Berdillo

O día 19 de Novembro fomos de excursión ó campo de Golf "O Golpe". Pasámolo moi ben e aprendemos un montón de cousas: primeiro fomos tirarnos en tirolina. Somos moi valentes e todos queríamos que a monitora nos empurrara moi forte!. Despois paseamos por un campo de árbores frutais onde o profe Ramón nos foi expricando cada unha delas ( o nome, se era de folla caduca ou perenne, que froitos daba...).Tamén recollemos follas para facer un libro na escola. Logo xogamos ó tenis ( e descubrimos que temos verdadeiros profesionais nesta escola que lle gañaron un par de partidos á profe María). Antes do descanso, fomos dar un paseo por unha zona onde tiñan paxaros de moitas especies. (Recórdame Lara que tamén tiñan coelliños). Estábamos un pouco cansos e fixemos un pequeno recreo onde repuxemos as forzas a base de ricas galletas. Chegou a hora de practicar o deporte estrela deste lugar: o golf. Primeiro o intentamos nun minigolf e despois nun campo de probas de tiro. Xa no final da excursión, fixemos unha actividade na que imitamos os indios: TIRO CON ARCO!. A verdade é que foi unha excursión moi bonita e entretida que non nos importaría repetir.Aquí vos deixamos unha foto dos maiores da escola subidos entre dúas cordas. Saíronos equilibristas!!!

Hoxe celebramos o Samaín!. A escola de Berdillo transformouse por dentro e por fóra nunha verdadeira casa do terror!. Ás profes nos recibiron cos seus traxes de brujas e ata algún probou no cú a vasoira que tiña a profe Mónica. Unha vez dentro fixemos todos xuntos un montón de actividades moi divertidas: falamos da historia do Samaín e para que nos serven as cabazas, contáronnos o conto CORRE, CORRE CABACIÑA, fixemos unha careta de meiga, un móvil de cabazas, picamos un morcego e prantamos unha semente de cabaza, cantamos unha canción e vimos un trociño da peli de Winnie de Pooh en Halloween. Foi un día moi atarefado!.  Tamén puxemos fora da escola unha exposición coas cabazas que fixemos na casa para que as viran todos os papás e mamás, MOITÍSIMAS GRAZAS A TODOS/AS POLA VOSA COLABORACIÓN. Uuuuuuhhhhhh!.