CRA Boqueixón Vedra Neira Vilas

Chegamos a final de curso cos petos cheos de aventuras e bonitos moemntos vividos pero tamén con un sabor agrudoce xa que temos que despedir a alumando que leva moito ou pouc tempo con nós pero que xa levarán o noso cariño alá a onde vaian.

Só nos queda darlles as grazas ás familias por confiar en nós e desexarlles o mellor nesta nova andaina que a aprtir de setembro comezan noutro centro. Moita sorte!!

Un ano máis, amosámosvos a través da nosa revista, un anaco das actividades desenvolvidas ao longo deste curso.

Esperamos que as disfrutedes!!!  

Nos seguintes adxuntos poderedes ver os libros e materiais que se solicitan para cada escola do CRA.

As familias de Sergude teñen marcados solo os libros para primaria pois o material será proposto en setembro cando se incopore o titor/a correspondente.

As familias da escola de Sarandón de primaria teñen que falar co titor sobre os libros.

Coa intención de fomentar a práctica de actividade física e deportiva por parte do noso alumnado e de dar a coñecer a oferta de actividades da contorna, ao longo do curso fixemos diferentes xornadas nas que o alumnado participante nalgunha delas impartiu diferentes clases mestras de ximnasia rítmica (Club Squadra de Boqueixón), karate (Escola Deportiva do concello de Vedra), patinaxe (Club Ágora de patinaxe de Boqueixón), atletismo (Club Olímpico de Vedra) ou judo (Escola judo club de Boqueixón). Demostraron ser grandes expert@s en cada un deles, tanto na súa práctica coma á hora de transmitir os seus coñecementos e de dirixir a proposta ao resto do alumnado espertando ganas de seguir practicando todos eles.

Xa estamos rematando este curso e que mellor que facelo coas familias e descubrindo máis sobre as plantas invasoras, temática que traballamos nas escolas nos tres trimestres.

Mágoa non poder facer a ruta polo río Ulla para axudar na erradicación de prantas invasoras pero a choiva foi a encargada de facernos cambiar de plans.

Con todo iso, chegamos á nave da estación de Santa Cruz, en lugar de quedar cos nosos amigos de Amabul na área recreativa de Agronovo. Alí fixemos grupos para participar en distintos talleres. Un dos talleres consistía nun xogo no que tiñamos que adiviñar que plantas hai invasoras en Galicia e cales non. De seguido seguíamos a aprender mási dobre esta temática mentres xogamos á oca e as preguntas das casiñas eran sobre este tipo de prantas.

Outro dos talleres consistía nun conto no que coñecíamosun pouco máis sobe a fauna e flora do río Ulla e a importancia de saber arrancar as invasoras, en especial a Tradescantia Fluminensis. Antes de cambiar de taller, escollemos unha das prantas e decorámola con pinturas e texturas naturais.

De seguido pasamos a outro taller no que exercemos de detectives e identificamos as invasoras que nos agocharon. Tamén puidemos ver in situ, varios tipos de invasoras e deste xeito non favorecer a súa proliferación.

Xa para rematar a quenda dos talleres, ensináronnos a identificar diferentes sons de paxaros que podemos escoitar na zona. Traballamos en equipo para formar un puzzle con plantas invasoras especiais, moi coñecidas. Para poñer máis emoción ao xogo, quen conseguía levar uns ovos na culler, sen caer, cosneguía pezas para rematar o puzzle.

Deste xeito, rematamos as actividades programadas para a mañán. E así, chegou o momento de comer coas familias, un xantar organizado pola nosa querida ANPA e co que compartimos ata que os membros da asociación Amabul nos fixeron outro xogo, no que volvemos a facer equipos e neste xogo tamén puideron participar os papás, mamás, avós, avoas e quen quixera sumarse. Para rematar, que mellor xeito de facelo bailando,un xogo que propuxo a profe Andrea e que ven sendo unha danza rusa que ten por título A troika.

