PROCEDEMENTO DE ADMISIÓN DE ALUMNADO PARA O CURSO 2015 /2016.
TENDO REMATADO O PRAZO DE PRESENTACIÓN DE SOLICITUDES DE ADMISIÓN PARA O CURSO 2015 / 2016, NON SUPERANDO AS DEMANDAS O NÚMERO DE PRAZAS OFERTADAS, NON SERÁ PRECISO BAREMAR.
PASAR POLA SECRETARÍA DO CENTRO PARA RECOLLER IMPRESOS DE MATRÍCULA.
Prazo de presentación da solicitude de admisión
O prazo de presentación das solicitudes de admisión será do 2 ao 23 de marzo, ambos os dous inclusive.
Documentación
1. A SOLICITUDE: será única e terá carácter vinculante.
O impreso será facilitado gratuitamente nos correspondentes centros docentes e poderá descargarse da páxina web da consellería.
Irá dirixida á dirección dos centros públicos e presentarase no centro indicado en primeiro lugar.
Cada solicitude poderá conter unha relación de ata seis centros, por orde de preferencia.
A solicitude terá que estar asinada por calquera dos/titulares da patria potestade ou representantes legais. No caso de separación ou divorcio será necesaria a firma de ambos os dous progenitores, agás que a patria potestade estea atribuída, con carácter exclusivo, a un deles
2. A solicitude de admisión deberá ir acompañada da documentación acreditativa do requisito de idade: LIBRO DE FAMILIA/DNI.
3. No caso de separación ou divorcio será necesario presentar, xunto coa solicitude de admisión, a RESOLUCIÓN XUDICIAL correspondente para a súa comprobación polo centro educativo.
4. No caso de que a demanda de solicitudes sexa maior ca as vacantes ofertadas, haberá que
presentar a DOCUMENTACIÓN ACREDITATIVA DOS CRITERIOS DE BAREMO (10 días hábiles contados a partires dos 2 días seguintes ao remate do prazo para presentar as solicitudes de admisión):
-Irmáns no centro - Renda da unidade familiar -Familia numerosa
-Traballar no centro - Discapacidade -Familia monoparental
-Proximidade do domicilio familiar ao centro / Proximidade do lugar de traballo ao centro
Calendario do procedemento de admisión e
matrícula
Os prazos previstos na Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, para a tramitación dos procedementos de admisión e de matrícula do alumnado son os que se indican a continuación:
1. Reserva de praza no centro de orixe: 1-15 de febreiro.
2. Data do sorteo público a efectos de desempate: última semana de febreiro e, en todo caso, antes do 1 de marzo.
3. Publicación de postos escolares vacantes: antes do 1 de marzo.
4. Presentación da solicitude de admisión: 2-23 de marzo.
5. Presentación da documentación acreditativa dos criterios de baremo: 10 días hábiles contados a partires dos 2 días seguintes ao remate do prazo para presentar as solicitudes de admisión. Do 25 de marzo ao 7 de abril.
6. Publicación das listaxes provisionais de persoas admitidas e non admitidas: antes do 25 de abril.
7. Publicación das listaxes definitivas de persoas admitidas e non admitidas: antes do 15 de maio.
8. Formalización da matrícula en educación infantil e primaria: 20-30 de xuño.
9. Formalización da matrícula en ESO e bacharelato: 25 de xuño-10 de xullo.
10. Prazo extraordinario de formalización de matrícula en ESO e bacharelato: 1-10 de setembro.
Servizos ofertados
A EEI O Areal conta con tres aulas de Educación Infantil:
4º de E. I. – nenos/as de 3 anos
5º de E. I. – nenos/as de 4 anos
6º de E. I. – nenos/as de 5 anos
a cargo de 4 mestras especialistas en Educación Infantil, unha mestra especialista en Lingua Inglesa e unha mestra especialista en Audición e Linguaxe. Ademáis, desde o CEIP de Belesar ven una mestra de relixión católica, 3 horas á semana, e desde o CEP de Sabarís, centro ao que está adscrito a nosa escola, ven una orientadora, un día á semana.
A zona de influencia da EEI O Areal é a parroquia de Santa Cristina da Ramallosa, en Baiona, ata a curva do manco.
A EEI O Areal comparte o transporte escolar co CEP de Sabarís. Así mesmo, os alumnos/as que necesitan comedor, poden facer uso do comedor xestionado pola ANPA do CEP de Sabarís.
As vacantes existentes no centro, para o curso 2015/2016 son as seguintes:
4º de Educación Infantil (3 anos): 22, máis 3 reservadas para alumnado con neae.
5º de Educación Infantil (4 anos): 12
6º de Educación Infantil (5 anos): 9