DANIELA PIRATA, visita SEDES

Despois de que Daniela Pirata nos contase a súa historia, preparounos unha busca do tesouro ao máis puro estilo corsario.
Que ben o pasamos con Inara a mamá de Xoel.

Moitas grazas!!!

No trimestre pasado comezamos a idear o noso Xardín de Palets para o patio. Coa colaboración das familias conseguimos os palets e comezamos a pintalos. 

Como o COVID non quería deixarnos continuar cos plans, decidimos que os rematábamos no tempo de cole, así que continuamos a pintar, sementamos unhas plantiñas e os colocamos no patio.

Xa temos un patio máis naturalizado que pouco a pouco imos enchendo con flores, como os pensamentos de Rosalía e todas aquelas propostas que nos acheguedes dende as familias. 

Mirade que maravilla.

O 23 de Febreiro é o día de Rosalía de Castro e, como ben sabedes, na Escola celebrámolo coa actividade ROSALÍA NA RÚA. 

Ademais do video da actividade de todo o CRA, podedes ver todo o traballo na Escola de Sedes  pintar as teas, decorar, plantar os pensamentos... que culminou cunha xoranada ben bonita no parque do Local. Que ben o pasamos, agardamos repetir moitas veces.

DENTRO DO PROGRAMA 9 MESES 9 CONTOS, NA ESCOLA DE SEDES, TRABALLAMOS ESTE BONITO POEMARIO DE NEIRA VILAS ILUSTRADO POR LEANDRO LAMAS.

APROVEITAMOS A TEMÁTICA DE FLORES E NATUREZA PARA SAIR A RECOLLER FLORES E FACER OS NOSOS PROPIOS XARDÍNS TAN BONITOS COMO CREATIVOS.

ENCÁNTANOS AS FLORES, PERO CASE QUE NOS ENCANTA MÁIS SAIR..

O 24 de Febreiro conmemórase o Día de Rosalía de Castro, coincidindo coa data do seu nacemento.
Dende o Equipo de Normalización do centro chegou a proposta dun mural cunha palabra galega dalgún poema de Rosalía. 
A nós tocounos Fontiña, do poema Parece unha Rosa. Como nos gustou a palabra!, foi a excusa perfecta para dar un paseo ata a fontiña que temos ao lado do cole e desfrutar un pouco do sol que comeza a chegar.
Observamos a fonte e pensamos en que cousas podemos atopar ao redor das mesmas, ata vimos un Entroido!!! 
Aprendimos o verso da nosa palabra, decatámonos de como riman as palabras na poesía... en fín que Rosalía axudounos a traballar a reo.
Con todos os animais e prantas puxémonos mans á obra e neste video amosámosvos como nos quedou o mural. 
A canción que acompaña o video é un anaco de "Alborada" do Álbum "Rosalía pequeniña" de Uxía. Un álbum moi fermoso e recomendable de poemas de Rosalía musicados.

Para este día, e contando coa vosa inestimable participación, traballamos arreo para "SEMENTAR A PAZ".
Para facer o mural empregamos o truco do papá de Daniel coas ceras Manley, e que nos contou como un segredo, así que... entre nós queda. A ver se o fixemos ben e vos gusta o resultado.
Despois preparamos a terra para sementar cadansúa flor. Agardemos que no seguinte curso podades acompañar aos vosos fillos e fillas a sementar verba de PAZ na nosa escola. Desfrutade do video. Tedes o enlace á canción na páxina do CRA

25 DE NOVEMBRO. VERBAS POLA IGUALDADE

As nosas actividades para esta data tiveron por eixo as palabras bonitas. Todas esas palabras fermosas que os vosos fillos e fillas coñecen e que curan cando son ditas e escoitadas.
Falamos da importancia de rechazar a violencia veña de onde veña, con xestos ou con palabras. Identificamos o que é violencia, o que nos fai sentir mal e o ben que senta escoitar palabras que nos fan sentir importantes. 

Porque todas e todos somos especiais, importantes e imprescindibles no grupo de Sedes, pero tamén na sociedade onde vivimos

Desfrutade o video.

.

Xa tedes a vosa disposición o video do Magosto. Clicade na imaxe!

.

No seguinte enlace podedes coñecer aos nenos e nenas de 3 anos que dende este curso pasan a formar parte da nosa Escola. BENVID@S

Comezamos a mostrar os traballiños do cole na nosa aula virtual. 

Xa podedes acceder ao primeiro vídeo premendo na foto.