Prezadas familias,
De acordo coa normativa vixente respecto dos órganos colexiados de goberno dos centros docentes públicos non universitarios, procede levar a cabo no curso actual a renovación parcial de membros do Consello Escolar deste colexio.
Segundo o cumprimento da Resolución do 20 de setembro de 2021 (DOG do 29 de setembro 2021) no vindeiro mes de novembro realizarase o proceso electivo para membros do Consello Escolar. Para organizar e supervisar dito proceso deberá ser nomeada unha xunta electoral, da que formará parte a directora, un mestre ou mestra e un pai ou nai ou titor legal e un representante do PAS. Para iso, o venres 29 de outubro, ás 13:30 horas, terá lugar na Sede do CRA o sorteo público do que resultarán os membros: sector de pais/nais e mestres/as que constituirán a citada Xunta Electoral.
Posteriormente recibirán vostedes información sobre as distintas accións que se levarán a cabo para o desenvolvemento desta renovación parcial do Consello Escolar.
Neste curso renovaranse dous mestras/es e unha nai/pai.
O Consello Escolar é o órgano colexiado a través do cal participan na xestión do centro os distintos membros da comunidade educativa.
É pois moi importante a implicación e participación de todos/as.
Cordiais saúdos.
NOVO : ÚLTIMAS INSTRUCCIÓN PARA AS ELECCIÓN E PRESENTACION DE CANDIDATA
XA TEDES DISPOÑIBLE A CONVOCATORIA DE ELECCIÓNS DE REPRESENTANTES DE NAIS/PAIS
Na sede do CRA quedan expostos os censos electorais.
| Anexo | Tamaño |
|---|---|
| Calendario eleccións Consello Escolar.pdf | 285.53 KB |
| convocatoria consello escolar.pdf | 729.23 KB |
| ultimas instruccións eleccións.pdf | 62.21 KB |