Foi un día no que convivimos, xogamos, corrimos, rimos e aprendemos a importancia da conservación do medio. Dado que o mal tempo non nos deixou percorrer a beira do río para extraer plantas invasoras, queda pendente esta actividade de cara ao vindeiro curso. Entrementres, convidamos a todas as familias a facer esta andaina e, cos expertos que tedes nas casas, arrincar algunha destas especies invasoras que tan ben coñece o noso alumnado.

Dende o claustro de profesores, agradecemos a vosa implicación e participación nestas actividades que organizamos, sempre pensando nos benestar dos/as máis peques e para que aprendan dun xeito lúdico, inculcándolles a importancia da contorna, do coidado da natureza e da relación entre iguais e co todos os membros da comunidade educativa.

Só nos queda agradecervos o voso apoio, desexarvos un feliz verán e mellor descanso. Moita sorte aos que abandonan o barco do noso CRA e para os que recibimos e mesmo quedan con nós de cara ao vindeiro curso, xa poñemos a maquinaria a funcionar con novas aventuras... AGARDÁMOSVOS!!

Estamos moi agradecidos e felices, coa visita que nos fixeron José. Elvira e Ana que grazas o departamento de servizo sociais do Concello de Vedra, chegaron ás nosas escolas para facernos viaxar no tempo, co seu saber.

Comezamos o encontro nas tres escolas: S Xián, S Fins e Sarandón con unha canción que preparamos coa profe de música, Elena. Deste xeito, bailamos ao ritmo do xogo da carrasquiña e de seguido sentámonos para coñecer e ver todo o que nos trouxeron ata as nosas escolas.

Ensináronnos distintos xogos de cado eran máis novos, como o da "silla da reina", que algunha mestra ben recordaba. Tamén xogamos con unhas gomas a facer formas, según as colleras. Así, saía primeiro a serra de S Xosé, de seguido, o berce do neno Xesús e logo, según se collera a goma ou corda, saían distintos apeiros de lebranza. Nun segundo momento sentámonos en roda para ver monecas que facían coas súas mans, con carozos, mazorcas de millo e ata coas barbas do millo...iso si que é imaxinación!!!

Antes de rematar, Ana ensinounos as impresionantes flores que fai con medias e alambre. Con toda a paciencia, explicounos como se unían os pétalos, como se lle poñían os pistilos e en definitva, como se facían, tendo unha calse de coñecemento do medio sen contar.

Na escola de Sarandón, tamén tivemos unha visista moi especial: os bisavós de Luca e o avó de Blanca, Rivelino.

Entraron e dixémoslle "Bienvenidos", aplaudiron e presentámonos e dixémoslle de que familia éramos. O avó de Blanca contounos que o seu nome é Pepe pero que lle chamaban Rivelino porque cando era mozo xogaba ao fútbol e había un xogador con ese nome.

Lola e Luis contáronnos que cando ían á escola, as nenas estaba na Pedreira e os nenos en Ligarei. Había en cadansúa máis de 40. Rivelino contounos que xa veu á escola de Sarandón.

Moi atentos escoitamos como cando eran nenos e nena, tiñan poucos libros e escribían en pedra de pizarra cun pizarriño e borraban con cuspe. Ata Luis nos fixo unha demostración. Tamén escribían con pluma na libreta e mollaban en tinteiro.

Faláronnos de como xogaban Lola explicounos algún deles, como o xogo do pano, da mariola... Luis trouxo as pezas para xogar á estornela ou billarda e saimos ao campo da festa para probar de primeira man.

Grazas por agasallarnos co voso saber e estar. Por sorprendernos con tantos xogos e vivencias.

Agardamos que todos e todas marcharan das nosas escolas con gañas de volver porque a nós sóubonos a pouco e de cara ao vidneiro ano, voltaremos chamar á porta de Mamen para facer de estes intercambios unha cita fixada no tempo. Moita saúde a sorte!!

Desde fai uns anos, na escola de Sarandón, andivemos dándolle voltas á cabeza para ter un tempo máis para estar xuntos e viaxar. Así foi medrando a proposta de “Durmir fóra da casa”. Que as familias da escola viaxáramos xuntas dous días e quedarse unha noite a durmir nun albergue, os cartos non dan para máis. Coma quén non quere a cousa, xa van alá varios anos compartindo viaxes, paisaxes, xogos, xantares, ceas e almorzos, conversas e noites a “durmir fóra da casa” familias e escola.

