Información xeral

O 17 de outubro de 2024 celebramos o 1º Día Internacional do Patrimonio Cultural Inmaterial e fomos convidados pola asociación Ponte nas Ondas para conmemoralo.

Envía as túas gravacións a: tupper@eoivga.org

Escoita o episodio en Radio Maré: 1º Día internacional do Patrimonio Cultural Inmaterial - Radio Maré - Podcast en iVoox

Música: Foliada de Vilaxoán, Atlántica Vapora Orquestra

O Misterio da illa de Cortegada de Manuel Losada é a obra elexida para o Club de Lectura organizado polo Equipo de Dinamización da Lingua Galega (EDLG). A primeira sesión é a presentación do libro o martes 29 de outubro no obradoiro da biblioteca. Inscríbete co código QR abaixo ou premendo aquí.

De conformidade co establecido na RESOLUCIÓN do 10 de setembro de 2024, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos (DOG 18 de setembro de 2024) realizarase próximamente neste centro a renovación do CONSELLO ESCOLAR que é o instrumento de participación na vida escolar de todos os sectores educativos da EOI de Vilagarcía.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:
- A directora do centro.
- Un profesor ou profesora.
- Un alumno ou unha alumna.
- Un pai ou nai ou titor legal.
- Un representante do persoal de administración e servizos
 
Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase na secretaría deste centro o próximo martes, día 22 de outubro de 2024, ás 13.30 horas.

Aqueles membros da comunidade educativa que desexen presentar as súa candidatura para formar parte do novo Consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.

A Resolución do 10 de setembro de 2024, da Dirección Xeral de Ordenación e Innovación Educativa, establece o calendario para a realización de elección de membros dos consellos escolares de centros docentes sostidos con fondos públicos.

O martes 15 de outubro publicarase no taboleiro de anuncios da EOI e na páxina web do centro a data e hora na que se realizará o sorteo público para a designación dos membros da Xunta Electoral.

A Xunta Electoral, regulada no artigo 30 do Decreto 92/1988, do 28 de abril, constituirase entre os días 22 e 28 de outubro, ambos os dous incluídos.

As eleccións dos representantes dos distintos sectores da comunidade educativa no Consello Escolar realizaranse entre os días 18 e 22 de novembros de 2024, ambos os dous incluídos. A data exacta fixaraa a Xunta Electoral.

Coma todos os anos festexamos o Oktoberfest. Ven a pasar un bo rato e gozar das especialidades culinarias que preparamos dende o departamento de alemán. 

La XXIV edizione della Settimana della Lingua Italiana nel Mondo si terrà dal 14 al 20 ottobre 2024