|
|
|
|
|
Actividades 2021-22 - 2º cuadrimestre
|
ACTIVIDADES DO 2º CUADRIMESTRE |
|
L I T E R A T U R A |
Día de Rosalía: "Miña casiña, meu lar" e caldo de gloria |
|
|
|
CANDO: mércores 23 de febreiro ás 11.00, ás 13.00 e ás 17.30 ONDE: na cafetaría da EOI CANTO: de balde QUEN: o Departamento de Galego e o Equipo de Normalización Lingüística (segundo o proxecto da Fundación Rosalía de Castro) convida a todo o alumnado da escola. QUE: anímate a participar: falaremos de Rosalía, leremos algún poema (especialmente "Miña casiña, meu lar") e paparemos unha boa cunca de caldo. MÁIS INFORMACIÓN: ver
|
|
|
S
A
Í
D
A
S
C
U
L
T
U
R
A
I
S |
Teatro: As fillas bravas e o mito de Casandra de Chévere |
|
|
|
CANDO: venres, 11 de marzo, ás 20.30 ONDE: no Fórum Metropolitano CANTO: 5 euros (colabora o Dep. de Galego) QUE: esta comedia coloca o foco en tres mulleres de aldea "pandeireteiras", referentes positivos e próximos de personaxes de mulleres afirmativas, autónomas, creativas e implicadas na colectividade. E ao mesmo tempo ofrece unha visión divertida, directa e sen prexuízos do impacto do cambio climático na nosa sociedade e nas nosas vidas. MÁIS INFORMACIÓN: ver crítica1 crítica2
|
|
|
Pintura: Colmeiro. Cor e sentimento |
||
|
CANDO: xoves, 7 de abril ás 11.30 ONDE: na Fundación Luís Seoane (exposición comisariada pola artista Mónica Alonso) CANTO: visita guiada de balde QUE: esta exposición analiza a importancia da cor na obra do pintor galego a través de case cen pezas, a maioría óleos, correspondentes a seis décadas de creación artística. Para Manuel Colmeiro, a linguaxe elemental da pintura é a cor, non a forma. Esta formulación, xunto cunha serie de temas recorrentes, son as ferramentas que o artista utiliza para representar a Galicia, protagonista absoluta da súa obra. A exposición establece un percorrido a través dos seus azuis e verdes, básicos na súa pintura; dos amarelos e laranxas que emprega para a luz, para iluminar a roupa e para expresar emocións como a ledicia; dos vermellos, utilizados como contraste; dos marróns da terra, que atenúan a dureza dos grises e negros do rigor da existencia e do horror da guerra... Alén da cor, a exposición transcorre a través de diferentes seccións que se deteñen nos motivos máis frecuentes na obra do pintor, como o bodegón, as maternidades ou as paisaxes; e noutras cuestións de especial interese, como a melancolía e a tristura que percorren o seu traballo ou a simbiose entre espazo interior e exterior. MÁIS INFORMACIÓN: ver
|
||
|
S
A
Í
D
A
S
C
U
L
T
U
R
A
I
S |
Cine: Malencolía de Alfonso Zarauza |
|
|
|
CANDO: mércores, 6 de abril, ás 20.30 ONDE: nos Cantones Cine CANTO: 5 euros QUE: Sira e Pepe son unha parella que fartos da vida en precario e do frenesí da cidade de Berlin, deciden volver a Galicia tras moitos anos emigrados na Alemaña. Atopan por Internet unha casiña na aldea abandonada de Lupián, provincia de Ourense, e deciden deixalo todo para iniciar unha nova vida alí. Chegados á aldea descobren con sorpresa que a única casa con vida está habitada por unha peculiar señora chamada Isolina. |
|
|
MÁIS INFORMACIÓN: tráiler noticia 1 noticia 2 noticia 3 |
||
|
Festival de narración oral Falando a Boca Chea: Quico Cadaval |
||
|
CANDO: xoves, 28 de abril ás 20.30 ONDE: no Forum Metropolitano CANTO: 5 euros (entrada anticipada) QUE: Quico Cadaval é unha vella gloria da arte de contar contos neste país. Partindo dunhas historias escoitadas na infancia e unha vocación de ocupar o espazo teatral, participou nos anos noventa do século pasado da variedade de contadores de historias, contacontos, lingoreteiros. A arte de contar historias pasou dos campos aos bares e das universidades ao teatro. A arte da palabra é variable e volátil, escoitar historias é un poderoso detonador da imaxinación que se volve imprevisible do que pode suceder nun atardecer de contos. Quico pode prometer dedicar a velada aos contos tradicionais da biblioteca analfabeta e acabar por falar de acontecimentos luctuosos da família real española. É suficiente con seguir polos carreiros que se bifurcan constantemente polo bosque do relato. MÁIS INFORMACIÓN: vídeo 1 vídeo 2 video 3
|
||
|
F O L C L O R E |
Xornada especial de baile e música galega |
|
|
|
CANDO: dúas quendas -> MAÑÁ: xoves, 21 de abril de 10.30-13.30 TARDE: luns, 25 de abril de 17.30-20.30 ONDE: no patio ou no recibidor da EOI CANTO: de balde QUEN: o profesor Ismael Carcedo. Convida o Departamento de Galego en colaboración co ENL da EOI. QUE: tres horas de música, baile e palabras. Anímate a participar: aprenderás a darlle un xeito ao baile e á pandeireta e, a maiores, coñecerás o imprescindible sobre o noso folclore. Xusto o preciso para triunfares no próximo serán. E veña baile e veña foliada! FOTOS: foto 1 foto 2 foto 3 foto 4
|
|
Xunta de Galicia - Consellería de Cultura, Educación e Universidade - Aviso legal | ||
 |
    |
 |
 |
 |
 |