(Se facedes click na imaxe podedes acceder á visualización do vídeo).
O principal obxectivo da EEI O Areal é que o alumnado avance no seu desenvolvemento nun entorno seguro, lúdico e motivador.
Traballamos por proxectos que elabora o equipo docente a partir dos intereses amosados polo alumnado.
Tamén celebramos as festas tradicionais e as conmemoracións marcadas pola Consellería de Educación (Día da prensa, Letras galegas...).
As mestras dos tres niveis coordínanse e programan actividades nas que participan as nenas e nenos das tres clases, cada quen ao seu nivel evolutivo.
A mestra de inglés imparte tres sesións semanais e contamos cunha auxiliar de conversa dous días á semana, por participar no programa Plurinfantil da Consellería de Educación.
A mestra de audición e linguaxe imparte un obradoiro de linguaxe oral en cada nivel, co fin de potenciar o desenvolvemento da linguaxe e detectar de forma temperá calquera posible dificultade.
Tamén a orientadora, na xornada e media que está no centro, ten un papel moi importante na atención a aquel alumnado que presenta necesidade de apoio individualizado, de xeito temporal ou permanente.
Comezamos a mañá coa realización da Asamblea no encerado dixital interactivo. Nela traballamos desde a responsabilidade e o saúdo ata a organización das tarefas do día, conceptos temporais, matemáticos, lecto-escritura ou educación emocional. E moi importante este momento concreto para falar e intercambiar vivencias e experiencias.
A continuación, iniciamos o tempo de traballo no proxecto, simultaneamente ou non cos recunchos. Estes empregámolos de xeito libre e por propostas.
Posteriormente adicamos un tempo ao aseo e á merenda, antes de ir ao recreo.
O patio de recreo, de área é amplo e conta con moitos elementos de xogo axeitados á idade dos nenos/as. Seguidamente ao recreo, desenvólvense os obradoiros: inglés, linguaxe, horto, psicomotricidade...
Desde hai anos, participamos no Programa Voz natura, ca posta en marcha do horto ecolóxico/invernadoiro, implicándonos tamén no compós e coidado do entorno.
Desde o curso pasado, levamos á práctica o Plan de Mellora de Bibliotecas Escolares, o que permitiu dar máis importancia aínda á biblioteca e ao seu gardián, o Dragón Tontón, mascota da Escola que desde hai moitos anos, deixábanos os seus contos, punto de partida e mediadores de moitas aprendizaxes.
No presente curso, estamos somerxéndonos nas Bibliotecas creativas, coa implantación dun recuncho maker (con tablets, Escornabots).
Gústanos que as familias colaboren coa escola, implicándose nas actividades de ensino/aprendizaxe, e ofertamos unha serie de obradoiros de participación voluntaria.