Este curso 2023-24, decidimos viaxar cara o norte, e alá fomos a mañán de chuvia do sábado 8 de xuño cara a Mariña lucense. Despois de cruzar a Terra Chá e o Xistral baixamos o val do Landro e entramos en Viveiro.

A primeira visita, foi á igrexa de San Francisco e ó museo da Semana Santa, alí agardábanos Pipo, que foi o noso guía e mestre impartindo unha clase cas explicacións sobre o propio templo e abriu unha cofradía para contarnos as características e singularidades da Semana Santa en Viveiro.

Despois voltamos ó autobús para seguir estrada cara o Alberge Xuvenil Area, que ía ser a nosa residencia os dous días, sito na praia de Area en Viveiro. Alí asignamos habitacións por familias e procedemos a repartir o xantar que trouxeramos desde Sarandón. Primeiro xantar xuntos e conversas arredor do desexo que mellorase o tempo e tomamos a decisión de, despois de acomodar as habitacións e dun paseo de recoñecemento do entorno, subir ó autobús e ir cara o occidente.

Desta vez foi cara Estaca de Bares, fixemos parada e camiñamos á carón do faro ata a punta do cabo, contemplando fascinados a costa e admirando os acantilados mentres ondas, gaivotas e cativos mesturaban os sóns co horizonte. A continuación subimos ó autobús cara Ó Barqueiro, desde a altura do asento, e ca barreira dos eucaliptos, vimos a fermosura da ría, paramos e camiñamos polo pobo e polo porto.

A continuación, no autobús fixemos camiño de volta cara a vila de Viveiro, alí baixo a ollada fixa da estatua de Nicomedes Pastor Díaz, a pé paseamos as rúas e prazas coroadas de galerias, cruzamos a Porta de Carlos V e rematamos nun parque infantil, no que randieiras, tobogáns, escaleiras, pontes descubriron as nosas habilidades de equilibrio, salto e rapidez. Todo era pouco ata que Martiño caeu.

Un inchazón nunha perna dou a voz de alerta e Jose co seu coche levou a Martiño e seus pais, Belen e Fernando, o Centro Médico de Viveiro, mentras nós iamos no autobús para o Albergue a cear. Pouco despois soubemos que foran enviados ò Hospital da Mariña en Burela, e pola medianoite avísannos que son derivados ó Hospital de Santiago. Noite de tensión, nervos e preocupación por Martiño e seus pais. 

Nesta noite de “Durmir fóra da casa”, tódalas conversas tiñan como tema central a Martiño, e a conveniencia de levar sempre nunha excursión da escola un coche particular para poder atender o máis axiña posible as posibles incidencias da viaxe.

Amenceu nubrado e mentras almorzamos fomos dándolle voltas a que faciamos pola mañán e decidimos tomar rumbo cara o oriente. Subimos no autobús e emprendemos viaxe a visitar o complexo industrial de Sargadelos. Contemplamos admirados as construccións e a obra de Isaac Díaz Pardo e amigos, por ser domingo os edificios estaban pechados. Camiñamos pola beirarrúa ata as vellas edificacións do antigo complexo industrial de Ibañez, e andivemos o Paseo dos Namorados. Sargadelos integración de industria e paisaxe.

Voltamos no autobús ó Albergue ca esperanza de darnos un baño na praia de Area antes de xantar, e foi cando soubemos que Martiño xa estaba na casa e non quedara no Hospital. Houbo máis animados para o partido de fútbol que para o baño, pero algúns mollaron os pés e Mari e o mestre atrevéronse a darse un baño nas augas do Cantábrico.

