ourense e pola tarde ás 17:00 no Salón de Actos do Proxecto Home. Licenciada en Historia e cun posgrao en Xestión documental pola Universidade Jaume I, investigadora, docente nos diversos campus da Universidade de Vigo, bibliotecaria, escritora...Nin a súa diversidade funcional nin a súa condición de muller foron un obstáculo para conseguir as súas metas. Podes saber máis dela lendo o seu blog "Docendo Discitur" e por suposto acudindo a escoitala. 

O EDL da EPAPU de Ourense ven de organizar dúas actividades para lembrar algo que hoxe parece olvidado: o amor, a paz e a amizade son os valores que temos que defender, a cidadanía ten nas súas mans defender no día a día a Paz que queremos para o mundo no noso entorno más próximo, coa familia, cos amigos e tamén cos inimigos. A paz é unha construción social, argallémola xuntos.

TRANSLINGUANDO OS VERSOS DE ROSALÍA

Neste curso en colaboración co Equipo de Dinamización da Lingua Galega e todos os Departamentos da EPAPU de Ourense quixemos destacar a forza inclusiva e formadora que teñen de seu as aulas do noso centro. Nelas alumnado de todas as idades, formación e nacionalidade comparten espazos de creatividade dos que xorden iniciativas coma esta que vos presentamos co gallo da celebración do día de Rosalía. Temos alumnado francés, mongol, paquistaní, indi, norteamericano, brasileiro, chino, senegalés, alxeriano, marroquí, suramericanos, afgano... Falamos en todas as linguas e en todas elas "translenguamos" á nosa poeta máis destacada. A partir de hoxe e durante 15 días iremos subindo ao BLOG DE DONAS DE SI os audios co poema "Adios ríos, adios fontes" lidos polo alumnado da EPAPU de Ourense na súa lingua materna, acompañaremos cada un deles cun cartel no que se poderá ler, observar a súa letra e escoitar a través dun QR como soa. Grazas a todos e todas pola vosa colaboración.

Co gallo da celebración o once de febreiro do Día Internacional da Muller e a Nena na Ciencia, na Escola traballáronse contidos relacionados coa ciencia e as nosas científicas. María, no blog Donas de Si, recopilou diferentes actividades que vos amosamos a continuación, cos enlaces ás respectivas entradas:

Proposta do Departamento de Inglés. O EDL proponnos escoitar a experiencia de Neves Seoane, física atmosférica galega, directora do CIAR en Lugo. Caderno didáctico de @alegriaeducativa que podedes descargar en galego e castelán, proposta de Sandra. Produccións do alumnado de español para estranxeiros da quenda de tarde