BENVIDOS Á NOSA BIBLIO!
Como sabedes, levamos tempo traballando na creación dunha biblioteca moderna e aberta a todos os membros da comunidade educativa. Este proceso leva tempo e aínda non está rematado, pero pensamos que xa temos o suficiente para que poidades desfrutar dela.
A partir deste momento as familias poderedes vir cos nenos polas tardes para beneficiarvos do préstamo, aínda que seguimos en proceso de transformación.
O horario de atención será o seguinte:
Martes: 15:30-16:30
Mércores: 16:15-17:30
Hoxe mandarémosvos os carnés que necesitaredes para poder levar libros para a casa.
Agardamos que este sexa un espazo vivo e dinámico ao servizo da comunidade, e para iso é necesaria a colaboración de todos coa participación nas actividades propostas e co coidado dos libros e demais materiais da biblioteca.
Estade atentos ao blogue da Biblio ao que podedes acceder a través da seguinte ligazón https://www.edu.xunta.gal/centros/eeioareal/blogdabiblioteca ou clicando na imaxe do lateral esquerdo. Iremos publicando todas as novidades relacionadas coa biblioteca así como información interesante.