Xantamos con calma, recollemos e lavamos entre todas e todos o que usamos no comedor e na cociña do Albergue, cadaquén recolleu a súa habitación e voltamos a encher as maletas porque había que iniciar o camiño de volta. Camiño de volta que ía ter unha parada. Despois de cargar tódolas equipaxes e viaxeiros fomos marchando de Area, cruzamos Viveiro e á carón do Landro fomos indo cara Chavín, baixamos do autobús e fixemos unha camiñata ata a Fraga da Retorta, e alí estaba “O Avó” un eucalipto de grandes dimensións rodeado de moitos máis que no desentoaban a súa par. Un entorno de auga e vexetación exuberante que falan da calidade da terra e o microclima das Terras do Landro.

Merendamos ó pé do autobús e, desta vez si, fixemos sen parar o camiño de volta a Sarandón. Chegamos ás 21,30 horas o campo da festa e xa había avós e familiares agardando por nós para que lles contaramos na casa como fora a viaxe a Viveiro.

Atrás foron quedando paisaxes, vivencias, xogos, sustos e conversas compartidas xuntos, familias e escola, nais, pais, nenas, nenos, chofer e mestre porque quixemos “Durmir fóra da casa”.

Xa estamos pensando, onde será a seguinte?

Antonio Vázquez Turnes, mestre de Sarandón. Xuño de 2024

Si ben, os nenos e nenas de Camporrapado xa visitaran e tiveran un encontro cos maiores da residencia de Codeso e xa volo contamos nunha publicación, nesta ocasión e con motivo do día da familia, celebramos nas escolas unha xuntanza cos maiores do lugar. Foi a quenda das escolas de Boqueixón: Lestedo, Camporrapado e Sergude as cales tiveron a vista das casas do maior de Vigo e Loureda, dos participantes no Programa de prevención de dependencia do Concello de Boqueixón, que viñeron acompañadps de María de servizos sociais e tamén de algúns avo, avoa, bisavo e bisavoa do alumnado.

Na escola de Camporrapado, o alumnado fixo unha explicación sobre especies invasoras e ensináronlles a xogar cos xogos cooperativos de invasoras. Bailaron o xogo da carrasquiña traballado coa profe Elena. Debuxaron e ensináronlles a horta.

Na escola de Lestedo, escoitaron anécdotas da súa infancia, observaron fotografías e libros antigos e, en definitiva, o alumnado coñeceu como era a vida antes. 

En Sergude, recibiron aos participantes do encontro cun xogo na ruleta, cada número correspondía a cousas que fan habitualmente no cole ou cousas que os nenos pensaban que podían facer (ou non) nas escolas de antes, conversaron sobre os temas que saían na ruleta. Despois de aprender moitas cousas da escola de antes sairon ao patio a xogar á carrasquiña e outros xogos de roda tradicionais que nos ensinaron as señoras.

Foi un placer compartir o tempo con eles e elas, agardamos ter por diante, moitos máis encontros interxeracionais!!

No seguinte vídeo, poderedes ver un resumo do que dou deron de os encontros!!!

Para a vindeira semana poderemos contarvos o encontro interxeracional nas escolas de Vedra e que terán estos días.

Outro ano máis, grazas ao voluntariado de Don Bosco en coordinación coa mestra Elena, puidemos levar a cabo novamente este proxecto tan interesante para o centro.

Desta volta acompañáronnos catro países: Grecia, Francia, Italia e Luxemburgo.

Aprendimos moitas cousas destes países e aínda que a fala é distinta, sempre atopamos un nexo de unión entre as diferentes culturas: A MÚSICA

Grazas a FEGADACE e Sarela (asociación do dano cerebral de Santiago) coñecemos aos FASTHEROES, uns amigos e amigas guiados que amosaban uns síntomas (perda de forza, perda da fala e perda de movilidade facial) provocados polo malvado COÁGULO; e aos que un superheroe chamado Toni experto en detectar ICTUS, tiña o poder de axudar chamando ao 112. (nº que para nós é doado aprender porque temos unha boca, un nariz e dous ollos).

Tamén comprendemos a importancia de levar unha vida sana e saudable, cunha alimentación equilibrada acompañada de exercicio físico.

Este ano, da man de Elena, a mestra de música, o alumnado do CRA presentouse ao concurso SERÁN DAS LETRAS. Participamos en dúas categorías e cal foi a nosa sorpresa que levamos 3 premios e un Accésit.

