EEI O Areal

A XUNTA ELECTORAL do proceso de renovación dos representantes no Consello Escolar da EEI O AREAL, de Sabarís – Baiona, establece como prazo de admisión de candidatos/as do Concello e da ANPA, os próximos dez (10) días, do 3 ao 12 de novembro, ambos inclusive.

O 12 de novembro será o último día para enviar ao centro a Candidatura do Concello e do membro da ANPA.

Hoxe fixemos unha poción máxica contra o medo. Estaba deliciosa. O ingrediente principal era a froita. Aprendemos a comer saudable á vez que nos divertimos. Próximamente todas as fotos na aula virtual.

Hoxe, 26 de outubro de 2021, comeza o proceso de eleccións dos consellos escolares 2021. Durante este proceso, irase colgando toda a información relativa á celebración de elección do novo CE na páxina web da Escola. Ademais daranse avisos mediante a APP Abalar móbil para recordar o calendario do proceso.

A continuación se publica a normativa reguladora dos consellos escolares e circulares aclaratorias por se tedes algunha dúbida.

• Decreto 92/1988, do 28 de abril, polo que se regulan os órganos do goberno dos centros públicos de ensino non universitario. (DOG, 29/04/88). Corrección de erros, DOG, 03/05; 24/05, e 15/06/88). Modificado polo Decreto 279/1990, do 27 de abril (DOG do 17 de maio) e polo Decreto 324/1996).

• Decreto 324/1996, do 26 de xullo, polo que se aproba o Regulamento orgánico dos institutos de educación secundaria.

• Decreto 374/1996, do 17 de outubro, polo que se aproba o Regulamento orgánico das escolas de educación infantil e dos colexios de educación primaria.

• Orde do 21 de outubro de 1996 pola que se determinan aspectos para a elección dos membros do Consello Escolar nos centros docentes non universitarios sostidos con fondos públicos, e se fixan as súas datas de celebración.(DOG do 22)

• Orde do 29 de outubro de 1996 pola que se regulan os órganos de goberno dos centros públicos de ensino non universitario de características singulares, de educación especial e educación de adultos. (DOG do 4 de novembro). Corrección de erros DOG 15-11-96.

• Orde do 28 de agosto de 1996 pola que se regula o procedemento de elección dos órganos de goberno dos centros privados concertados. (DOG do 26 de setembro).

• ORDE do 25 de abril de 2014 pola que se regula o procedemento para a designación das persoas representantes de organizacións sindicais nos consellos sociais dos centros integrados de formación profesional de Galicia, que modifica a Orde do 22 de xaneiro de 2009, pola que se regula a organización e o funcionamento do Consello Social dos centros integrados de formación profesional de Galicia.

• CIRCULAR NÚMERO 1/98, DO 2 DE FEBREIRO, DA DIRECCIÓN XERAL DE CENTROS E INSPECCIÓN EDUCATIVA POLA QUE SE ACLARAN POSIBLES DÚBIDAS EN RELACIÓN CO PROCESO DE ELECCIÓN, COMPOSICIÓN E CONSTITUCIÓN DOS ÓRGANOS DE GOBERNO DOS CENTROS PÚBLICOS.

• CIRCULAR N° 18/00 DA DIRECCIÓN XERAL DE CENTROS E INSPECCIÓN EDUCATIVA POLA QUE SE COMPLETA A CIRCULAR NÚMERO 1/98 POLA QUE SE ACLARAN POSIBLES DÚBIDAS EN RELACIÓN CO PROCESO DE ELECCIÓN, COMPOSICIÓN E CONSTITUCIÓN DOS ÓRGANOS DE GOBERNO DOS CENTROS PÚBLICOS DE ENSINANZA NON UNIVERSITARIAS.

• RESOLUCIÓN do 20 de setembro de 2021, da Secretaría Xeral de Educación e Formación Profesional, pola que se establece o calendario para a celebración de eleccións de membros dos consellos escolares de centros docentes sostidos con fondos públicos.

Con todo isto, ponse en coñecemento da comunidade educativa, que o vindeiro 29 de outubro comezará o proceso de renovación do consello escolar 2021.

Este mesmo día, 29/10/2021 ás 09:15 horas, segundo o Decreto 92/1988, do 28 de abril e as disposicións que o desenrolan, iniciarase o proceso de eleccións para a renovación dos membros do Consello escolar, terá lugar o sorteo público dos pais/nais que, xunto coas mestras e a directora, comporán a XUNTA ELECTORAL, encargada de organizar e supervisar dito proceso.

Nestas eleccións, polo número de unidades da escola, segundo o decreto 374/1996, do 17 de outubro, hai que renovar DOUS (2) representantes dos pais/nais. Un dos representantes será proposto pola ANPA e outro, será escollido por votación na mesa electoral. Ademais, haberá renovación de UN (1) representante do profesorado.

Dende o centro pedimos a vosa participación e agradecemos a vosa colaboración.

Podedes consultar máis información na orde de calendario escolar para o curso 2021-2022. Premer no seguinte enlace.

A celebración do día das Letras Galegas, cada 17 de Maio, foi instituída no ano 1963 pola Real Academia Galega para conmemorar a publicación do libro de Rosalía de Castro "Cantares Gallegos" e homenaxear a algún escritor ou escritora en lingua galega.

Este ano dedícanse a Xela Arias Castaño, poeta, tradutora e profesora de Lingua Castelá e Literatura en diferentes institutos galegos. Traballou no Departamento de Creación e Investigación de Edicións Xerais de Galicia.

Na escola, un curso máis, fixemos diferentes actividades relacionadas con esta data.

UN MURAL DO DÍA DAS LETRAS GALEGAS

AS PEGADAS EN GALEGO

Esta fermosa actividade iniciouse o curso 2017/2018. Cada nena/o da escola elabora a súa pegada cunha palabra en galego e un debuxo relacionado coa mesma. Ademais complétase co seu nome e o curso ao que pertence. Unha vez rematadas entregáronse en comercios da nosa vila, que se encargarán de repartilas como agasallo durante o 17 de maio. Así poderemos espallar as nosas letras en galego tratando de chegar a moita xente. Lembrade que un ano, unha das nosas pegadas chegou a Polonia.

 ACTUACIÓN DE ESTEBAN DE TARABELOS

Un ano máis Esteban deleitounos cunha función entretidísima titulada “O traxe novo do rei”. Coma todas as súas actuacións, foi un éxito. Gustounos moitísimo!.

OUTRAS ACTIVIDADES RELACIONADAS CON ESTE DÍA

Na escola tamén se realizaron outras actividades para dar a coñecer ao noso alumnado a vida e obra da homenaxeada. Fixeron xogos no encerado dixital, pequenos traballos en papel, aprenderon obras, etc.

E xa para rematar, para os máis curiosos/as  deixamos unha ligazón na que podedes descargar un díptico con máis información adaptada á lectura dos nenos/as con pictogramas. sobre Xela Arias.

http://seminariogalan.org/2021/1619044851.pdf