CRA A Picaraña
24 DE FEBREIRO, DÍA DE ROSALÍA DE CASTRO
Posted Maio 7th, 2021 by admin
Un ano máis conmemoramos a data do nacemento da nosa galega máis ilustre, a pioneira e continua fonte de inspiración. Ademais de convertela na guía da nosa Biblioteca de centro, dende o EDLG propuxemos unha xincana para festexar o aniversario de Rosalía.
O alumnado tiña que resolver seis probas, se eran quen de facelo con éxito o profesorado dáballes unha pista de onde se agochaba a peza dun crebacabezas que terían que compoñer ao rematar todas as probas.
Dende as seis aulas do CRA gozamos deste día con probas como:
- adiviñar o nome da escritora homenaxeada a través dun xogo de letras,
- pintar cos ollos pechados mentras soaba "Airiños, airiños aires" musicado por Juan Ramos e Carol Sospedra https://www.youtube.com/watch?app=desktop&v=LvHPSZVM7og,
- ordenar os versos de “Parece unha rosa” https://wordwall.net/resource/9839497,
- bailar nunha roda ao compás da canción de Migallas “O Moucho”, creada a partir dos versos dun poema homónimo de Rosalía https://www.youtube.com/watch?v=uOUCIP6iiS4,
- completar o poema “Adiós ríos, adiós fontes” https://wordwall.net/resource/11276336/adi%c3%b3s-r%c3%ados-adi%c3%b3s-fontes ouparticipar no concurso “,
- e resolver unha serie de cuestións en “CANTO SABEDES DE ROSALÍA?” https://wordwall.net/resource/9863667
Para ver máis imaxes de como festexamos esta conmemoración podes visitar a nosa páxina de instagram: https://www.instagram.com/p/CLr0JlHFhDm/ e, máis concretamente, o enlace adicado a esta actividade:
https://www.instagram.com/p/CLr0JlHFhDm/?igshid=1a2m25ry5lmm2