Por outra parte, dende ao organización deste Serán, a asociación San Campio, agasallou ás/os participantes con un bonito detalle, do que se lle fixo entrega nas escolas.

Moi ben feito rapaces e rapazas, sodes uns CRACS...e parabéns á organización!!

Desde o día 30 de abril, está aberto o prazo para solicitar as bolsas de axudas para alumnado con necesidades específicas de apoio educativo. NEAE.

O prazo de presentación remata o 13 de setembro.

Enlace á páxina do Ministerio:

https://www.becaseducacion.gob.es/becas-y-ayudas.html

Enlace ao servizo en liña:

https://www.becaseducacion.gob.es/becas-y-ayudas/ayudas-apoyo-educativo/...

* ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H).

Prazo de solicitude: do 21/5/2024 a 21/6/2024, (ámbolos dous incluídos)

Forma de presentación:

Electrónica:  mediante a aplicación:

https://www.edu.xunta.gal/fondolibros e presente a solicitude na Sede Electrónica (inicie premendo na icona de botón na esquina superior dereita da pantalla)

NOTA: na presentación electrónica deberá presentar unha solicitude individual para cada un dos seus fillos       

Presencial con asistencia da aplicación: cubra os datos nesta aplicación, imprima os Anexos I e II producidos e presénteos no centro educativo (inicie premendo na icona de botón na esquina superior dereita da pantalla)      

Presencial manual: utilice os Anexo I e Anexo II da Orde da convocatoria e presénteos no centro educativo

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

Documentación complementaria

1. As persoas interesadas deberán achegar coa solicitude (anexo I) a seguinte documentación:

a) Anexo II (comprobación de datos dos membros computables da unidade familiar).

b) Copia do libro de familia ou documento equivalente, onde figure o/a alumno/a e os demais membros computables da unidade familiar.

En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/da menor.

c) Certificado de discapacidade do/da alumno/a ou calquera membro da familia non expedido pola Administración autonómica.

d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero, cando o agresor forme parte da unidade familiar.

e) Resolución xudicial constitutiva da curatela representativa ou resolución xudicial que estableza a patria potestade prorrogada ou rehabilitada mentres non se produza a revisión desta medida.

f) Resolución administrativa ou xudicial acreditativa da situación de acollemento ou certificado do centro de menores, para o alumnado en situación de tutela ou garda da Xunta de Galicia.

g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE.

A pasada fin de semana foron as festas de Oural, na honra a S Cidre, unha das parroquias á que pertence a escola de Camporrapado. Nesta ocasión conmemorábase o 50 aniversario desta festa e a celebración foi por todo o alto. 

Sempre nos enche de fachenda o noso profesorado e familias pero é que non pode ser doutro xeito, porque o que se implican na parroquia no seu día a día, só o saben as familias que comparten con ese mestre e mestras, as aventuras que non deixan de propoñer.

Nesta ocasión aplaudimos á profe Mónica e ás familias de este curso e de anteriores que quixeron participar na elaboración da carroza. Ata os residentes da residencia de Codeso, fixeron a súa aportación colaborando na elaboración dos portachuches... Parabéns a todos e todas en xeral e á profe Mónica en particular.

Os mestres e mestras do CRA, falan como ela fixo na presentación do documental que se proxectou o pasado venres, explicando que a escola tense que abrir á parroquia e a parroquia entrar na escola, o que ben sendo a esencia deste CRA. 

A mesma Mónica nos dixo emocionada que o domingo foi o día grande e os compañeiros e compañeiras das demáis carrozas, decidiron que a CRACRROZA era merecedora do primeiro premio por segundo ano consecutivo... o que lle eche de orgullo ser mestra nesta comunidade.

Por moitos anos de S Cidre, de CRACKRROZA e do CRA Boqueixón Vedra "Neira Vilas".

VIVA O S. CIDRE!!!!!

