Información xeral

ADIVIÑA QUEN VEN CEAR

Anímaste a participar na actividade do departamento de inglés para o Día do Libro?

Estamos a preparar unha cea imaxinaria con 5 protagonistas de libros escritos en inglés.

Cada día desta semana do lado das escaleiras da escola haberá unha mesa con pistas sobre os/as nosos/as convidados/as.

Bota unha ollada! Sabes en quen estamos a pensar?

Cubre unha invitación, métea na urna e poderás gañar unha copia destes coñecidos libros.

Xusto hoxe a nova sala da Escola, o Obradoiro da Biblioteca, transformouse neste colorido e ameno espazo de colaboración.

Sabedes onde está? Buscádeo ao final do corredor sur!

O Obradoiro da Biblioteca é a sala que, alén das restricións pola situación sociosanitaria que imperan neste momento, servirá para ter un espazo aberto ao alumnado, e á comunidade educativa en xeral, de cara á interacción e á colaboración. 

Nos vindeiros días veredes que a colocación das mesas tal e como aparece na foto de presentación mudará para adecuarse ao protocolo covid do centro.

Seguimos coa mellora dos espazos!

E para ver que outras novidades nos depara a mellora da biblioteca, animámosvos a ler o noso Plambe (Plan de Mellora das Bibliotecas Escolares) 'Linguas nas Ondas'

Il 2021 è l'anno del settecentenario della morte di Dante Alighieri, avvenuta a Ravenna, suo luogo d’esilio, nella notte tra il 13 e il 14 settembre del 1321.

In tutta Italia, ci sarà un fittissimo calendario di eventi, mostre e spettacoli per ricordarlo.Anche noi daremo il nostro contributo con un corcorso creativo. Potete partecipare inviando: una foto, poster, video, canzone, poesia,….. dedicato al Sommo Poeta.

1º premio: il più votato- 75€

2º premio: il secondo più votato- 50€

Leggere le istruzioni per partecipare: qui (lede as bases para máis información)

Partecipate!!!

A radio da biblioteca xa ten nome!

Radio Maré

Escoitade o audio para ver a descrición e concepción do nome, enmarcado no noso proxecto Plambe 'Linguas nas Ondas' e na idea de teren unha radio nas ondas. Mil grazas a todas e todos os que participastes coas vosas achegas a esta radio do centro.

Pouco a pouco seguimos creando escola!

Estamos de noraboa!

A EOI de Vilagarcía acaba de recibir o selo de centro eTwinning.

Aquí podedes consultar a listaxe de centros recoñecidos nesta edición 2021-2022.

Agardamos que este recoñecemento anime á nosa comunidade docente a seguir innovando nas aulas. 

Como sabedes, eTwinning é unha rede de centros escolares de Europa, e ofrece ós equipos educativos a posibilidade de comunicarse, cooperar, desenvolver proxectos e traballar de maneira colaborativa, á vez que fomenta o sentirse parte da comunidade europea. eTwinning é un proxecto cofinanciado por Erasmus+, o programa europeo para a educación, formación, xuventude e deporte.

Podedes ver no apartado de Internacionalización da nosa web o que o noso centro leva feito con eTwinning nos pasados cursos.

Hoxe damos un pasiño máis.

Seguimos avanzando cara a internacionalización da nosa Escola.

Grazas a tódalas persoas que o fan posible.