O pasado martes recibimos a visita da Escola Infantil A Galiña Azul de Nigrán. Durante a xornada compartimos contos, xogos e participamos en obradoiros de robótica e realidade aumentada.
O pasado luns, o alumnado da nosa escola asistiu (xunto con escolares doutros centros educativos de Nigrán) a un concerto de Uxía Senlle para homenaxear á escritora galega Rosalía de Castro.
O pasado mércores visitamos Naturnova, un centro interactivo de educación ambiental en Vigo no que nos amosaron cousas moi interesantes sobre a natureza, a reciclaxe e ... ata un submarino! Pasámolo en grande aprendendo!
O pasado xoves recibimos a visita do alumnado e do profesorado do CEE de Panxón. Trouxeron xogos e minilibros elaborados por eles e contáronnos moitas cousas interesantes. Grazas pola vosa visita e polos magníficos agasallos! Vémonos pronto!