De seguido deixámosvos un resumo do que dou de si esta carroza:

Durante esta semana das Letras Galegas tivemos a sorte de contar coa colaboración de Marina Vidal Míguez, integrante do grupo Fillas de Casandra. Con ela realizamos un obradoiro de música e danza tradicional no que ensalzamos a riqueza da nosa cultura e folklore e desfrutamos moito aprendendo a tocar algún instrumento como a pandeireta, a gaita, o tambor, o pandeiro, a pandeira, a botella, a tixola, as castañolas... Ademais aprendemos diferentes danzas e pasos de muñeira e jota. Xa podemos ir a calquera foliada a poñelos en práctica!

Un ano máis rematamos as dúas quendas de froita e leite na escola. A primeira tivémola no mes de xaneiro e a segunda rematamos a pasada semana, xa no mes de Maio. Este proxecto enmarcado dentro do FOGGA sobre vida saudable, convidamos ás familias a participar en dous períodos de leite e froita de, 10 días consecutivos no caso da froita e 20 de leite. Durante este tempo, o alumnado participante consumirá estos productos sen procesar, na hora do recreo. Deste xeito, para o vindeiro curso continuaremos con estas e outras iniciativas que favorecen hábitos de vida e que nos axuden a fortalecer a nosa saúde.

Un ano máis, dende o equipo de biblioteca puxemos a disposición das escolas unha selección de libros repartidos en 6 caixas que rotan polas diferentes aulas unha vez ao trimestre. Cada unha das caixas conta cunha selección de aproximadamante 50-60 libros sobre temáticas diversas e distintos tipos de texto: expositivo, poético, literario, etc. Con estes fondos, as escolas realizan os préstamos semanais.

Unha maneira de promocionar os novos fondos entre o profesorado é difundir as fotos coas últimas novidades adquiridas pola biblioteca de maneira periódica.

Durante todo o curso 2023-24 o equipo de biblioteca pon a disposición do profesorado e do alumnado diversas seccións temáticas que abarcan as conmemoracións e/ou datas de interese de cada mes do curso. Así, estas seccións conteñen material que abarca temáticas como: samaín, outono, 25N, nadal, inverno, día da paz, día da ilustración, entroido, día de Rosalía, mulleres na ciencia, día da poesía, día do teatro, día do libro, letras galegas, día do medioambiente...

Durante estes días nas diferentes escolas estamos a conmemorar o Día mundial da Saúde realizando unha serie de actividades que culminarán coa celebración dunha gran carreira pola saúde. Elaboramos entre tod@s listados de hábitos de vida saudables que deberemos incorporar ás nosas vidas: xogar ao aire libre, realizar exercicio, levar unha dieta equilibrada, reducir o tempo de pantallas ao mínimo,... Cos nosos favoritos fixemos a liña de meta e os dorsais necesarios para participar na carreira. Chegou o día tan agardado e non nos esquecimos de realizar un bo quecemento previo e de hibratarnos e estirar ao rematar a carreira puidendo repoñer forzas cunha rica merenda saudable. Podían correr ao ritmo que quixeran pero era importante agardar a falta de 5 metros da meta por tod@s @s compañeir@s para cruzala xunt@s formando un gran equipo.

Ademais, o alumnado de primaria converteuse por unha semana en axentes de saúde debendo velar polo cumprimento destes hábitos nos seus fogares, premiando ou multando a quen correspondese. Cónstanos que nalgún caso foron implacables.

Durante o curso 2023-24 o lema das bibliotecas escolares de Galicia é "unha biblioteca en viñetas" para poñer en valor as posiblidades que a banda deseñada ofrece tanto para o goce lector como para a aprendizaxe curricular nas aulas. Por todo isto, dende a biblioteca do noso cra, seleccionamos unha serie de cómics de diversas temáticas que distribuimos en seis mochilas rotatorias, intercambiándoas entre as escolas unha vez ao mes. Con este material poñemos a disposición do profesorado e do alumnado variadade de temáticas, estilos e novidades de banda deseñada para o traballo nas aulas.

A facultade de Ciencias da Educación convidounos a participar nas IX Xornadas de Innovación Educativa no Rural co fin de afondar no coñecemento e difusión de boas prácticas desenvolvidas en contextos rurais, promovendo a reflexión acerca das dinámicas socioambientais, culturais, educativas e económicas que lles atinxen.

O mestre Antonio e a mestra Elena achegáronse ata a facultade para facerlles chegar a nosa metodoloxía de traballo no día a día e os proxectos que levamos a cabo no centro e que nos converten nunha experiencia de calidade educativa e social chea de paixón e vocación polo traballo realizado desde o CRA para toda a Comunidade Educativa do noso centro .

RESOLUCIÓN DEFINITIVA DA CONVOCATORIA DE BECAS NEAE 2023/24

Durante o mes de novembro conmemoramos a data de nacemento e pesamento de Xosé Neira Vilas, autor que dá nome ao noso Cra. A proposta deste ano baseouse na ilustración e recitado de diferentes poemas do autor e da súa muller, Anisia Miranda. Cada un dos cadros tiña un código Qr, que unha vez escaneado, podíase escoitar o recitado do poema. Con eles fixemos unha exposición na Fundación Xosé Neira Vilas e debido ao seu éxito, posteriormente repetímola no local sociocultural de Lestedo, na asociación cultural San Campio e na Cidade da Cultura, durante a entrega do premio Arume de poesía da Fundación Xosé Neira Vilas. Xa no mes de abril, o Cra presenta esta experiencia nas Xornadas de educación rural que se levarán a cabo na Facultade de Ciencias da educación.

Nos seguintes enlaces podedes ver o traballo previo nas escolas para a realización dos cadros:

https://www.instagram.com/p/Cz9xMaENc3L/

https://www.instagram.com/p/Cz9xMaENc3L/

https://www.instagram.com/p/Cz9xMaENc3L/

Desde o Centro Autonómico de Formación e Innovación están a desenvolver a segunda edición do Ciclo de Cultura Científica e vai ser aberta ao público en xeral vinculado á nosa comunidade educativa. A actividade pódese seguir de xeito presencial no Salón de Actos Neira Vilas da Biblioteca de Galicia ou ben por streaming na canle de YouTube da Consellería de Cultura, Educación, Formación Profesional e Universidades de 18,00 a 19,30 h.

Baixo o título Tecnoloxía con sentidiño, abordaranse varias temáticas que teñen como eixo común da tecnoloxía: uso desta nas aulas, a súa relación coa saúde infanto-xuvenil e a psicoloxía ou a Intelixencia Artificial, entre outros. O obxectivo é ofrecer certezas e contribuír a unha reflexión seria e documentada, con expertos do maior nivel, baseada en investigacións.

O programa será o seguinte:

• 4 de abril de de 18:00 a 19:30 h, Héctor Ruíz Martin, investigador e director da International Science Teaching Foundation, impartirá o relatorio Que nos di a investigación sobre o uso da tecnoloxía na aula?.
• 22 de abril de 18:00 a 19:30 h, Laura Espido Freire será a encargada da intervención Palabras e pensamento: a ciencia e o seu fio narrativo.
• 2 de maio de 18:00 a 19:30 h, José César Perales, catedrático de Psicoloxía experimental da Universidade de Granada, afondará nos Mitos e evidencias sobre o uso intensivo de dispositivos e aplicación na rede.
• 16 de maio de 18:00 a 19:30 h, Juanjo Montiel Pérez, enxeñeiro sénior de software de Microsoft, achegaranos unha ollada desde a discapacidade e a plena integración da tecnoloxía na conferencia Tecnoloxía e accesibilidade.
• 28 de maio de 18:00 a 19:30 h, Javier Saéz de los Terreros, responsable da comunicación dixital do Museo del Prado en Madrid, descubriranos como achegar a tecnoloxía a un público que non visita os museos co relatorio Estratexias de comunicación dixital. As redes sociais do Museo do Prado.
• 4 de xuño de 18:00 a 19:30 h, Francisco Bellas Bouza, investigador e especialista en Intelixencia artificial do CITIC da Universidade da Coruña e do Centro de Innovación Educativa e Dixital, abordará o impacto das novas tecnoloxías na sociedade con Educación na era da Intelixencia Artificial: vaiamos a modo.
• nunha data aínda por fixar en xuño, Luis Sánchez Santos, profesional sanitario do Sergas achegará unha visión desde a pediatría e as Ciencias da saúde co relatorio Cruzando saúde infanto-xuvenil e tecnoloxía.

 Dado que o número de solicitudes non superou en ningunha escola a oferta inicial, informámosvos que TODO O ALUMNADO QUE SOLICITOU PRAZA ESTÁ ADMITIDO. A matrícula poderedes facela efectiva do 20 ao 30 de xuño. Para isto, xa vos pasaremos a información no seu momento. Graciñas a todas as familias que confiades na escola rural en xeral e no noso centro en particular!!

Entre as diferentes actividades realizadas para conmemorar o Día da Muller, este ano decidimos destacar a figura da atleta de triple salto Ana Peleteiro, resaltando tanto a súa valía profesional (recentemente proclamada 3ª do mundo nos campionatos de pista cuberta de Glasgow cun salto de 14,75 m., bronce nos Xogos Olímpicos de París,…) coma persoal: respectuosa coas súas rivais, valente, decidida e cunha personalidade arrolladora. Decidiu ser nai no mellor momento da súa carreira enfrontándose a moita xente que a criticou por pensar que sería a fin dos seus bos resultados e demostrando tan so un ano despois que se equivocaban.

Atleta reivindicativa, nunha ocasión afirmou nuha entrevista que “Se hoxe estamos aquí é porque unha muller un día dixo: ¿Por qué non podemos ter os mesmos dereitos?” en referencia a Katherine Switzer que foi a primeira muller en correr a mataratón de Boston en 1967, polo que aproveitamos esta ocasión para achegarlle o alumnado tamén a súa historia.

Chegou a hora da práctica e despois de medir na escola os 14.75 m. do salto de Ana e quedar abraiad@s ao saber que é quen de percorrer esa distancia con tan so 3 saltos, probamos a ver cantos saltos necesitariamos dar nós para conseguilo. Isto nos motivou moito e adicamos varias sesións posteriores ao traballo desta habilidade motriz básica nas súas diferentes variantes. Foi moi divertido e pasámolo moi ben.

Do 4 ao 8 de marzo conmemoramos a semana da prensa. Nesta semana levamos a cabo distintas actividades relacionadas coa prensa.

Deste xeito, vimos periódicos dixitais e tamén os manipulamos para coñecer as diferentes seccións e consultamos distintas temáticas como as especies invasoras en Galicia e noutras comunidades autónomas.

Tamén aproveitamos  que nesta semana tamén conmemoramos o 8M, para buscar  novas onde as mulleres destaca nalgún ámbito.

Por outra parte, traballamos outras seccións de acontecementos nas escolas  ou na contorna.

Nalgunhas escolas, mesmo preparamos un recuncho con distintos medios de comunicación antigos como radios, teléfonos, máquinas de escribir... e todo iso foi posible, grazas á colaboración das familias, sempe dispostas a axudar no que faga falta.

Agardamos que vos guste este pequeno vídeo resumo que preparamos!! 

Non podemos estar máis felices nin máis orgullosos e orgullosas da comunidade educativa deste CRA. Familias, profesorado, e concello implicáronse ao máximo para que as escolas de Boqueixón volveran a contar co 1º ciclo de primaria, e que mellor xeito de comezar o mes de marzo, que con esta gran nova. Deste xeito, a partir de setembro, contaremos coa mesma oferta educativa nas seis escolas do CRA, o que demandábamos dende fai anos e que creaba desigualdade entre as escolas. Grazas á ANPA, ao porfesorado que, dou e, como sempre, vai seguir dando o mellor, ao concello e particularmente ao alcalde, Don Ovidio Rodeiro Tato, que sempre confiou no traballo da escola rural, na súa calidade educativa e persoal. 

Agora só queda que as familias sigades confiando e apostando pola escola rural en xeral, e no CRA Boqueixón Vedra "Neira Vilas" en particular, e como di o noso lema, "Educando en familia", continuar colaborando na formación do voso ben máis prezado, os vosos fillos e fillas.

Grazas, grazas e mil grazas por tanto!!!